ຖູແຂ້ວບໍ່ສະອາດພໍສ່ຽງ 5 ພະຍາດ

- advert banner 728 90 728x90 - ຖູແຂ້ວບໍ່ສະອາດພໍສ່ຽງ 5 ພະຍາດ
  1. ພະຍາດຫົວໃຈ :  ບໍ່ເຊື່ອກໍຕ້ອງເຊື່ອ ຫາກມີອາການແຂ້ວແມງລຸກລາມໄປເຖິງເຫືອກອັກເສບ ມີໂອກາດທີ່ເຊື້ອພະຍາດໃນ ເຫືອກທີ່ອັກເສບຢູ່ອາດເຂົ້າສູ່ກະແສເລືອດໄດ້ ອາດເຮັດໃຫ້ຜິວໜັງຫລອດເລືອດແຂງໂຕ ເລືອດໄຫລວຽນໄປຫາຫົວໃຈບໍ່ສະດວກ ຫລື ອາດເຮັດໃຫ້ຜິວໜັງຫລອດເລືອດຫົວໃຈອັກເສບ ຈົນເກີດອາການຫົວໃຈວາຍໄດ້.
  2. ພະຍາດຝີໃນສະໝອງ : ເມື່ອສຸຂະພາບໃນຜົ້ງປາກບໍ່ດີພໍ ຈົນເກີດການສະສົມຂອງແບັກທີເຣຍຊະນິດທີ່ບໍ່ດີຕ່າງໆ ແລ້ວເຮົາ ກໍກືນເຂົ້າໄປໃນຮ່າງກາຍຈົນເກີດການຕິດເຊື້ອໃນກະແສເລືອດ ເຮັດໃຫ້ເຊື້ອພະຍາດບາງຊະນິດຂຶ້ນໄປສະສົມຢູ່ໃນສະໝອງ ຈົນ ກາຍເປັນພະຍາດຮ້າຍແຮງໃນສະໝອງ ເຊັ່ນ : ຝີໃນສະໝອງ.
  3. ຕິດເຊື້ອທາງເດີນຫາຍໃຈ : ຫາກເຮົາສະໝັກເອົານຳ້ລາຍທີ່ເຕັມໄປດ້ວຍແບັກທີເຣຍທີ່ກໍ່ພະຍາດເຂົ້າໄປໃນປອດ ອາດເຮັດໃຫ້ ປອດຕິດເຊື້ອໄດ້. ນອກຈາກນີ້ ລະບົບທາງເດີນຫາຍໃຈໃກ້ຄຽງອາດສ່ຽງຕິດເຊື້ອໄປນຳ ຈົນເປັນສາເຫດຂອງພະຍາດປອດບວມ, ປອດອັກເສບ ຫລື ຫອບຫືດ.
  4. ພະຍາດເບົາຫວານ : ຫາກເປັນແຂ້ວແມງຮຸນແຮງຈົນຕິດເຊື້ອ ອາດເຮັດໃຫ້ເກີດອາການແຊກຊ້ອນໃນການຄວບຄຸມລະດັບນຳ້ຕານໃນເລືອດ, ລະດັບອິນຊູລິນໜ້ອຍລົງ, ເພີ່ມຄວາມສ່ຽງໃນການເປັນພະຍາດເບົາຫວານ ຫລື ເຮັດໃຫ້ຄົນທີ່ປ່ວຍເປັນພະຍາດເບົາຫວານຢູ່ແລ້ວມີອາການຮຸນແຮງຫລາຍຂຶ້ນ. ນອກຈາກນີ້, ອາການແຂ້ວແມງ, ເຫືອກອັກເສບ ກໍຈະມີຄວາມຮຸນແຮງ ແລະ ນານເຊົາກ່ວາຄົນປົກກະຕິນຳອີກ.
  5. ເກີດລູກກ່ອນກຳໜົດ : ຫາກເປັນແມ່ຍິງຖືພາ ເຊື້ອພະຍາດທີ່ຢູ່ໃນຜົ້ງປາກຂອງແມ່ອາດແຜ່ກະຈາຍໃນຮ່າງກາຍຈົນເຮັດ ໃຫ້ເກີດອາການເກີດລູກກ່ອນກຳໜົດ ຫລື ລູກມີນຳ້ໜັກໂຕຕໍ່າກ່ວາເກນມາດຕະຖານໄດ້ ໂດຍສະເພາະພະຍາດເຫືອກອັກເສບຮຸນ ແຮງ ຈົນທຳລາຍກະດູກຮອງແຂ້ວ ຈົນເກີດເປັນຮ່ອງເຫືອກເລິກ ແລະ ເປັນແຫລ່ງສະສົມຂອງຄາບຈຸລິນຊີ ແລະ ແບັກທີເຣຍທີ່ກໍ່ ໃຫ້ເກີດພະຍາດໄດ້ຫລວງຫລາຍ.

ດັ່ງນັ້ນ, ຢ່າຖືເບົາການຖູແຂ້ວໃຫ້ສະອາດທຸກເທື່ອຢ່າງໜ້ອຍມື້ ລະ 2 ເທື່ອ, ເທື່ອລະ 2 – 3 ນາທີ ຫລື ອາດຈະຖູຕື່ມອີກໃນຕອນສວາຍ ຫລື ຫາກໃຊ້ໄໝຖູແຂ້ວຫລັງອາຫານ ແລະ ນຳ້ຢາບ້ວນປາກກໍຈະຊ່ວຍຫລຸດເສດອາຫານ ແລະ ການສະສົມຂອງເຊື້ອແບັກທີເຣຍໄດ້ດີເຊັ່ນກັນ.

- 1 1 - ຖູແຂ້ວບໍ່ສະອາດພໍສ່ຽງ 5 ພະຍາດ
- Tiger Head 728x90 - ຖູແຂ້ວບໍ່ສະອາດພໍສ່ຽງ 5 ພະຍາດ
error: Content is protected !!