ປະດັບ​ຫລຽນ​ໄຊ​ແຮງ​ງານ​ໃຫ້​​ອາ​ດີດ​ປະທານສະມາຄົມ​ມິດຕະພາບ​ຂອງ​ລາວກັບ​ຕ່າງປະ​ເທດ, ຄະນະ​ສັນຕິ​ພາບ ​ແລະ ສາມັກຄີ​ຂອງ​ລາວ

- Coin - ປະດັບ​ຫລຽນ​ໄຊ​ແຮງ​ງານ​ໃຫ້​​ອາ​ດີດ​ປະທານສະມາຄົມ​ມິດຕະພາບ​ຂອງ​ລາວກັບ​ຕ່າງປະ​ເທດ, ຄະນະ​ສັນຕິ​ພາບ ​ແລະ ສາມັກຄີ​ຂອງ​ລາວ
- Untitled design - ປະດັບ​ຫລຽນ​ໄຊ​ແຮງ​ງານ​ໃຫ້​​ອາ​ດີດ​ປະທານສະມາຄົມ​ມິດຕະພາບ​ຂອງ​ລາວກັບ​ຕ່າງປະ​ເທດ, ຄະນະ​ສັນຕິ​ພາບ ​ແລະ ສາມັກຄີ​ຂອງ​ລາວ

​ພິທີ​ປະດັບ​ຫລຽນໄຊ​ແຮງ​ງານ​ໃຫ້​ແກ່​ບັນ​ດາອາ​ດີດ​ປະທານ ​ແລະ ຮອງ​ປະທານສະມາຄົມ​ມິດຕະພາບ​ຂອງ​ລາວກັບ​ຕ່າງປະ​ເທດ, ຄະນະ​ສັນຕິ​ພາບ ​ແລະ ສາມັກຄີ​ຂອງ​ລາວ ຈຳ​ນວນ 22 ທ່ານ, ​ໄດ້ຈັດ​ຂຶ້ນໃນ​ວັນ​ທີ 15 ຕຸລານີ້, ທີ່ນະຄອນຫລວງວຽງຈັນ, ໂດຍທ່ານ​ນາງ ສູນ​ທອນ ​ໄຊ​ຍະ​ຈັກ ຫົວໜ້າຄະນະພົວພັນ​ ຕ່າງປະ​ເທດ​ສູນ​ກາງພັກ, ໄດ້ໃຫ້ກຽດຫລຽນດັ່ງກ່າວຄື: ຫລຽນ​ໄຊ​ແຮງ​ງານ​ຊັ້ນ I​ ​ປະດັບໃຫ້​​ບັນດາອາ​ດີດ​ປະທານ​ສະມາຄົມມິດຕະພາບ​ລາວກັບ​ຕ່າງປະ​ເທດ, ຄະນະ​ສັນຕິພາບ ​ແລະ ສາມັກຄີ​ຂອງ​ລາວຈຳນວນ 15 ທ່ານ ​ແລະ ປະ ດັບ​ຫລຽນ​ໄຊ​ແຮງ​ງານ​ຊັ້ນ II ​ໃຫ້​ຮອງ​ປະທານສະມາຄົມດັ່ງກ່າວຈຳ​ນວນ 7 ທ່ານ ​ເພື່ອຈາລຶກຄຸນງາມຄວາມດີຕໍ່​ການ​ປະກອບສ່ວນ​​ອັນ​​ໃຫຍ່ຫລວງເຂົ້າ​ໃນ​ການ​ເຄື່ອນ​ໄຫວ​ທີ່​ຫ້າວຫັນ​ຂອງ​ບັນດາ​ອາ​ດີດ​ປະທານ ​ແລະ ຮອງ​ປະທານ ສະມາຄົມນີ້, ​ໃນ​ການ​ເພີ່ມ​ພູນ​ຄູນ​ສ້າງ ສາ​ຍພົວພັນ​ມິດຕະພາບ ​ລະຫວ່າງ​ລາວ ​ກັບ​ຕ່າງປະ​ເທດ ກໍ​ຄື​ ການ​ປະກອບສ່ວນດ້ານ​ສະຕິ​ປັນຍາ, ​ເຫື່ອ​ແຮງ ​ໃນ​ໄລຍະ​ຜ່ານ​ມາ.

