ນະຄອນຫລວງວຽງຈັນ

- vietiane12 - ນະຄອນຫລວງວຽງຈັນ
- 16583075379783 - ນະຄອນຫລວງວຽງຈັນ

- vietiane12 300x226 - ນະຄອນຫລວງວຽງຈັນ

ດັ່ງພວກເຮົາຮັບຮູ້ນຳກັນ ແລ້ວວ່າ: ນະຄອນຫລວງວຽງ ຈັນເປັນເມືອງເອກຂອງປະເທດມີຄວາມຈະເລີນເຕີບ ໃຫຍ່ຢ່າງ ວ່ອງໄວທາງດ້ານພື້ນຖານ, ເສດຖະກິດ ແລະ ວັດທະນະທຳ- ສັງຄົມ.  ແລະ ເປັນທີ່ຕັ້ງຍຸດທະສາດອັນ ສຳຄັນທາງດ້ານປ້ອງກັນຊາດ-ປ້ອງກັນຄວາມສະຫງົບ, ການຕ່າງປະເທດ, ການເມືອງ- ການປົກຄອງຂອງຊາດ ເຊິ່ງບັນດາກະຊວງ, ແລະ ສຳນັກງານອົງການຕ່າງໆຂອງລັດຖະບານກໍລ້ວນແລ້ວແຕ່ຕັ້ງຢູ່ໃນນະຄອນຫລວງ ແຫ່ງນີ້ ແລະ ຍັງເປັນສູນກາງທຸລະກິດການຄ້າ- ການລົງທຶນອື່ນໆອີກ.

- kkk 300x228 - ນະຄອນຫລວງວຽງຈັນ

ປັດຈຸບັນ, ນະຄອນຫລວງ ວຽງຈັນມີປະຊາກອນອາໄສຢູ່ ເກືອບ 8 ແສນຄົນ, ໃນເນື້ອທີ ກວ້າງປະມານ 3.920 ກິໂລຕາ ແມັດ ເຊິ່ງເປັນເຂດທີ່ມີປະຊາຊົນອາໄສຢູ່ຢ່າງໜາແໜ້ນ   (ປະ ມານ 200 ຄົນ/ຕາລາງ ກິໂລ ແມັດ). ນະຄອນຫລວງວຽງ ຈັນ ປະກອບມີ 9 ຕົວເມືອງໄດ້ແກ່ ເມືອງຈັນທະບູລີ, ສີໂຄດຕະບອງ, ໄຊເຊດຖາ, ສີສັດຕະນາກ, ນາຊາຍທອງ, ໄຊທານີ, ຫາດຊາຍຟອງ, ສັງທອງ ແລະ ເມືອງປາກງື່ມ. ນະຄອນຫລວງວຽງ ຈັນເປັນເຂດຮາບພຽງອ້ອມຮອບດ້ວຍພູເຂົາຄວາຍຕໍ່ໃສ່ ສາຍພູງູ, ມີແມ່ນ້ຳສາຍຫລັກຄືແມ່ນ້ຳຂອງ ແລະ ນ້ຳງື່ມອັນ ເປັນສາຍເລືອດຫລັກແຫລ່ງ ການດຳລົງຊີວິດຂອງຊາວນະຄອນຫລວງວຽງຈັນຄ້ອຍຄ່ຳຍາມແລງ ມາຈະເຫັນຜູ້ຄົນຍ່າງເລາະຫລິ້ນໄປຕາມແຄມສາຍ ນ້ຳດັ່ງກ່າວເພື່ອນັ່ງພັກຜ່ອນຍ່ອຍໃຈ, ຮັບປະທານອາຫານ ແຊບໆຕາມບັນດາຮ້ານທີ່ຢັ່ງຢາຍໄປຕາມແຄມຂອງ ແລະ ເບິ່ງຕາເວັນຕົກດິນ ເຊິ່ງກາຍເປັນມົນສະເໜ່ຂອງ ວຽງຈັນໃນຍາມອາທິດອັດສະດົງ, ຍາກທີ່ຈະຫາບ່ອນອື່ນໃດມາປຽບປານ. ນອກນັ້ນ, ຍັງມີພະທາດຫລວງວຽງຈັນ ອັນເປັນມິ່ງຂວັນຂອງ ປວງຊົນລາວທັງຊາດ ແລະ ເປັນ ສັນຍາລັກຂອງຊາດອີກດ້ວຍພ້ອມນີ້. ຢູ່ໃນນະຄອນຫລວງວຽງຈັນຍັງມີຕະຫລາດນ້ອຍໃຫຍ່ເຖິງ 83 ແຫ່ງສະທ້ອນໃຫ້ເຫັນເຖິງການດຳລົງຊີວິດ ຂອງຊາວນະຄອນຫລວງທີ່ຕິດພັນ ກັບຕະຫລາດທຸກໆມື້ ດັ່ງຄຳຂວັນປະຈຳໃຈຂອງຕົວ ເມືອງຫລວງແຫ່ງນີ້ໄດ້ ຂຽນໄວ້ວ່າ:

- llll 300x226 - ນະຄອນຫລວງວຽງຈັນ

“ມາວຽງຈັນຊົມຂົວມິດຕະພາບຂາບໄຫ້ວຫໍພະແກ້ວຊົມສວນປະຕູໄຊ ໄຫ້ວພະທາດຫລວງມິ່ງຂວັນຊົມ ວິວທິວທັດແຄມຂອງຫາດຊາຍສີທອງ ດອນຈັນຊິມລົດອາຫານນານາຊາດ ເທິງຫໍຜາສາດສິບສີ່ຊັ້ນພັກຜ່ອນ ເທິງວິມານສະຫວັນໂຮງແຮມດອນຈັນພາເລສ໌ ລືນາມ”.

- lattana banner 1 - ນະຄອນຫລວງວຽງຈັນ
-    AD conten website - ນະຄອນຫລວງວຽງຈັນ
- lattana banner - ນະຄອນຫລວງວຽງຈັນ
error: Alert: ເນື້ອຫາຂ່າວມີລິຂະສິດ !!