7 ວິທີຊ່ວຍໃຫ້ທ່ານກ້າວຂຶ້ນໄປເປັນຜູ້ນຳທີ່ດີ

- 0115010 2018 - 7 ວິທີຊ່ວຍໃຫ້ທ່ານກ້າວຂຶ້ນໄປເປັນຜູ້ນຳທີ່ດີ
- Untitled design - 7 ວິທີຊ່ວຍໃຫ້ທ່ານກ້າວຂຶ້ນໄປເປັນຜູ້ນຳທີ່ດີ

ເວລາທີ່ທ່ານເຮັດວຽກເປັນທີມ ສິ່ງສຳຄັນທີ່ຈະເຮັດໃຫ້ທີມກ້າວໄປຂ້າງໜ້າໄດ້ກໍແມ່ນການມີຜູ້ນຳທີ່ດີ, ແຕ່ການເປັນຜູ້ນຳບໍ່ ແມ່ນຕຳແໜ່ງທີ່ສະເພາະເຈາະຈົງສຳລັບຄົນບາງຄົນພຽງເທົ່ານັ້ນ ເພາະຄວາມຈິງແລ້ວບໍ່ວ່າໃຜກໍສາມາດເປັນຜູ້ນຳໄດ້ຖ້າເຂົາມີສັກກະຍະພາບຫລາຍພໍ ແລະ ຕໍ່ໄປນີ້ແມ່ນ 7 ເຕັກນິກການກ້າວຂຶ້ນເປັນຜູ້ນຳທີມທີ່ມີປະສິດທິພາບ.

