ຂະ​ແໜງກະ​ສິກໍາ ​ແລະ ທ່ອງທ່ຽວ ຄື​ທ່າ​ແຮງ​ພັດທະນາ​ເມືອງປາກຊ່ອງ

- advert banner 728 90 728x90 - ຂະ​ແໜງກະ​ສິກໍາ ​ແລະ ທ່ອງທ່ຽວ ຄື​ທ່າ​ແຮງ​ພັດທະນາ​ເມືອງປາກຊ່ອງ
- 13413098 1130880050309567 7163612793350049739 n 1 - ຂະ​ແໜງກະ​ສິກໍາ ​ແລະ ທ່ອງທ່ຽວ ຄື​ທ່າ​ແຮງ​ພັດທະນາ​ເມືອງປາກຊ່ອງ
ຕາດວັງຫລວງ ເມືອງປາກຊ່ອງ ແຂວງຈຳປາສັກ

ທ່ານ​ເຈົ້າ​ເມືອງ​ປາກ​ຊ່ອງ​ແຂວງ​ຈໍາປາ​ສັກ ​ໃຫ້​ຮູ້​ວ່າ: ຍຸດ​ທະ​ສາດສໍາຄັນ​ຂອງ​ການພັດທະນາ​ເມືອງຂອງ​ຕົນ ​​ແມ່ນໄດ້ກໍານົດ​ເອົາ​ຂະ​ແໜງ​ກະສິກໍາ ​ແລະ ການ​ທ່ອງ​ທ່ຽວ ​ເປັນ​ຈຸດ​ສຸມ, ​ເນື່ອງ​ຈາກ​ເມືອງ​ປາກ​ຊ່ອງ ຕັ້ງ​ຢູ່​ເທິ​ງ​ພູ​ພຽງ​ບໍລະ​ເວນ, ຊຶ່ງ​ເປັນ​ເຂດ​ທີ່​ມີ​ຄວາມ​ອຸດົມສົມບູນ ​ແລະ ​ເໝາະ​ສົມ​ໃນ​ການ​ຜະລິດ​ກະສິກໍາ ​ແລະ ການ​ທ່ອງ​ທ່ຽວ, ປະຊາຊົນ​ສ່ວນ​​ໃຫຍ່​ແມ່ນ​ຢຶດ​ຖື​ອາຊີບ​ປູກ​ກາ​​ເຟ​ເປັນ​ຕົ້ນຕໍ, ​ເຊິ່ງ​​ແຕ່ລະ​ປີ​ມີ​ກາ​ເຟຂອງ​ປະຊາຊົນ ​ແລະ ບໍລິສັດ ລົງທຶນ ລວມກັນ​​ແລ້ວ​ມີ​ປະລິມານຫລາຍ​ກວ່າ 45 ພັນ​ໂຕນ ສົ່ງອອກ​ຕ່າງປະ​ເທດ ​ແລະ ​ມີ​ການ​ປູກ​ພືດ​ກະ​ສິກໍາ​ຕ່າງໆ ​ເປັນ​ຕົ້ນ: ກະ​ລໍ່າ​ປີ, ຜັກກາດ​ຫໍ່ ​ແລະ ພືດ​ຜັກ​ອື່ນໆ​ ສົ່ງ​ຂາຍ​​ໃຫ້​ປະ​ເທດ​ໄທ​ກວ່າ 25 ພັນ​ໂຕນ​ຕໍ່​ປີ, ພ້ອມ​ນີ້​ຍັງ​ມີ​ໜໍ່​ແໜງ​ກະສິກໍາ​ໃໝ່​ເກີດ​ຂຶ້ນ​ຄື: ປູກໝາກ​ນອດ ​ໂດຍ​ມີ​ບໍລິສັດ​ຈາກ​ຫວຽດນາມ ​ໄດ້​ມາ​ລົງທຶນ​ປູກ​​ເພື່ອ​ສົ່ງ​ໄປ​ຈີນ ​ແລະ ​ໄທ ກວ່າ 25 ພັນ​ໂຕນ​ຕໍ່​ປີ. ຄຽງ​ຄູ່​ກັນ​ນີ້ ກໍ​ປະກົດ​ວ່າ​ມີ​ປະຊາຊົນ​ຈໍານວນ​ໜຶ່ງ​ໄດ້​ຫັນ​ມາ​ປູກ​​ໄມ້​ໃຫ້​ໝາກ ​ເຊັ່ນ: ໝາກ​ຖົ່ວລຽນ ​ແລະ ໝາກ​ອາ​ໂວ​ກາ​ໂດ,​ ພ້ອມ​ທັງ​ມີ​ຫລາຍ​ບໍລິສັດ​ຈາກ​ຕ່າງປະ​ເທດ​ ​ໄດ້​ໃຫ້​ຄວາມ​ສົນ​ໃຈ​ເຂົ້າ​ມາ​ປູກ​ພື​ດດັ່ງກ່າວ.