​ໄປ​ຄຽງຄູ​ ກັບ​ການ​ເຄື່ອນ​ໄຫວວຽກງານ​ການຕ່າງປະ​ເທດ​ຂອງ​ພັກ, ລັດແລ້ວ ​ຍັງໄດ້​ປະກອບສ່ວນ​ເຂົ້າ​ໃນ​ການ​ໂຄສະນາ​ ແນວທາງ​ນະ​ໂຍບາຍຂອງ​ພັກ, ລັດຖະບານ ຕໍ່​ຕ່າງປະ​ເທດ, ​ເປັນ​ເຈົ້າ​ການ​ໃນ​ການ​ພົວພັນ ​ຮ່ວມ​ມື​ກັບ​ຕ່າງປະ​ເທດ ​ເພື່ອ​ເສີມ​ຂະ​ຫຍາ​ຍສາຍ​ພົວພັນ​ມິດຕະພາບ ​ແລະ ສົ່ງ​ເສີມ​ການ​ຮ່ວມ​ມື​ ກັບ​ບັນດາ​ອົງການ​ມິດຕະພາບ ຂອງ​ຕ່າງປະ​ເທດ​ແບບ​ສອງ​ຝ່າຍ ​ແລະ ຫລາຍ​ຝ່າຍ, ມີ​ການ​ຖອດ​ຖອນ​ບົດ​ຮຽນ​ເຊິ່ງກັນ  ​ແລະ ກັນ​ ໃນ​ດ້ານ​ຕ່າງໆ ​ເພື່ອ​ຊຸກຍູ້​ການ​ຮ່ວມ​ມື​ ເພື່ອ​ການ​ພັດທະນາ, ​ເປັນ​ເຈົ້າ​ການ​ຊຸກຍູ້​ຮ່ວມ​ມື ​ໃນ​ຂົງ​ເຂດ​​ເສດຖະກິດ, ການ​ຄ້າ, ການ​ລົງທຶນ, ວັດທະນະທຳ-ສັງຄົມ ​ແລະ ອື່ນໆ ເປັນ​ຮູບ​ປະ​ທຳ ​ແລະ ມີ​ປະສິດທິ​ຜົນ​ຍິ່ງໆຂຶ້ນ ແລະ ​ເປັນ​ເຈົ້າ​ການຍາດ​ແຍ່ງ​ເອົາ​ການສະໜັບສະໜູນ ຊ່ວຍ​ເຫລືອ​ຂອງ​ຕ່າງປ​ະ​ເທດ ​ເພື່ອ​ນຳ​ມາ​ສ້າງສາ​ພັດທະນາ​ປະ​ເທດ ​​ໂດຍ​ສະ​ເພາະ​, ດ້ານ​ການ​ກໍ່​ສ້າງ​ພື້ນຖານ​ໂຄງ​ລ່າງ​ ດ້ານ​ກາ​ນສຶກສາ, ສາ​ທາ​ລະນະ​ສຸກ, ສັງຄົມ-ວັດທະນະທຳ ​ແລະ ອື່ນໆຢ່າງມີປະສິດທິຜົນ.

- Wave100S AD to Website 2020 0 - ປະດັບ​ຫລຽນ​ໄຊ​ແຮງ​ງານ​ໃຫ້​​ອາ​ດີດ​ປະທານສະມາຄົມ​ມິດຕະພາບ​ຂອງ​ລາວກັບ​ຕ່າງປະ​ເທດ, ຄະນະ​ສັນຕິ​ພາບ ​ແລະ ສາມັກຄີ​ຂອງ​ລາວ
- WhatsApp Image 2020 05 27 at 5 - ປະດັບ​ຫລຽນ​ໄຊ​ແຮງ​ງານ​ໃຫ້​​ອາ​ດີດ​ປະທານສະມາຄົມ​ມິດຕະພາບ​ຂອງ​ລາວກັບ​ຕ່າງປະ​ເທດ, ຄະນະ​ສັນຕິ​ພາບ ​ແລະ ສາມັກຄີ​ຂອງ​ລາວ
- WhatsApp Image 2020 05 27 at 5 - ປະດັບ​ຫລຽນ​ໄຊ​ແຮງ​ງານ​ໃຫ້​​ອາ​ດີດ​ປະທານສະມາຄົມ​ມິດຕະພາບ​ຂອງ​ລາວກັບ​ຕ່າງປະ​ເທດ, ຄະນະ​ສັນຕິ​ພາບ ​ແລະ ສາມັກຄີ​ຂອງ​ລາວ
error: Alert: ເນື້ອຫາຂ່າວມີລິຂະສິດ !!