ສ.ເກົາຫລີ ແລະ ສປປ ເກົາຫລີ ເລີ່ມການເຄື່ອນໄຫວເຈລະຈາຂັ້ນສູງ

​ໃນ​ວັນ​ທີ 15 ຕຸລາ​ນີ້, ສ.​ເກົາຫລີ ​ແລະ ສປປ ​ເກົາຫລີ ​ໄດ້​ເລີ່​ມດຳ​ເນີນ​ການ​ເຈລະຈາ​ຂັ້ນສູງ ​ເພື່ອ​ແນ​ໃສ່​ປຶກສາ​ຫາລື​ກ່ຽວ​ກັບ​ການ​ຜັນ​ຂະຫຍາຍ​ຂໍ້​ຕົກລົງ​ທີ່​ບັນລຸ​ໄດ້​ໃນ​ກອງ​ປະຊຸມ​ສຸດ​ຍອດ​ລະຫວ່າງ​ການ​ນຳ 2 ຝ່າຍ ​ໃນ​ເດືອນ​ກັນຍາ​ຜ່ານ​ມາ. ການ​ເຈລະຈາ​ເລີ່​ມ​ແຕ່​ເວລາ 10 ​ໂມງ​ເຊົ້າຕາມ​ເວລາ​ທ້ອງ​ຖິ່ນ ຢູ່​ຫໍ​ສັນຕິພາບ​ຂຶ້ນກັບ ສ.​ເກົາຫລີ ທີ່​ປານ​ມູນ​ຈອມ.

ຄະນະ​ຜູ້​ແທນ ສ.​ເກົາຫລີ ​ໂດຍ​ທ່ານ​ລັດຖະມົນຕີ​ກະຊວງ​ທ້ອນ​ໂຮມ​ປະ​ເທດ​ຊາດ Cho Myoung-guon ນຳ​ໜ້າ​ຄະນະ. ຂະນະ​ທີ່​ຜູ້​ແທນ ສປປ ​ເກົາຫລີ ນຳ​ໂດຍ​ທ່ານ Ri Son-gwon ປະທານ​ຄະນະ​ກຳມະການ​ຟື້ນຟູ​ສັນຕິພາບ​ ນຳ​ໜ້າ. ຄາດ​ວ່າ​ສອງ​ຝ່າຍ​ຈະ​ປຶກສາ​ຫາລື​ແຜນການ​ສ້າງຕັ້ງຄະນະ​ກຳມະການ​ທະຫານ​ປະສົມ ​ແລະ ຜັນ​ຂະຫຍາຍ​ການ​ສຳ​ຫລວດ​ພື້ນທີ່​ຕົວ​ຈິງລວມກ່ຽວ​ກັບ​ເສັ້ນທາງ​ລົດ​ໄຟ ​ແລະ ທາງບົກ​ຢູ່ ສປປ ​ເກົາຫລີ ​ເພື່​ອ​ແນ​ໃສ່​ຜັນ​ຂະຫຍາຍ​ໂຄງການ​ເຊື່ອມ​ຕໍ່​ບັນດາ​ລະບົບ​ເສັ້ນທາງ​ລົດ​ໄຟ ​ແລະ ທາງບົກ​ລະຫວ່າງ 2 ປະ​ເທດ. ສອງ​ຝ່າຍ​ຈະ​ພະຍາຍາມ​ກຳນົດ​ເວລາ ​ແລະ ສະຖານ​ທີ່​ຈັດຕັ້ງບັນດາ​ກອງ​ປະຊຸມ​ທາງ​ອິນ​ເຕີ​ເນັດ​ຂອງ​ສະພາກາ​ແດງ ​ແລະ ​ແລກປ່ຽນ​ຂໍ້​ມູນ​ຂ່າວສານ​ລະຫວ່າງ​ບັນດາ​ຄອບຄົວ​ທີ່​ຖືກ​ພັດ​ພາກ​ຈາກ​ກັນ.