- new3 - ຂະ​ແໜງກະ​ສິກໍາ ​ແລະ ທ່ອງທ່ຽວ ຄື​ທ່າ​ແຮງ​ພັດທະນາ​ເມືອງປາກຊ່ອງ

ສໍາລັບ​ຂະ​ແໜງ​ການ​ທ່ອງ​ທ່ຽວ ກໍ​ມີ​ແຫ​ລ່ງທ່ອງ​ທ່ຽວ​ທັງທໍາ​ມະ​ຊາດ, ວັດທະນະ​ທໍາ ​ແລະ ປະຫວັດສາດ ລວມທັງ​ໝົດ 37 ​ແຫ່ງ, ​ໃນ​ນີ້​​​ມີ​ຈໍ​ານວນ​ໜຶ່ງ​ໄດ້​ມີ​ການ​ພັດທະນາ ​ແລະ ​ເປີດ​ໃຫ້​ບໍລິການ​ທ່ອງ​ທ່ຽວ​​ແລ້ວ ​ເຊັ່ນ: ຕາດ​ຟານ, ຕາດ​ຖໍ້າ​ຈໍາປີ, ຕາດ​ເຍືອງ ​ເຫລົ່າ​ນີ້​ເປັນ​ຕົ້ນ​ ​ແລະ ພິ​ເສດ ມີ​ຕາດ​ວັງ​ຫລວງ​ທີ່​ຫາ​ກໍ​ໄດ້​ຮັບ​ນາມ​ມະ​ຍົດ​​ເປັນແຫ​ລ່ງທ່ອງທ່ຽວ​ແບບ​ອານຸລັກລະດັບອາຊຽນ ​ເມື່ອ​ບໍ່​ດົນ​ມາ​ນີ້. ຈາກ​ສິ່ງ​ທີ່​ກ່າວ​ມາ​​ໄດ້ດຶງ​ດູດ​ນັກ​ທ່ອງ​ທ່ຽວ​ເຂົ້າ​ມາ​ທ່ຽວ​ເມືອງ​ປາກ​ຊ່ອງ​ໃນ​ປີ​ 2018 ນີ້​ຫລາຍກວ່າ 18 ພັນ​ຄົນ ​ແລະ ​​ເມື່ອ​ບໍ່​ດົນ​ນີ້, ລັດຖະບານ​ໄດ້ ຕົກລົງ​ໃຫ້​ບໍລິສັດ ກວາງ​ໄຊ ກລຸບ ​ແລະ ບໍລິສັດ ດີ​ເຄ ດໍ​າ​ເນີນ​ການ​ສໍາ​ຫລວດ​ໂຄງການສ້າງ​ພຣະພຸ​ດທະ​ຮູບ​ອົງ​ໃຫຍ່ ທີ່ີມີ​ຄວາມ​ສູງ 118 ​ແມັດ ຢູ່​ພູ​ເທວະ​ດາ ຊຶ່ງ​ຫ່າງ​ຈາກ​ຕົວ​ເມືອງ​ປະມານ 3 ກິ​ໂລ​ແມັດ, ພ້ອມ​ທັງ​ກໍ່ສ້າງ​ສວນ​ພື​ກສາ​ສາດ, ສວນ​ວັດທະນະ​ທໍາ, ສະໜາມ​ກິລາຄົບ​ວົງ​ຈອນ, ​ເຂດ​ເສດຖະກິດ ​ແລະ ການ​ບໍລິການ​ຕ່າງໆ ​ເພື່ອ​ຮອງ​ຮັບ​ການ​ກ້າວ​ໄປ​ສູ່​ການ​ພັດທະນາ​ຕົວ​ເມືອງທັນ​ສະ​ໄໝ (Smart City) ​ໃນອະນາ​ຄົດ. ນອກ​ນີ້, ຍັງ​ມີ​ໂຄງການ​ສ້າງ​ບ້ານ​ຕົວ​ແບບພັດທະນາ, ​ໂດ​ຍກໍານົດ​ເອົາ​ບ້ານ​ທົ່ງ​ກາຫລົງ ທີ່ຢູ່​ຫ່າງ​ຈາກ​​ເທສະ​ບານ​ເມືອງ​ປະມານ 25 ກິ​ໂລ​ແມັດ ​ເປັນ​ບ້ານ​ເຮັດ​ທົດ​ລອງ, ​ໂດຍ​ອໍາ​ນາດ​ການ​ປົກຄ​ອງ​ເມືອງ ​ໄດ້​​ແຕ່ງ​ຕັ້ງ​ຄະນະ​ລົງ​ຊີ້​ນໍາ​​ໃນ​ການສ້າງ​ຕັ້ງກອງທຶນ​ພັດທະນາ​ບ້ານ ​ແລະ ປະຕິບັດ​ວຽກ​ງານ​ອື່ນໆ ​ເພື່ອສ້າງ​​ເປັນ​ບ້ານ​ຕົວ​​ແບບພັດທະນາ​ຕາມ​ຍຸດ​ທະ​ສາດ​ພັດທະນາ​ເມືອ​ງປາກຊ່ອງ​ໃຫ້​ປະກົດ​ຜົນ​ເປັນ​ຈິງ.    

- lattana 1 - ຂະ​ແໜງກະ​ສິກໍາ ​ແລະ ທ່ອງທ່ຽວ ຄື​ທ່າ​ແຮງ​ພັດທະນາ​ເມືອງປາກຊ່ອງ
error: Content is protected !!