ອາຣັບບີ ຊາອຸດິດ ຂູ່ເອົາຄືນຖ້າຖືກ ຂວ້ຳບາດເພາະເລື່ອງນັກຂ່າວຫາຍ

- 1539575069355 960x0 - ອາຣັບບີ ຊາອຸດິດ ຂູ່ເອົາຄືນຖ້າຖືກ ຂວ້ຳບາດເພາະເລື່ອງນັກຂ່າວຫາຍ
- Untitled design - ອາຣັບບີ ຊາອຸດິດ ຂູ່ເອົາຄືນຖ້າຖືກ ຂວ້ຳບາດເພາະເລື່ອງນັກຂ່າວຫາຍ

ອາຣັບບີ ຊາ​ອຸ​ດິດ ປະກາດ​ຈະ​ຕອບ​ໂຕ້ ຖ້າ​ຖືກ​ຂວ້ຳບາດ, ພາຍຫລັງ​ຜູ້ນຳ​ອາ​ເມ​ລິ​ກາ​ກ່າວ​ວ່າ: ອາຣັບບີ ຊາ​ອຸ​ດິດ ສົມຄວນ​ຖືກ​ລົງ​ໂທດ​ ຖ້າ​ຢູ່​ເບື້ອງຫລັງ​ເລື່ອງ​ທີ່​ນັກ​ຂ່າວ​ອາຣັບບີ ຊາ​ອຸ​ດິດຫາຍ​ໄປ ​ແລະ ອາດ​ຖືກຄາດ​ຕະກຳ​ໃນ​ສະຖານ​ກົງສຸນ​ອາຣັບບີ ຊາ​ອຸ​ດິດ ​ໃນ​ຕວກກີ.

ສຳນັກ​ຂ່າວ SPA ຂອງ​ທາງ​ການ​ອາຣັບບີ ຊາ​ອຸ​ດິດ ​ເຜີຍ​ແຜ່​ຄຳ​ຖະ​ແຫລ​ງຂອງ​ທາງ​ການ​ໃນ​ວັນ​ທີ 14 ຕຸລາ​ວ່າ: ຖ້າ​ອາຣັບບີ ຊາ​ອຸ​ດິດ ​ໄດ້​ຮັບ​ປະຕິກິລິຍາ​ໃດໆ ກໍ​ຈະ​ຕອບ​ໂຕ້​ໃຫ້​ໜັກ​ກວ່າ, ຂໍ​ເຕືອນ​ວ່າ​ເສດຖະກິດ​ອາຣັບບີ​ ຊາ​ອຸ​ດິດ ມີ​ບົດບາດ​ສຳຄັນ ​ແລະ ມີ​ອິດ​ທິພົນ​ຕໍ່​ເສດຖະກິດ​ໂລກ ​ແລະ ຂໍ​ເນັ້ນວ່າ: ອາຣັບບີ ຊາ​ອຸ​ດິດ ຈະ​ບໍ່​ຍອມຮັບ​ການ​ຂົ່ມຂູ່ ຫລື ການ​ຫາ​ທາງ​ທຳລາຍ​ທຸກ​ຢ່າງ ບໍ່​ວ່າ​ຈະ​ເປັນ​ການ​ຂູ່​ຂວ້ຳບາດ​ເສດຖະກິດ, ກົດ​ດັນ​ທາງ​ການ​ເມືອງ ຫລື ​ເນັ້ນຂໍ້​ກ່າວ​ຫາ​ປອມ. ຄຳ​ຖະ​ແຫລ​ງທາງ​ການ​ບໍ່​ໄດ້​ລະບຸ​ລາຍ​ລະອຽດ​ການ​ຕອບ​ໂຕ້, ​ແຕ່​ສະຖານີ​ໂທລະພາບອັລອາຣາບີ​ຢາ​ຂອງ​ທາງ​ການ​ອອກ​ອາກາດ​ຄໍ​ລຳ​ຄວາມ​ເຫັນ​ຜູ້​ຈັດການ​ສະຖານີ​ໃນ​ເວລາ​ຕໍ່​ມາ​ວ່າ: ຖ້າ​ປະທານາທິບໍດີ ​ໂດ​ນັລ ທຣຳ ຂອງ​ອາ​ເມ​ລິ​ກາ ບໍ່ພໍ​ໃຈ​ທີ່​ລາຄາ​ນ້ຳມັນ​ໃນ​ປັດຈຸບັນ​ໃກ້​ເຖິງ​ບາ​ເຣລລະ 80 ​ໂດ​ລາ​ສະຫະລັດ ອາດ​ເປັນ​ໄປ​ໄດ້​ທີ່​ລາຄາ​ຈະ​ເພີ່ມ​ຂຶ້ນ​ໄປ​ຮອດ 100 ຫລື 200 ​ໂດ​ລາ​ສະຫະລັດ ກໍ​ໄດ້. ຂະນະ​ທີ່​ການ​ສັ່ງ​ຊື້ອາວຸດ ຫລື ສິນຄ້າ​ອື່ນໆ​ຈາກ​ອາ​ເມ​ລິ​ກາ​ອາດ​ຖືກ​ກະທົບ​ເຊັ່ນ​ກັນ.

