ສະພາຮັບຮອງເອົາກົດໝາຍວ່າດ້ວຍອົງການໄອຍະການປະຊາຊົນສະບັບປັບປຸງ

- 18450052 1405031436241263 536962508 n - ສະພາຮັບຮອງເອົາກົດໝາຍວ່າດ້ວຍອົງການໄອຍະການປະຊາຊົນສະບັບປັບປຸງ
- Untitled design - ສະພາຮັບຮອງເອົາກົດໝາຍວ່າດ້ວຍອົງການໄອຍະການປະຊາຊົນສະບັບປັບປຸງ

- 18450052 1405031436241263 536962508 n 300x200 - ສະພາຮັບຮອງເອົາກົດໝາຍວ່າດ້ວຍອົງການໄອຍະການປະຊາຊົນສະບັບປັບປຸງ    ວັນ​ທີ 10 ພຶດສະພາ​ນີ້, ທ່ານ ຄຳ​ສານ ສຸ​ວົງ ຫົວໜ້າ​ອົງການ​ໄອ​ຍະ​ການ​ປະຊາຊົນ​ສູງສຸດ ​ໄດ້​ສະ​ເໜີ​ກົດໝາຍ​ວ່າ​ດ້ວຍ​ອົງການໄອຍະການ​ປະຊາຊົນສະບັບ​ປັບປຸງ ຕໍ່​ກອງ​ປະຊຸມ​ສະ​ໄໝ​ສາມັນ​ເທື່ອ​ທີ 3 ຂອງ​ສະພາ​ແຫ່ງ​ຊາດ​ຊຸດ​ທີ VIII, ​ທີ່​ປະກອບ​ມີ 9 ພາກ, 9 ໝວດ ​ແລະ 74 ມາດຕາ ແລະ ສສຊ ​ເຫັນ​ດີ​ເປັນ​ເອກະ​ພາບ​ກັນ​ຮັບຮອງ​ເອົາ​ກົດໝາຍ​ດັ່ງກ່າວ ​ເພື່ອ​ນຳ​ໃຊ້​ເປັນ​ນິຕິ​ກຳ​ທີ່​ເປັນ​ເຄື່ອງມື​ອັນ​ສຳຄັນ​ໃນ​ການ​ຄຸ້ມ​ຄອງ​ການ​ເຄື່ອນ​ໄຫວ, ການ​ປະຕິບັດພາລະ​ບົດບາດ, ສິດ ​ແລະ ໜ້າ​ທີ່​ຂອງ​ອົງການ​ໄອ​ຍະ​ການ​ປະຊາຊົນໃຫ້ປະສິດທິພາບ​ສູງ ​ແນ​ໃສ່​ປົກ​ປ້ອງ​ຜົນ​ປະ​ໂຫຍ​ດຂອງ​ລັດ, ສັງຄົມ, ສິດ ​ແລະ ຜົນປະ​ໂຫຍ​ດອັນ​ຊອບ​ທຳ​ຂອງ​ພົນລະ​ເມືອງ, ​ເຮັດ​ໃຫ້​ສັງຄົມ​ມີ​ຄວາມ​ສະຫງົບ ​ແລະ ຄວາມ​ເປັນ​ລະບຽບ​ຮຽບຮ້ອຍ, ​ມີຄວາມຍຸຕິ​ທຳ, ປະກອບສ່ວນ​ເຂົ້າ​ໃນ​ການ​ປົກ​ປັກ​ຮັກສາ ​ແລະ ສ້າງສາ​ພັດທະນາ​ປະ​ເທດ​ຊາດ, ພ້ອມ​ທັງ ​ເຮັດ​ໃຫ້ການ​ເຂົ້າ​ເຖິງ​ການ​ບໍລິການ​ທາງ​ດ້ານ​ກົດໝາຍ​ຕາມ​ຂະ​ບວນການ​ຍຸຕິ​ທຳ​ຂອງ​ປະຊາຊົນ​ບັນດາ​ເຜົ່າມີ​ຄວາມສະດວກ, ກະທັດ​ຮັດ​ວ່ອງ​ໄວ, ​ໂປ່​ງ​ໃສ ​ແລະ ຮັບປະກັນ​ຄວາມ​ຍຸຕິ​ທຳ​ໃນ​ສັງຄົມ​ ສາມາດ​ອຳນວຍ​ຄວາມ​ສະດວກ​ໃຫ້​ແກ່​ອົງການ​ສືບສວນ-ສອບ​ສວນ ​ແລະ ອົງການ​ຈັດ​ຕັ້ງ​ອື່ນໆ​ໃນ​ການ​ປະສານ​ສົມທົບ​ວຽກ​ງານ​ດ້ານ​ຕ່າງໆ​ໄດ້​ດີ​ຂຶ້ນ. ນອກ​ນີ້ ຍັງ​ເປັນ​ການ​ພັດທະນາ​ປັ​ດ​ໃຈ​ພາຍ​ໃນ​ ລວມທັງ​ກົດໝາຍ ​ແລະ ບັນດາ​ນິຕິ​ກຳ​ລຸ່ມ​ກົດໝາຍຢ່າງ​ເປັນ​ເຈົ້າ​ການ, ສ້າງ​ເງື່ອນ​ໄຂ​ເອື້ອຍ​ອຳນວຍ​ຄວາມ​ສະດວກ​ທີ່ດີ, ​ສາມາດ​ເຊື່ອມ​ໂຍງ​ພາກ​ພື້ນ ​ແລະ ສາກົນ ​ເພື່ອ​ຍາດ​ແຍ່ງ​ເອົາ​ການ​ສະໜັບສະໜູນ, ບົດຮຽນ, ​ເຕັກ​ໂນ​ໂລ​ຊີ ມາ​ພັດທະນາ​ວຽກ​ງານ​ໄອ​ຍະ​ການ​ປະຊາຊົນຕາມ​ທິດ​ກ້າວ​ໜ້າ ​ແລະ ທັນ​ສະ​ໄໝເທື່ອ​ລະ​ກ້າວຕາມ​ແຜນ​ແມ່​ບົດ ແລະ ​ວິ​ໄສ​ທັດ​ຮອດ​ປີ 2030, ຍຸດ​ທະ​ສາດ​ປີ 2025 ​ແລະ ​ແຜນ​ພັດທະນາ 5 ປີ 2016-2020 ອີກ​ດ້ວຍ.

- Wave100S AD to Website 2020 0 - ສະພາຮັບຮອງເອົາກົດໝາຍວ່າດ້ວຍອົງການໄອຍະການປະຊາຊົນສະບັບປັບປຸງ
- WhatsApp Image 2020 05 27 at 5 - ສະພາຮັບຮອງເອົາກົດໝາຍວ່າດ້ວຍອົງການໄອຍະການປະຊາຊົນສະບັບປັບປຸງ
- WhatsApp Image 2020 05 27 at 5 - ສະພາຮັບຮອງເອົາກົດໝາຍວ່າດ້ວຍອົງການໄອຍະການປະຊາຊົນສະບັບປັບປຸງ
error: Alert: ເນື້ອຫາຂ່າວມີລິຂະສິດ !!