ລາວ-ຈີນ ຕົກລົງຮ່ວມມືຜະລິດກະສິກໍາສະອາດສີຂຽວຢູ່ລາວ

- Laos China - ລາວ-ຈີນ ຕົກລົງຮ່ວມມືຜະລິດກະສິກໍາສະອາດສີຂຽວຢູ່ລາວ
- Untitled design - ລາວ-ຈີນ ຕົກລົງຮ່ວມມືຜະລິດກະສິກໍາສະອາດສີຂຽວຢູ່ລາວ

ພິທີເຊັນບົດບັນທຶກຄວາມເຂົ້າໃນ ກ່ຽວກັບການຕົກລົງຮ່ວມມືດ້ານການຜະລິດກະສິກໍສະອາດ ສີຂຽວ ຄື: (ພືດຜັກ ແລະ ໝາກໄມ້ສະອາດ), ໄດ້ມີຂຶ້ນໃນວັນທີ 15 ຕຸລານີ້, ທີ່ນະຄອນຫຼວງວຽງຈັນ ລະຫວ່າງທ່ານ ບຸນຈັນ ກົມບຸນຍະສິດ ຮອງຫົວໜ້າກົມປູກຟັງ ກະຊວງກະສິກໍາ-ປ່າໄມ້ ແລະ ທ່ານ ນາງ ເອີເວ ປະທານ ບໍລິສັດ ໄໝສຽງ ພັດທະນາກະສິກໍາ ຈໍາກັດ ແຂວງເຮ່ລົງຈ່ຽງ ສປ ຈີນ, ມີທ່ານ ບຸນຂວາງ ຄໍາບຸນເຮືອງ ຮອງລັດຖະມົນຕີ ກະຊວງກະສິກໍາ-ປ່າໄມ້ ແລະ ທ່ານທູດເສດຖະກິດການຄ້າ ສປ ຈີນ ປະຈໍາລາວ ເຂົ້າຮ່ວມນໍາດ້ວຍ. ການຮ່ວມມືດັ່ງກ່າວ ແນໃສ່ເພື່ອ ຄຸ້ມຄອງການຜະລິດໄປຕາມທິດກະສິກໍາສະອາດຄື: ຄຸ້ມຄອງການນໍາໃຊ້ ຝຸ່ນ, ຢາປາບສັດຕູພືດ ແລະ ແນວພັນພືດ, ຄຸ້ມຄອງວຽກງານປ້ອງກັນພືດ ແລະ ສະກັດກັນພືດ ເພື່ອຮອງຮັບການຜະລິດພືດທີ່ສະອາດ ສີຂຽວ ເປັນມິດຕໍ່ສິ່ງແວດລ້ອມ ແລະ ສາມາດສົ່ງເຂົ້າຕະຫຼາດ ສປ ຈີນໄດ້. ຊຶ່ງພາຍຫຼັງເຊັນບົດບັນທຶກນີ້ແລ້ວ ສອງຝ່າຍຈະຮ່າວມກັນ ລົງສຶກສາສໍາຫຼວດຄວາມເປັນໄປໄດ້ ແລະ ສ້າງບົດວິພາກເສດຖະກິດ ເພື່ອນໍາສະເໜີຕໍ່ລັດຖະບານ ໂດຍຜ່ານກະຊວງຕ່າງໆທີ່ກ່ຽວຂ້ອງຂອງສອງປະເທດ ສປປ ລາວ ແລະ ສປ ຈີນ ເປັນຜູ້ພິຈາລະນາ. ໂຄງການດັ່ງກ່າວຈະເປັນທ່າແຮງໃນການຍົກລະດັບຄວາມຮູ້ ແລະ ຄວາມສາມາດ ຂອງພະນັກງານວິຊາການ ແລະ ຊາວກະສິກອນ ກ່ຽວກັບເຕັກນິກການຜະລິດພືດຜັກໃນເຮືອນຮົ່ມທີ່ທັນສະໄໝ ແລະ ຕົວແບບໃນເຂດນະຄອນຫຼວງວຽງຈັນ ແລະ ທ້ອງຖິ່ນຕ່າງໆໃນຂອບເຂດທົ່ວປະເທດ, ໂດຍສະເພາະແມ່ນບັນດາແຂວງທີ່ຢູ່ລຽບຕາມແລວທາງເສັ້ນທາງລົດໄຟ ລາວ-ຈີນ ທີ່ມີຄວາມອາດສາມາດ, ຕິດຕັ້ງເຄື່ອງຮັບແສງຕາເວັນ ແລະ ປະກອບເຄື່ອງຈັກທີ່ທັນສະໄໝ ເພື່ອຮັບໃຊ້ການຜະລິດກະສິກໍາເປັນສິນຄ້າ ໃຫ້ມີທັງປະລິມານ ແລະ ຄຸນນະພາບ ເພື່ອຈໍາໜ່າຍພາຍໃນ ແລະ ສົ່ງອອກຕ່າງປະເທດໄດ້ຢ່າງປອດໄພ.

- Wave100S AD to Website 2020 0 - ລາວ-ຈີນ ຕົກລົງຮ່ວມມືຜະລິດກະສິກໍາສະອາດສີຂຽວຢູ່ລາວ
- WhatsApp Image 2020 05 27 at 5 - ລາວ-ຈີນ ຕົກລົງຮ່ວມມືຜະລິດກະສິກໍາສະອາດສີຂຽວຢູ່ລາວ
- WhatsApp Image 2020 05 27 at 5 - ລາວ-ຈີນ ຕົກລົງຮ່ວມມືຜະລິດກະສິກໍາສະອາດສີຂຽວຢູ່ລາວ
error: Alert: ເນື້ອຫາຂ່າວມີລິຂະສິດ !!