ສອງເກົາຫລີຕົກລົງຟື້ນຟູລະບົບ ໂຄງລ່າງພື້ນຖານຂ້າມຊາຍແດນ

- advert banner 728 90 728x90 - ສອງເກົາຫລີຕົກລົງຟື້ນຟູລະບົບ ໂຄງລ່າງພື້ນຖານຂ້າມຊາຍແດນ

ສ.​ເກົາຫລີ ​ແລະ ສປປ ​ເກົາຫລີ ບັນລຸ​ຂໍ້​ຕົກລົງ​ຮ່ວມ​ກັນ ​ໃນ​ການ​ຟື້ນຟູ​ເສັ້ນທາງ​ລົດ​ໄຟ ​ແລະ ຖະໜົນຫລວງ​ເຊື່ອມ​ລະຫວ່າງ​ສອງ​ປະ​ເທດ ທີ່​ຖືກ​ຕັດຂາດ​ແຕ່​ສະ​ໄໝ​ສົງຄາມ.

- news lSxrjOUIkT094027 533 - ສອງເກົາຫລີຕົກລົງຟື້ນຟູລະບົບ ໂຄງລ່າງພື້ນຖານຂ້າມຊາຍແດນ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ກະຊວງ​ລວມຊາດ​ຂອງ ສ.​ເກົາຫລີ ​ເປີດ​ເຜີຍ​ຜົນ​ການ​ພົບ​ປະ​ຫາລື​ລະຫວ່າງ​ເຈົ້າໜ້າ​ທີ່​ລະດັບ​ສູງ​ຂອງ​ລັດຖະບານ​ເຊ​ອຸນກັບ​ລັດຖະບານ​ພຽງ​ຢາງ ນຳ​ໂດຍ​ທ່ານ ​ໂຊ ມາ​ຢອງຢອນ ລັດຖະມົນຕີ​ກະຊວງ​ລວມຊາດ​ຂອງ ສ.​ເກົາຫລີ ​ແລະ ທ່ານ ຣີ ຊອນ​ວອນ ຜູ້ອຳນວຍການ​ສຳນັກງານ​ກິດຈະການ​ລະຫວ່າງ​ສອງ​ເກົາຫລີ​ຂອງ​ລັດຖະບານ​ພຽງ​ຢາງ ​ໂດຍ​ກອງ​ປະຊຸມ​ມີ​ຂຶ້ນທີ່​ອາຄານ​ສັນຕິພາບ​ຂອງ​ບ້ານ​ປານ​ມູນ​ຈອມ​ເບື້ອງ ສ.​ເກົາຫລີ ​ໃນ​ວັນ​ທີ 15 ຕຸລາ​ວ່າ: ທັງ​ສອງ​ປະ​ເທດ​ເຫັນ​ພ້ອມ​ຮ່ວມ​ກັນ​ເບື້ອງຕົ້ນ ​ໃນການ​ຟື້ນຟູ​ລະບົບ​ໂຄງ​ສ້າງ​ພື້ນຖານ​ລະຫວ່າງ​ປະ​ເທດ ທັງ​ເສັ້ນທາງ​ລົດ​ໄຟ ​ແລະ ຖະໜົນຫລວງ.

ທັງ​ນີ້, ​ໂຄງການ​ຟື້ນຟູ​ເສັ້ນທາງ​ຄົມມະນາຄົມ​ທີ່​ຕັດຂາດ​ແຕ່​ສະ​ໄໝ​ສົງຄາມ​ເກົາຫລີ ລະຫວ່າງ​ປີ 1950 ຫາ 1953 ອາດ​ຈະ​ເລີ່​ມຂຶ້ນຢ່າງ​ເປັນ​ທາງ​ການ​ໃນ​ທ້າຍ​ເດືອນ​ພະຈິກ ຫລື ຕົ້ນ​ເດືອນ​ທັນວາ​ນີ້. ຂະນະ​ທີ່​ກ່ອນ​ໜ້ານັ້ນ ລັດຖະບານ​ຂອງ​ທັງ​ສອງ​ປະ​ເທດ​ຈະ​ຮ່ວມ​ກັນ​ວາງ​ແຜນ ​ແລະ ລົງພື້ນທີ່​ພາກ​ສະໜາມ ​ເພື່ອ​ສຶກສາ​ສະພາບ​ແວດ​ລ້ອມ.

error: Content is protected !!