ທ່ານນາຍົກລັດຖະມົນຕີສຳເລັດການຢ້ຽມຢາມມາເລເຊຍ

- President - ທ່ານນາຍົກລັດຖະມົນຕີສຳເລັດການຢ້ຽມຢາມມາເລເຊຍ
- Untitled design - ທ່ານນາຍົກລັດຖະມົນຕີສຳເລັດການຢ້ຽມຢາມມາເລເຊຍ

- President 300x200 - ທ່ານນາຍົກລັດຖະມົນຕີສຳເລັດການຢ້ຽມຢາມມາເລເຊຍ   ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ແລະ ຄະນະໄດ້ສຳເລັດການຢ້ຽມຢາມປະເທດມາເລເຊຍຢ່າງເປັນທາງຕາມຄໍາເຊີນຂອງ ທ່ານ ດາໂຕະ ສຣິ ນາຈິບຕຸນ ອັບດູນ ຣາຊັກ ນາຍົກລັດຖະມົນຕີແຫ່ງມາເລເຊຍໃນວັນທີ 9-10 ພຶດສະພານີ້. ເພື່ອເປັນການເພີ່ມທະວີຮັດແໜ້ນສາຍພົວພັນມິດຕະພາບ ແລະ ການຮ່ວມມືອັນດີງາມລະຫວ່າງສອງປະເທດລາວ-ມາເລເຊຍໃຫ້ນັບມື້ດີຂຶ້ນ.

ໃນລະຫວ່າງການຢ້ຽມຢາມ, ທ່ານນາຍົກລັດຖະມົນຕີແຫ່ງ ສປປ ລາວ ແລະ ມາເລເຊຍໄດ້ເຂົ້າຮ່ວມກອງປະຊຸມພົບປະສອງຝ່າຍ ແລະ ໄດ້ຕີລາຄາສູງຕໍ່ສາຍພົວພັນມິດຕະພາບ ແລະ ການຮ່ວມມືລະຫວ່າງສອງປະເທດທີ່ໄດ້ຮັບການພັດທະນາດີຂຶ້ນເລື້ອຍໆ. ສອງຝ່າຍຍັງໄດ້ປຶກສາຫາລືກັນກ່ຽວກັບການຮ່ວມມືໃນດ້ານການເມືອງ, ການປ້ອງກັນຊາດ-ປ້ອງກັນຄວາມສະຫງົບ, ການຄ້າ-ການລົງທຶນ, ການເງິນ-ທະນາຄານ, ຄົມມະນາຄົມ ແລະ ຂົນສົ່ງ, ການທ່ອງທ່ຽວ, ສາທາລະນະສຸກ, ວິທະຍາສາດ ແລະ ເຕັກໂນໂລຊີ, ການສຶກສາ, ການພັດທະນາຊັບພະຍາກອນມະນຸດ. ຈາກນັ້ນ, ທ່ານນາຍົກລັດຖະມົນຕີທັງສອງປະເທດໄດ້ເຂົ້າຮ່ວມເປັນສັກຂີພິຍານໃນພິທີລົງນາມບົດບັນທຶກຄວາມເຂົ້າໃຈ (MOU) ວ່າດ້ວຍການຮ່ວມມືດ້ານວິທະຍາສາດ, ເຕັກໂນໂລຊີ ແລະ ນະວັດຕະກຳລະຫວ່າງກະຊວງວິທະຍາສາດ ແລະ ເຕັກໂນໂລຊີແຫ່ງ ສປປ ລາວ ແລະ ກະຊວງວິທະຍາສາດ, ເຕັກໂນໂລຊີ ແລະ ນະວັດຕະກຳແຫ່ງມາເລເຊຍ.

- Wave100S AD to Website 2020 0 - ທ່ານນາຍົກລັດຖະມົນຕີສຳເລັດການຢ້ຽມຢາມມາເລເຊຍ

ໂອກາດນີ້, ທ່ານນາຍົກລັດຖະມົນຕີ ທອງລຸນ ສີສຸລິດ ແລະ ຄະນະໄດ້ເຂົ້າຢ້ຽມຂໍ່ານັບສົມເດັດ ຢັງດິ ເປີ ຕວນ ອາກົງ ທີ 15 ຊຸນຕານມູຮຳມັດທີ 5 ພະຣາຊາທິບໍດີແຫ່ງມາເລເຊຍ ແລະ ເຂົ້າຮ່ວມກອງປະຊຸມສໍາມະນາພົບປະນັກທຸລະກິດມາເລເຊຍ-ລາວ ເພື່ອເຜີຍແຜ່ນະໂຍບາຍດ້ານການລົງທຶນຂອງສອງປະເທດ, ພ້ອມນໍາສະເໜີກາລະໂອກາດການເຮັດທຸລະກິດ ແລະ ການລົງທຶນເຊິ່ງກັນ ແລະ ກັນອີກດ້ວຍ.

- WhatsApp Image 2020 05 27 at 5 - ທ່ານນາຍົກລັດຖະມົນຕີສຳເລັດການຢ້ຽມຢາມມາເລເຊຍ
- WhatsApp Image 2020 05 27 at 5 - ທ່ານນາຍົກລັດຖະມົນຕີສຳເລັດການຢ້ຽມຢາມມາເລເຊຍ
error: Alert: ເນື້ອຫາຂ່າວມີລິຂະສິດ !!