ວົງການແພດໝໍລາວຈະກ້າວໄກຖ້າຮ່ວມໃຈກັນພັດທະນາ

- advert banner 728 90 728x90 - ວົງການແພດໝໍລາວຈະກ້າວໄກຖ້າຮ່ວມໃຈກັນພັດທະນາ

 ໂດຍ: ທິດກ່ຳ   

ພາຍຫລັງເຫັນແຫລ່ງຂ່າວອອກມາໃນສື່ອອນລາຍມີຫລາຍຄົນ, ຫລາຍຫາງສຽງກໍ ໄດ້ ສະແດງຄວາມຊົມເຊີຍ ແລະ ຍິນດີນຳວົງການແພດໝໍລາວ ທີ່ມີເປົ້າໝາຍເລັ່ງລັດພັດທະ ນາໃນດ້ານບໍລິການໃຫ້ດີກວ່າ ເກົ່າຫລືວ່າໃຫ້ດີທີ່ສຸດ.

 

ດີໃຈແພດໝໍລາວຈະກ້າວສູ່ລະດັບໃໝ່ !2018/

ແນະນຳຈາກແພດ ສິ່ງທີ່ຕ້ອງເຮັດເມື່ອທ່ານຜິດຫວັງໃນຄວາມຮັກ2018/

ໃນຄວາມເປັນ ຈິງແລ້ວ, ໃນຫລາຍສິບປີຜ່ານມາຄົນ ລາວທີ່ໄດ້ພາກັນເຫີ່ໄປປິ່ນປົວ ຢູ່ປະເທດເພື່ອນບ້ານໄດ້ນຳ ເອົາເງິນຕາໄປໃຊ້ຈ່າຍຢູ່ປະ ເທດເພິ່ນນັ້ນແມ່ນມີຈຳນວນ ມະຫາສານບໍ່ວ່າຍຸກໃດນີ້ກໍ ຍ້ອນຫລາຍປັດໄຈມາກະທົບ ເຊິ່ງບາງຢ່າງກໍຈົນກາຍເປັນ ອາຈີນເຊັ່ນ: ໜຶ່ງຖ້າເຮົາເບິ່ງ ສະເພາະມຸມມອງໃນວົງການ ປິ່ນປົວແລ້ວເຂົາກໍເຂົ້າໃຈວ່າ ປະເທດເພື່ອນບ້ານຈະເລີນ ກວ່າ, ຮັ່ງມີກວ່າ, ເກັ່ງກວ່າ ແລະ ທັນສະໄໝກວ່າ.

ໃນກໍລະນີເຈັບເປັນມາກໍ ຂໍໃຫ້ໄດ້ໄປປິ່ນປົວຢູ່ບ່ອນຈະ ເລີນທັນສະໄໝເສຍເງິນ ຄຳເທົ່າໃດ, ຈະດີຫລືບໍ່, ຊິຕາຍ ຊິຍັງກໍບໍ່ໄດ້ກິ່ນແໜງ ວ່າຊັ້ນ! ສ່ວນວ່າປັດໄຈອັນທີສອງມີ ຫລາຍຄົນກໍ ເວົ້າວ່າໄປປິ່ນປົວ ຢູ່ໄທແພດໝໍເຂົາເບິ່ງແຍງ ດີ, ບໍລິການກໍດີ, ທັງວ່ອງໄວ ທັນ ໃຈໄປຫາເຂົາພໍແຕ່ເຫັນໜ້າ ຄົນເຈັບເຂົາກໍຫຸ້ມມາໃສ່ທັນ ທີທັງເວົ້ານົວຫົວມ່ວນເມື່ອ ໄປໄດ້ຍິນຄຳເວົ້າຄຳວ່າຂອງ ແພດໝໍບ້ານເພິ່ນແລ້ວບໍ່ທັນ ໄດ້ກວດກາກິນຍາກໍມີແຮງເຕັມ ບາດເຕັມສະຫລຶງແລ້ວ.

ນອກຈາກສອງເຫດຜົນ ທີ່ເວົ້າມານີ້ກໍຍັງມີຫລາຍປັດ ໄຈແບບກວມລວມໃນດ້ານ ປະຫວັດສາດ ແລະ ເສດຖະ ກິດ-ສັງຄົມອື່ນໆ ທີ່ໄດ້ຕິດພັນ ກັນມາແຕ່ສະໄໝປູ່ຍ່າຕາຍາຍ ໂດຍສະເພາະອັນສຳຄັນທີ່ສຸດ ແມ່ນຄົນລາວສອງຝັ່ງຂອງຖື ເປັນຊົນຊາດດຽວ, ສາຍເລືອດ ດຽວ ແລະ ເປັນປະເທດລ້ານ ຊ້າງພຽງແຕ່ພວກສະຫຍາມ ກັບຝຣັ່ງມາຢຶດຄອງແລ້ວກໍ ມາແຍກຄົນສອງຝັ່ງຂອງໃຫ້ ເປັນຄົນລະປະເທດ, ຈາກສາ ເຫດທີ່ວ່າມານີ້ແລ້ວ, ຈຶ່ງເຮັດ ໃຫ້ພື້ນຖານເສດຖະກິດ-ສັງຄົມ ຂອງລາວເຮົາດ້ອຍພັດທະນາ ມາຮອດຍຸກປັດຈຸບັນນີ້.

