ກອງປະຊຸມສຶກສາຄົ້ນຄວ້າກ່ຽວກັບໄວໜຸ່ມຄັ້ງທີ 3

- youth th 3 - ກອງປະຊຸມສຶກສາຄົ້ນຄວ້າກ່ຽວກັບໄວໜຸ່ມຄັ້ງທີ 3
- Untitled design - ກອງປະຊຸມສຶກສາຄົ້ນຄວ້າກ່ຽວກັບໄວໜຸ່ມຄັ້ງທີ 3

ໃນວັນທີ 15 ຕຸລານີ້, ສະຖາບັນສາທາລະນະສຸກສາດ ແລະ ການແພດເຂດຮ້ອນ ຮ່ວມກັບ ອົງການສະຫະປະຊາຊາດ ກອງທຶນປະຊາກອນ (UNFPA) ແລະ ອົງການ MCNV ປະຈໍາລາວ ໄດ້ຈັດກອງປະຊຸມປະຈໍາປີວ່າດ້ວຍການຄົ້ນຄ້ວາກ່ຽວກັບໄວໜຸ່ມ ຄັ້ງທີ 3, ຂຶ້ນທີ່ໂຮງແຮມ ຄຣາວພລາຊາ ນະຄອນຫຼວງວຽງຈັນ, ໂດຍມີ ທ່ານ ນາງ ໃບຄໍາ ຂັດຕິຍະ ຮອງລັດຖະມົນຕີກະຊວງແຮງງານ ແລະ ສະຫວັດດີການສົງຄົມ, ທ່ານ ອິກເຕີ ວານດີວີຊີໂດ ຜູ້ຕາງໜ້າອົງການ UNFPA ປະຈໍາລາວ ແລະ ມີຜູ້ຕາງໜ້າຈາກປະເທດ ບຣູນາຍ, ກໍາປູເຈຍ, ອິນໂດເນເຊຍ ແລະ ອິນເດຍເຂົ້າຮ່ວມ, ເພື່ອແລກປ່ຽນບົດຮຽນ ແລະ ປະສົບການໃນວຽກງານດັ່ງກ່າວ.

ກອງປະຊຸມ ໄດ້ເລັ່ງໃສ່ເປົ້າໝາຍການພັດທະນາແບບຍືນຍົງ ອັນທີ 1 (ຄວາມທຸກຍາກໝົດໄປ) ໃນຫົວຂໍ້ “ການປົກປ້ອງທາງສັງຄົມສໍາລັບໄວໜຸ່ມ; ລຶບລ້າງທຸກອຸປະສັກຕໍ່ການກ້າວໄປສູ່ການມີຊີວິດທີ່ມີສຸຂະພາບ ສົມບູນດີ ແລະ ຊີວິດທີ່ສັງຄົມປາຖະໜາ” ເພື່ອສ້າງຄວາມເຂັ້ມແຂງ ເຂົ້າໃຈໃນການປົກປ້ອງສັງຄົມ, ການສຶກສາ ແລະ ການມີວຽກເຮັດງານທໍາແກ່ໄວໜຸ່ມ.

ອີງຕາມດັດຊະນີໝາຍສັງຄົມລາວ 2017-2018 ເດັກຍິງອາຍຸ 5-17 ປີ ຫຼາຍກວ່າ 42% ແມ່ນໄດ້ມີການໃຊ້ແຮງງານ ແລະ ເດັກຍິງ 15-17 ປີ ປະມານ 42% ໄດ້ອອກໂຮງຮຽນ, ຊຶ່ງເຮັດໃຫ້ເຂົາເຈົ້າເຂົ້າເຖິງການພັດທະນາເສດຖະກິດ-ສັງຄົມໄດ້ຍາກ. ເພື່ອຫຼຸດຜ່ອນຄວາມທຸກຍາກ, ຄວາມບໍ່ສະເໝີພາບ, ສົ່ງເສີມຄວາມສາມາດຂອງຊັບພະຍາກອນມະນຸດ ແລະ ການພັດທະນາເສດຖະກິດ-ສັງຄົມແຫ່ງຊາດ ເພື່ອຮັບປະກັນວ່າກຸ່ມເປົ້າໝາຍມີຄວາມໝັ້ນຄົງໃນການໄດ້ຮັບຜົນປະໂຫຍດຈາກການພັດທະນາ, ແນໃສ່ປັບປຸງການມີອາຊີບ ແລະ ການລວມຕົວກັນ. ການທີ່ມີໄວໜຸ່ມຫຼວງຫຼາຍ ແລະ ປະຊາກອນໜຸ່ມຫຼາຍ ໄດ້ເຮັດໃຫ້ມີໂອກາດໃຫຍ່ຫຼວງ ເພື່ອພັດທະນາຄົນລຸ້ນໃໝ່ໃຫ້ເປັນຊັບພະຍາກອນທີ່ອຸດົມສົມບູນດ້ວຍການໃຫ້ການສຶກສາ, ການບໍລິການສາທາລະນະສຸກ, ທັກສະໃນຊີວິດ, ຝຶກອົບຮົມວິຊາອາຊີບ ແລະ ການປົກປ້ອງທາງສັງຄົມແກ່ເຂົາເຈົ້າ, ສະນັ້ນ, ເພື່ອບຸກລຸກຄວາມສາມາດບົ່ມຊ້ອນຂອງເຂົ້າເຈົ້າ ແລະ ການປະກອບສ່ວນຢ່າງເຕັ້ມປ່ຽມເຂົ້າໃນການພັດທະນາເສດຖະກິດ-ສັງຄົມປະເທດ ເປັນວຽກວຽກສໍາຄັນທີ່ສຸດຂອງໄວໜຸ່ມ.

- Wave100S AD to Website 2020 0 - ກອງປະຊຸມສຶກສາຄົ້ນຄວ້າກ່ຽວກັບໄວໜຸ່ມຄັ້ງທີ 3
- WhatsApp Image 2020 05 27 at 5 - ກອງປະຊຸມສຶກສາຄົ້ນຄວ້າກ່ຽວກັບໄວໜຸ່ມຄັ້ງທີ 3
- WhatsApp Image 2020 05 27 at 5 - ກອງປະຊຸມສຶກສາຄົ້ນຄວ້າກ່ຽວກັບໄວໜຸ່ມຄັ້ງທີ 3
error: Alert: ເນື້ອຫາຂ່າວມີລິຂະສິດ !!