JICA ຈະໃຫ້ການຊ່ວຍເຫລືອລາວຫລາຍຂຶ້ນ

- Finance - JICA ຈະໃຫ້ການຊ່ວຍເຫລືອລາວຫລາຍຂຶ້ນ
- Untitled design - JICA ຈະໃຫ້ການຊ່ວຍເຫລືອລາວຫລາຍຂຶ້ນ

- Finance 300x209 - JICA ຈະໃຫ້ການຊ່ວຍເຫລືອລາວຫລາຍຂຶ້ນ

ໃນໂອກາດເຂົ້າຢ້ຽມຂໍ່ານັບທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ໃນວັນທີ 9 ພຶດສະພານີ້ ຂອງທ່ານ ໂຢຊິຮາຣຸ ໂຢເນຢາມາ (Yoshiharu YONEYAMA) ຫົວໜ້າອົງການຮ່ວມມືສາກົນຢີ່ປຸ່ນ (JICA) ປະຈໍາ ສປປ ລາວ ຄົນໃໝ່ ຢູ່ກະຊວງດັ່ງກ່າວ ເພື່ອເປັນການຮັດແໜ້ນການພົວພັນການຮ່ວມມືລະຫວ່າງ ລາວ-ຢີ່ປຸ່ນ ເວົ້າລວມ, ເວົ້າສະເພາະກໍຄືອົງການໄຈກາ ແລະ ກະຊວງການເງິນລາວ ໃຫ້ນັບມື້ນັບດີຂຶ້ນ ແລະ ໃນໂອກາດນີ້, ທ່ານ ໂຢຊິຮາຣຸ ໄດ້ຢືນຢັນວ່າ: ຈະສືບຕໍ່ໃຫ້ການຊ່ວຍເຫຼືອລາວຫລາຍຂຶ້ນ ໂດຍສະເພາະການສ້າງຄວາມເຂັ້ມແຂງທາງດ້ານການເງິນ, ປັດຈຸບັນກໍໄດ້ສົ່ງຊ່ຽວຊານຢີ່ປຸ່ນມາເຮັດວຽກປະຈໍາຢູ່ລາວແລ້ວຈຳນວນຫນຶ່ງ ແລະ ຍິນດີທີ່ຈະສົ່ງຊ່ຽວຊານມາຊ່ວຍໃນກົມອື່ນໆອີກ ເພື່ອຊ່ວຍພັດທະນາວຽກງານການເງິນລາວມີຄວາມເຂັ້ມແຂງດີຂຶ້ນ. ນອກນັ້ນ, ອົງການໄຈກາຍັງມີແຜນຮັບເອົາພະນັັກງານການເງິນລາວໄປເຝິກອົບຮົມວຽກງານການເງິນ, ກ່ຽວກັບທະນາບັດ ແລະ ຂະແໜງພາສີ. ພ້ອມທັງໄປສຶກສາທີ່ປະເທດຢີ່ປຸ່ນ ເພື່ອສ້າງບຸກຄະລາກອນຂອງກະຊວງການເງິນໃຫ້ມີຄວາມເຂັ້ມແຂງ ແລະ ສາມາດນໍາເອົາຄວາມຮູ້ມາພັດທະນາວຽກງານຂອງກະຊວງການເງິນດີຂຶ້ນກວ່າເກົ່າ. ພ້ອມນີ້ ອົງການໄຈກາຍັງໄດ້ໃຫ້ການຊ່ວຍເຫຼືອທາງດ້ານເງິນກູ້ຢືມແກ່ລາວຕື່ມອີກ.

- Wave100S AD to Website 2020 0 - JICA ຈະໃຫ້ການຊ່ວຍເຫລືອລາວຫລາຍຂຶ້ນ

ໃນໂອກາດນີ້, ທ່ານ ສົມດີ ດວງດີ ກໍໄດ້ສະແດງຄວາມຍິນດີຊົມເຊີຍຕໍ່ການມາຮັບໜ້າທີ່ໃໝ່ຂອງຫົວໜ້າອົງການໄຈກາປະຈໍາລາວ ແລະ ເຫັນດີສືບຕໍ່ໃຫ້ການຮ່ວມມືກັບຂະແໜງການເງິນລາວ ເປັນຕົ້ນແມ່ນ ການສົ່ງນັກຊ່ຽວຊານມາປະຈໍາຢູ່ຂະແໜງສ່ວຍສາອາກອນ ແລະ ໄດ້ມີການປຶກສາຫາລືກັບຂະແໜງການກ່ຽວຂ້ອງ ເພື່ອເລັ່ງປັບປຸງການຄຸ້ມຄອງການເງິນຂອງລັດ ໂດຍສະເພາະການເກັບລາຍຮັບບໍ່ໃຫ້ຂາດດຸນ ເພື່ອບັນລຸການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ຄັ້ງທີ 8 ມີຜົນສຳເລັດສູງ.

- WhatsApp Image 2020 05 27 at 5 - JICA ຈະໃຫ້ການຊ່ວຍເຫລືອລາວຫລາຍຂຶ້ນ
- WhatsApp Image 2020 05 27 at 5 - JICA ຈະໃຫ້ການຊ່ວຍເຫລືອລາວຫລາຍຂຶ້ນ
error: Alert: ເນື້ອຫາຂ່າວມີລິຂະສິດ !!