  1. ຮູ້ຈັກການເຮັດວຽກເປັນທີມ : ຈາກການສຳຫລວດກ່ຽວກັບການເປັນຜູ້ນຳ ພົບວ່າ : ອົງກອນຫລາຍແຫ່ງຕ້ອງການຄົນທີ່ ມີຄວາມສາມາດໃນການເຮັດວຽກເປັນທີມສູງໃຫ້ຂຶ້ນມາເປັນຜູ້ນຳ ຄົນເຫລົ່ານີ້ມັກຈະໃຫ້ຄວາມສຳຄັນກັບທີມຂອງຕົນເອງຫລາຍ ສາມາດຊ່ວຍເຫລືອທີມໃນການແກ້ໄຂບັນຫາຄວາມຂັດແຍ່ງຕ່າງໆ ແລະ ສ້າງຄວາມສາມັກຄີພາຍໃນກຸ່ມໄດ້ດີ.
  2. ພ້ອມທີ່ຈະເປັນຜູ້ນຳຢູ່ສະເໝີ : ສິ່ງທີ່ຈະເຮັດໃຫ້ທ່ານເປັນທີ່ຈົດຈຳໄດ້ກໍຄື ການເປັນຜູ້ນຳໄດ້ໃນທຸກສະຖານະການ ເຖິງວ່າມັນຈະບໍ່ແມ່ນວຽກທີ່ທ່ານຕ້ອງຮັບຜິດຊອບເລີຍກໍຕາມ. ການສື່ສານທີ່ດີ ແລະ ການເຂົ້າໄປຊ່ວຍຄິດຊ່ວຍແກ້ໄຂບັນຫາໃຫ້ກັບທີມ ຈະເຮັດໃຫ້ຄົນອື່ນນຶກເຖິງທ່ານເປັນອັນດັບທຳອິດເວລາທີ່ເຂົາຕ້ອງການຄວາມຊ່ວຍເຫລືອ.
  3. ເປັນຜູ້ຊ່ຽວຊານ ແຕ່ກໍຮຽນຮູ້ສິ່ງໃໝ່ນຳ : ການທີ່ທ່ານຊ່ຽວຊານເລື່ອງໃດເລື່ອງໜຶ່ງເປັນພິເສດຍ່ອມເຮັດໃຫ້ທ່ານເປັນທີ່ສັງເກດໄດ້ໂດຍງ່າຍ, ແຕ່ທ່ານກໍຕ້ອງຄິດນຳວ່າມີສິ່ງໃດທີ່ທ່ານສາມາດຮຽນຮູ້ເພີ່ມຕື່ມໄດ້ອີກ ແລະ ຈົ່ງທຸ້ມເທກັບສິ່ງນັ້ນໃຫ້ຫລາຍໆ. ຜູ້ບໍລິຫານຈະມັກຄົນທີ່ມີຄວາມຕັ້ງໃຈໃນການຮຽນຮູ້ສິ່ງໃໝ່ໆ ແລະ ພັດທະນາຕົນເອງຂຶ້ນໄປອີກຂັ້ນ.
  4. ຮັບຟັງຄວາມຄິດເຫັນ ແລະ ຄຳວິຈານເພື່ອໃຊ້ໃນການພັດທະນາຕົນເອງ : ໝັ່ນໄຖ່ຖາມທີ່ປຶກສາວ່າພວກເຂົາມີຄວາມເຫັນແນວໃດກັບສັກກະຍະພາບໃນການເຮັດວຽກຂອງທ່ານ ອາດຈະເປັນເລື່ອງຍາກ ແຕ່ສິ່ງນີ້ຈະເຮັດໃຫ້ເຫັນວ່າທ່ານຈິງຈັງກັບວຽກ ແລະ ພ້ອມທີ່ຈະພັດທະນາຕົນເອງໃຫ້ດີຂຶ້ນ.
  5. ສະແດງໃຫ້ເຫັນວ່າທ່ານເຂົ້າໃຈຄວາມຕ້ອງການຂອງລູກຄ້າ : ຄົນທີ່ຈະກ້າວຂຶ້ນມາເປັນຜູ້ນຳໄດ້ນັ້ນຈະຕ້ອງແນມເຫັນຫົນ ທາງທີ່ຈະພັດທະນາສິນຄ້າ ແລະ ຜະລິດຕະພັນຂອງບໍລິສັດໄດ້ຢູ່ຕະຫລອດເວລາ ທ່ານຈະຕ້ອງຮັບຮູ້ວ່າລູກຄ້າຕ້ອງການຫຍັງ ແລະ ເອົາມັນມາປັບໃຊ້ກັບສິນຄ້າຂອງທ່ານ.
  6. ຮຽນຮູ້ວິທີການສື່ສານທີ່ດີ : ຄົນທີ່ເປັນຜູ້ນຳນັ້ນຕ້ອງມີຄວາມສາມາດທັງການເວົ້າ ແລະ ການຂຽນ, ສາມາດອະທິບາຍສິ່ງຕ່າງໆໃຫ້ຜູ້ອື່ນເຂົ້າໃຈໄດ້ຢ່າງງ່າຍດາຍ ເມື່ອພົບກັບສະຖານະການທີ່ຍາກລຳບາກ ກໍຕ້ອງຮູ້ຈັກເວົ້າດ້ວຍຄວາມໜັກແໜ້ນ ແລະ ບໍ່ໃຊ້ອາລົມມາເປັນໂຕຕັ້ງ ລວມເຖິງສາມາດໃຫ້ຄຳແນະນຳທີ່ດີກັບລູກທີມໄດ້ນຳ.
  7. ລົງມືເຮັດ ແລະ ໃຫ້ຄຳແນະນຳທີ່ເປັນປະໂຫຍດຕໍ່ອົງກອນ : ຜູ້ບໍລິຫານມັກຈະຕ້ອງການຜູ້ນຳທີ່ທຸ້ມເທໃຫ້ກັບບໍລິສັດ ແລະ ລູກທີມ ການເປັນຜູ້ນຳທີ່ດີຕ້ອງຮູ້ຈັກການໃຫ້ຄຳແນະນຳທີ່ເປັນປະໂຫຍດໃນຍາມຄັບຂັນ ແລະ ເມື່ອທຸກຢ່າງຜ່ານໄປດ້ວຍດີ ຄົນທີ່ທ່ານຄວນຍ້ອງຍໍສັນລະເສີນໃຫ້ກໍແມ່ນທີມບໍ່ແມ່ນພຽງແຕ່ໂຕທ່ານເອງ ສິ່ງນີ້ຈະເຮັດໃຫ້ລູກທີມເຄົາລົບທ່ານດ້ວຍໃຈຈິງ.
- Wave100S AD to Website 2020 0 - 7 ວິທີຊ່ວຍໃຫ້ທ່ານກ້າວຂຶ້ນໄປເປັນຜູ້ນຳທີ່ດີ
- WhatsApp Image 2020 05 27 at 5 - 7 ວິທີຊ່ວຍໃຫ້ທ່ານກ້າວຂຶ້ນໄປເປັນຜູ້ນຳທີ່ດີ
- WhatsApp Image 2020 05 27 at 5 - 7 ວິທີຊ່ວຍໃຫ້ທ່ານກ້າວຂຶ້ນໄປເປັນຜູ້ນຳທີ່ດີ
error: Alert: ເນື້ອຫາຂ່າວມີລິຂະສິດ !!