IEA ຫລຸດການຄາດຄະເນ ຄວາມຕ້ອງການໃຊ້ນ້ຳມັນໂລກ

- advert banner 728 90 728x90 - IEA ຫລຸດການຄາດຄະເນ ຄວາມຕ້ອງການໃຊ້ນ້ຳມັນໂລກ

ສຳນັກງານ​ພະລັງງານ​ສາກົນ (IEA) ປັບ​ຫລຸດ​ການ​ຄາດ​ຄະ​ເນ​ຄວາມ​ຕ້ອງການ​ໃຊ້​ນ້ຳມັນ​ໂລກ​ໃນ​ປີ​ນີ້ ​ແລະ ປີໜ້າ ​ເປັນ​ຜົນ​ມາ​ຈາກ​ນ້ຳມັນ​ລາຄາ​​ແພງ​ຂຶ້ນ, ຄວາມ​ເຄັ່ງຕຶງ​ທາງ​ການ​ຄ້າ ​ແລະ ທ່າ​ອ່ຽງ​ເສດຖະກິດ​ອ່ອນ​ແອ​ລົງ.

IEA ອອກ​ລາຍ​ງານ​ນ້ຳມັນ​ລາຍ​ເດືອນ​ໃນ​ວັນ​ທີ 12 ຕຸລາ​ວ່າ: ຄາດ​ວ່າຄວາມ​ຕ້ອງການ​ໃຊ້​ນ້ຳມັນ​ໂລກ​ໃນ​ປີ​ນີ້ ​ແລະ ປີໜ້າ​ຈະ​ເພີ່ມ​ຂຶ້ນວັນ​ລະ 1,3 ລ້ານ​ບາ​ເຣລ ​ແລະ 1,4 ລ້ານ​ບາ​ເຣລຕາມ​ລຳດັບ ຫລຸດ​ລົງ​ຈາກ​ທີ່​ເຄີຍ​ຄາດ​ຄະ​ເນ​ຄັ້ງກ່ອນ​ວັນ​ລະ 110.000 ບາ​ເຣລ ​ເພາະ​ທ່າ​ອ່ຽງ​ເສດຖະກິດ​ອ່ອນ​ແອ​ລົງ, ມີ​ຄວາມ​ກັງວົນ​ທາງ​ການ​ຄ້າ, ລາຄາ​ນ້ຳມັນ​ປັບ​ຂຶ້ນ ​ແລະ ການ​ປັບ​ຕົວ​ເລກ​ຂໍ້​ມູນ​ຈີນ. ລາຍ​ງານ​ອະທິບາຍ​ເພີ່​ມອີກ​ວ່າ: ລາຄາ​ພະລັງງານ​ທີ່​ປັບ​ຂຶ້ນທັງ​ນ້ຳມັນ, ​ແກັສ ​ແລະ ຖ່ານ​ຫີນ​ຈະ​ກະທົບ​ຕໍ່​ການ​ຂະຫຍາຍຕົວ​ທາງ​ເສດຖະກິດ ​ໂດຍ​ສະ​ເພາະ​ເສດຖະກິດ​ເກີດ​ໃໝ່. ຂະນະ​ທີ່​ເສດຖະກິດ​ໂລກ​ສ່ຽງ​ໄດ້​ຮັບ​ຜົນ​ກະທົບ​ຈາກ​ຂໍ້​ຂັດ​ແຍ່ງ​ການ​ຄ້າ.

- Tiger Head 728x90 - IEA ຫລຸດການຄາດຄະເນ ຄວາມຕ້ອງການໃຊ້ນ້ຳມັນໂລກ
- 1 1 - IEA ຫລຸດການຄາດຄະເນ ຄວາມຕ້ອງການໃຊ້ນ້ຳມັນໂລກ

ລາຍ​ງານ​ຂອງ IEA ​ເຕືອນ​ວ່າ: ປັດຈຸບັນ​ອຸປະ​ສົງ ​ແລະ ອຸປະ​ທານ​ນ້ຳມັນ​ໃກ້​ເຖິງ​ສະຖິຕິ​ເກົ່າ​​ໃນ​ວັນ​ລະ 100 ລ້ານ​ບາ​ເຣລ ​ເພາະ​ອົງ​ປະກອບ​ຕ່າງໆ​ໃນ​ລະບົບ​ຖືກ​ບີບ​ຈົນ​ເຖິງ​ຂີດ​ຈຳກັດ, ການ​ເພີ່ມ​ກຳລັງ​ຜະລິດ​ເມື່ອ​ບໍ່​ດົນ​ມາ​ນີ້ ​ເຮັດ​ໃຫ້​ອັດຕາ​ສ່ວນ​ກຳລັງ​ຜະລິດ​ສຳຮອງ​ຫລຸດ​ລົງ​ເຫລືອ 2% ຂອງ​ຄວາມ​ຕ້ອງການ​ໂລກ ​ແລະ ມີ​ທ່າ​ອ່ຽງຈະ​ຫລຸດ​ລົງ​ອີກ ຄຽງ​ຄູ່​ກັບ​ລາຄາ​ນ້ຳມັນ​ທີ່​ເພີ່ມ​ຂຶ້ນ ​ໂດຍ​ຍັງ​ບໍ່​ມີ​ສັນຍານ​ວ່າ​ອຸປະ​ສົງ ​ແລະ ອຸປະ​ທານ​ຈະ​ຂະຫຍາຍຕົວ​ຊ້າ​ລົງ​ໃນ​ມໍ່ໆ​ນີ້.

error: Content is protected !!