ປະທານາທິບໍດີ ທຣຳ ​ໃຫ້​ສຳພາດ​ລາຍການ​ຊິກ​ຕີ້​ມີ​ນິສ ອອກ​ອາກາດ​ໃນ​ວັນ​ທີ 14 ຕຸລາ​ວ່າ: ອາຣັບບີ ຊາ​ອຸ​ດິດ ຈະ​ຕ້ອງ​ພົບ​ກັບ​ຜົນ​ຮ້າຍ​ແຮງ ຖ້າ​ກ່ຽວຂ້ອງ​ກັບ​ເລື່ອງ​ທີ່​ທ່ານ ຈາ​ມາລ ຄາ​ຊຸກ​ກີ ນັກ​ຂ່າວ​ອາຣັບບີ ຊາ​ອຸ​ດິດ ຫາຍ​ໄປ​ຫລັງ​ເຂົ້າ​ໄປ​ໃນ​ສະຖານ​ກົງສຸນ​ອາຣັບບີ ຊາ​ອຸ​ດິດ ​ໃນ​ນະຄອນ​ອິສຕັນ​ບູລ ຂອງ​ຕວກກີ, ອາ​ເມ​ລິ​ກາ​ຈະ​ຄົ້ນຫາ​ຄວາມ​ຈິງ​ໃນ​ເລື່ອງ​ນີ້ ​ແລະ ຈະ​ລົງ​ໂທດ​ຜູ້​ກະທຳ​ຜິດ​ຢ່າງ​ຮຸນ​ແຮງ, ​ແຕ່​ຖ້າ​ອາ​ເມ​ລິ​ກາ​ຍົກ​ເລີກ​ການຈຳໜ່າຍ​ອາວຸດ​ໃຫ້​ອາຣັບບີ ຊາ​ອຸ​ດິດ ຈະ​ເທົ່າ​ກັບ​ລົງ​ໂທດຕົນ​ເອງ​ຄື​ກັນ ​ເພາະ​ເປັນ​ຈຳນວນ​ມະຫາສານ​ສຳລັບ​ທຸລະ​ກິດ​ອາ​ເມ​ລິ​ກາ.

- Wave100S AD to Website 2020 0 - ອາຣັບບີ ຊາອຸດິດ ຂູ່ເອົາຄືນຖ້າຖືກ ຂວ້ຳບາດເພາະເລື່ອງນັກຂ່າວຫາຍ

ຂະນະ​ດຽວ​ກັນ, ຕະຫລາດ​ຫລັກ​ຊັບ​ອາຣັບບີ ຊາ​ອຸ​ດິດ ຖືກ​ເທ​ຂາຍ​ໜັກ​ໃນ​ວັນ​ທີ 13 ຕຸລາ ​ໂດຍ​ຫລຸດ​ລົງ​ເຖິງ 7% ຫລື ຫລາຍ​ກວ່າ 500 ຈຸດ ກ່ອນ​ກັບ​ມາ​ປິດ​ຕະຫລາດ​ໂດຍ​ຫລຸດ​ລົງ 264 ຈຸດ ຫລື ຫລຸດ​ລົງ 4%. ນັກວິ​ເຄາະ​ການ​​ເງິນ​ໃນ​ດູ​ໄບ​ເບິ່ງ​ວ່າ: ອາຣັບບີ ຊາ​ອຸ​ດິດ ຫາ​ກໍ​ເປີດ​ໃຫ້​ມີ​ການ​ລົງທຶນ​ໂດຍ​ກົງ​ຈາກ​ຕ່າງປະ​ເທດ, ການ​ທີ່​ຕະຫລາດ​ຫຸ້ນ​ຫລຸດ​ລົງ​ແຮງ​ໃນ​ວັນ​ດຽວ ຈຶ່ງ​ເປັນ​ເລື່ອງ​ໃຫຍ່, ນັກ​ລົງທຶນ​ຍັງ​ບໍ່​ໝັ້ນ​ໃຈ​ໃນ​ຕະຫລາດ​ນີ້ ຈຶ່ງ​ອາດ​ຖອນ​ທຶນ​ກັບ​ໂດຍ​ງ່າຍ.

- WhatsApp Image 2020 05 27 at 5 - ອາຣັບບີ ຊາອຸດິດ ຂູ່ເອົາຄືນຖ້າຖືກ ຂວ້ຳບາດເພາະເລື່ອງນັກຂ່າວຫາຍ
- WhatsApp Image 2020 05 27 at 5 - ອາຣັບບີ ຊາອຸດິດ ຂູ່ເອົາຄືນຖ້າຖືກ ຂວ້ຳບາດເພາະເລື່ອງນັກຂ່າວຫາຍ
error: Alert: ເນື້ອຫາຂ່າວມີລິຂະສິດ !!