ກະຊວງຕໍາຫລວດຫວຽດນາມ ເປີດຕົວສະມາຄົມມິດຕະພາບ ຫວຽດນາມ – ລາວ

- vietnam Ms Police - ກະຊວງຕໍາຫລວດຫວຽດນາມ ເປີດຕົວສະມາຄົມມິດຕະພາບ ຫວຽດນາມ – ລາວ
- Untitled design - ກະຊວງຕໍາຫລວດຫວຽດນາມ ເປີດຕົວສະມາຄົມມິດຕະພາບ ຫວຽດນາມ – ລາວ

ຂປລ. ໃນວັນທີ 10 ຕຸລາ 2018, ຢູ່ສໍານັກງານ ກະຊວງຕໍາຫລວດຫວຽດນາມ, ທີ່ນະຄອນ ຫລວງຮ່າໂນ້ຍ ໄດ້ຈັດພິທີເປີດຕົວ ສະມາຄົມມິດຕະພາບ ຫວຽດນາມ – ລາວ ຂອງສອງກະຊວງດັ່ງ​ກ່າວ.

ໃນໂອກາດກ່າວເປີດພິທີ, ທ່ານພົນໂທ ບຸ່ຍວັນນາມ, ກໍາມະການຄະນະບໍລິຫານງານ ສູນກາງພັກກອມມູນິດຫວຽດນາມ, ຮອງລັດຖະມົນຕີ ກະຊວງຕໍາຫລວດຫວຽດນາມ, ປະທານຊົ່ວຄາວ ສະມາຄົມມິດ ຕະພາບດັ່ງກ່າວ ​ໄດ້​ມີ​ຄຳ​ເຫັນວ່າ: ກະຊວງຕໍາຫລວດຫວຽດນາມ ມີສາຍພົວພັນທີ່ດີງາມ ກັບກະຊວງປ້ອງກັນຄວາມສະຫງົບລາວ, ໃນທຸກຂົ​ງ​ເຂດວຽກງານການເຄື່ອນໄຫວຂອງຕໍາຫລວດ, ໂດຍເລີ່ມມາຈາກນໍ້າໃຈມິດຕະພາບອັນດີງາມທີ່ເປັນມູນເຊື້ອ ຂອງປະຊາຊົນສອງປະເທດ ເວົ້າລວມ, ເວົ້າສະເພາະ ພະນັກງານນັກຮົບ ກະຊວງຕໍາຫລວດຫວຽດນາມ ແລະ ກະຊວງປ້ອງກັນຄວາມສະຫງົບ, ຄວາມຕ້ອງການຮ່ວມມືໃນສະພາບການໃໝ່. ການສ້າງຕັ້ງສະມາຄົມມິດຕະພາບນີ້ແມ່ນການເຄື່ອນໄຫວ ​ແລະ ເວທີປາໄສທີ່ສໍາຄັນ ຂອງພະນັກງານນັກຮົບທີ່ພວມປະຕິບັດໜ້າທີ່, ຜູ້ພັກບໍານານ ມີເງື່ອນໄຂສືບຕໍ່ປະກອບສ່ວນເຂົ້າ ໃນການພັດທະ ນາ ສາຍພົວພັນສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ຫວຽດນາມ – ລາວ, ເຊິ່ງຄົນຮຸ່ນກ່ອນໆ ໄດ້ເພີ່ມພູນຄູນສ້າງຂຶ້ນ.

- Wave100S AD to Website 2020 0 - ກະຊວງຕໍາຫລວດຫວຽດນາມ ເປີດຕົວສະມາຄົມມິດຕະພາບ ຫວຽດນາມ – ລາວ

ໃນໂອກາດດັ່ງກ່າວ, ປະທານສູນກາງສະມາຄົມມິດຕະພາບຫວຽດນາມ – ລາວ ເຈິ່ນວັນຕຸ໊ຍ ໄດ້ມອບເງິນ 400 ລ້ານດົງ ໃຫ້ສະຖານທູດລາວ ປະຈໍາ ຫວຽດນາມ ເພື່ອນຳໄປຊ່ວຍເຫລືອປະຊາຊົນ ຜູ້ປະສົບເຄາະຮ້າຍ ຈາກໄພພິບັດ ຢູ່ ແຂວງ ອັດຕະປື.

- WhatsApp Image 2020 05 27 at 5 - ກະຊວງຕໍາຫລວດຫວຽດນາມ ເປີດຕົວສະມາຄົມມິດຕະພາບ ຫວຽດນາມ – ລາວ
- WhatsApp Image 2020 05 27 at 5 - ກະຊວງຕໍາຫລວດຫວຽດນາມ ເປີດຕົວສະມາຄົມມິດຕະພາບ ຫວຽດນາມ – ລາວ
error: Alert: ເນື້ອຫາຂ່າວມີລິຂະສິດ !!