ຍອດບໍລິຈາກໄດ້ 100 ກວ່າລ້ານກີບແລ່ນແຕ່ໃຕ້ຮອດເໝືອ

- advert banner 728 90 728x90 - ຍອດບໍລິຈາກໄດ້ 100 ກວ່າລ້ານກີບແລ່ນແຕ່ໃຕ້ຮອດເໝືອ

ກິດຈະກໍາແລ່ນການກຸສົນແຕ່ໃຕ້ຫາເໜືອລະດົມທຶນຊື້ອຸປະກອນການແພດຊ່ວຍເຫລືອ 2 ໂຮງໝໍແຂວງຕະປື ແລະ ໂຮງໝໍເດັກເພື່ອນລາວ ແຂວງຫລວງພະບາງ ໄດ້ດໍາ​ເນີນມາຮອດ 6 ມື້ ລວມຍອດບໍລິຈາກໄດ້ 100 ກວ່າລ້ານກີບ.

- new3 - ຍອດບໍລິຈາກໄດ້ 100 ກວ່າລ້ານກີບແລ່ນແຕ່ໃຕ້ຮອດເໝືອ

ຫລ້າສຸດວັນທີ 12 ຕຸລາ ນັກກິລາແລ່ນກໍາລັງມຸ່ງໜ້າເຂົ້າຫາເມືອງທ່າແຂກ ແຂວງຄໍາມ່ວນ ລວມຍອດບໍລິຈາກໄດ້ 108.118.000 ກີບ ເຊິ່ງນໍາໂດຍ ທ່ານ ອິນທີ  ເດືອນສະຫວັນ (ລາວ), ທ່ານ ຄາໂລ ບາຄາລາ (ຟີລິບປິນ),ທ່ານ ແດນນຽວ ໂອເຊ (ເຢຍລະມັນ), ທ່ານ ຄາວ ລອຍ ເຟີນິກັນ (ຟີລິບປິນ) ແລະ ທ່ານ ທິຕິພົງ ພົງໄພລັດ (ລາວ). ນອກນັ້ນ ຍັງມີບັນດານັກແລ່ນທີ່ຮ່ວມແລ່ນເພື່ອເປັນກຳລັງໃຈໃຫ້ນັກແລ່ນຫລັກອີກຈຳນວນໜຶ່ງ. ຫລັງຈາກນັ້ນ ຈະສືບ​ຕໍ່​ແລ່ນ​ຂຶ້ນ​ເໜືອ​ຜ່ານ​ເສັ້ນ​ທາງເລກ 13 ໃຕ້ ແລະ ຄາດ​ວ່າ​ຈະ​ແລ່ນ​ຮອດ​ນະ​ຄອນຫ​ລວງວຽງ​ຈັນ ໃນ​ວັນ​ທີ 15 ຕຸ​ລານີ້ ພ້ອມຈະສືບຕໍ່ແລ່ນຮອດແຂວງຫລວງ​ພະ​ບາງ ວັນ​ທີ 19 ຕຸ​ລາ ເພື່ອ​ເຂົ້າ​ຮ່ວມ​ງານ​ແລ່ນ​ນາໆ​ຊາດ ຮາ​ຟ​ມາ​ລາ​ທອນ ຫລວງ​ພະ​ບາງ ໃນ​ວັນ​ທີ 21 ຕຸ​ລາ. ຫລັງ​ຈາກນັ້ນ ນັກ​ແລ່ນ​ທັງ​ສີ່​ຈະ​ສືບ​ຕໍ່​ການ​ແລ່ນ​ຂຶ້ນ​ເໜືອ​ໄປ​ຫາແຂວງ​ຜົ້ງ​ສາ​ລີ ແລະ ຄາດ​ວ່າ​ຈະ​ເຖິງ​ເປົ້າໝາຍ​​ໃນ​ວັນ​ທີ 26 ຕຸ​ລານີ້.

error: Content is protected !!