- 1 1 - ວົງການແພດໝໍລາວຈະກ້າວໄກຖ້າຮ່ວມໃຈກັນພັດທະນາ
- lattana 1 - ວົງການແພດໝໍລາວຈະກ້າວໄກຖ້າຮ່ວມໃຈກັນພັດທະນາ

ແນວໃດກໍຕາມ, ເທົ່າທີ່ ທິດ ກ່ຳ ໄດ້ເຫັນ ແລະ ທັງໄດ້ ສຳພັດ ຢູ່ປະເທດເຮົາໃນປັດຈຸບັນກໍ ຖືວ່າວົງການແພດໝໍຢູ່ບ້ານ ເຮົາກໍມີການພັດທະນາໄປ ຫລາຍອີ່ຫລີແລ້ວ, ໂດຍສະ ເພາະແມ່ນໂຮງໝໍຂັ້ນແຂວງ ແລະ ຂັ້ນສູນກາງ.

ສິ່ງທີ່ຢັ້ງຢືນໃຫ້ເຫັນສຳ ລັບ ທິດກ່ຳ ກໍຄືອາຄານສະຖານ ທີ່ຮັບໃຊ້ໂຮງໝໍກໍໄດ້ຮັບການ ກໍ່ສ້າງຂຶ້ນໃໝ່ ແລະ ປັບປຸງອັນ ເກົ່າໃຫ້ດີຂຶ້ນຕັ້ງຫລາຍເທົ່າ, ອັນສອງມາໃນດ້ານການບໍລິ ການກໍຂ້ອນຂ້າງດີຂຶ້ນຫລາຍ ເຕີບ ເຊິ່ງບາງໄລຍະຄົນເຈັບ ກໍຈົນລົ້ນຫ້ອງບໍ່ມີບ່ອນນອນ ໄດ້ພາກັນອອກມານອນຢູ່ຕາມລະບຽງ ຫລື ໄດ້ຈອງຄິວກັນ ເຂົ້າຫ້ອງປິ່ນປົວ.

ເບິ່ງໃນດ້ານວິຊາການປິ່ນ ປົວກໍບໍ່ທັນສາມາດເວົ້າໄດ້ວ່າ ເພິ່ນກັບເຮົາໃຜເກັ່ງ, ໃຜບໍ່ເກັ່ງ ເພາະວ່າໃນຜ່ານມາມີບາງຄົນກໍດີ, ບາງຄົນກໍຕາຍ ແລະ ບາງກໍລະນີທາງເພິ່ນປິ່ນປົວ ບໍ່ໄດ້ກໍກັບຄືນມາປິ່ນປົວຢູ່ ລາວ ເຮົາຈົນດີຈົນເຊົາກໍບໍ່ໄດ້ ອຶດໄດ້ຢາກ.

ເຖິງຢ່າງໃດກໍດີ, ຕາມ ຄວາມຄິດຂອງທິດກ່ຳໃນຖາ ນະເປັນຄົນສື່ກໍຢາກໃຫ້ເລັ່ງ ປັບປຸງການບໍລິການຕາມທີ່ ເພິ່ນໄດ້ວາງຄຳຂວັນ 5 ດີ 1 ພໍ ໃຈມັນກໍເປັນເລີດພໍແຮງແລ້ວ ເຊັ່ນ ວ່າ: ຕ້ອນຮັບດີ, ສະອາດ ດີ, ສະດວກດີ, ບົ່ງມະຕິພະຍາດ ຊັດເຈນດີ ແລະ ປິ່ນປົວດີ.
ສ່ວນວ່າ 1 ພໍໃຈນັ້ນກໍ ແມ່ນຄົນເຈັບທີ່ໄດ້ໄປປິ່ນປົວ ມີຄວາມພໍໃຈ ແລະ ຮູ້ບຸນຄຸນ ທີ່ແພດໝໍ ໄດ້ກູ້ເອົາຊີວິດຂອງ ຕົນໄວ້, ຕາມທິດກ່ຳວ່າ, ຖ້າ ແພດໝໍລາວເຮັດໄດ້ຕາມຄຳ ຂວັນນີ້ໃນຕໍ່ໜ້າ ແລະ ຍາວ ນານຈ້າງເຂົາກະບໍ່ໄປປິ່ນປົວ ຢູ່ປະເທດອື່ນດອກ.

ໃນໄລຍະປີ 2016 ທິດກ່ຳ ໄດ້ເອົາຫລານອາຍຸ 3 ປີ ໄປປິ່ນ ປົວຢູ່ໂຮງໝໍແຫ່ງໜຶ່ງຢູ່ນະ ຄອນຫລວງວຽງຈັນເຮົານີ້ ລະ (ຂໍສະຫງວນຊື່) ຫລານ ທິດກ່ຳ ເຈັບແຂ້ວພໍເຂົ້າຫ້ອງ ກວດເຫັນທ່ານໝໍຍິງກາງຄົນ ຜູ້ນັ້ນນັ່ງເຄັ່ງຂຶມເຮັດຄືເພິ່ນ ເປັນນາຍໃຫຍ່ເປັນຕາເກງ ຂາມພໍສັ່ງໃຫ້ນັ່ງລົງເພິ່ນກໍ ບອກໃຫ້ອ້າປາກຂຶ້ນກວ້າງ ເບິ່ງດຸ! ແລ້ວເພິ່ນເອົາຄີມໄປ ເຕາະແຂ້ວ ເຫລັ້ມທີ່ມັນເຈັບ ມັນເລີຍໄຫ້ຂຶ້ນວາກໆ.

ທ່ານ ໝໍຍິງຄົນນັ້ນກໍບອກ ວ່າ ໃຫ້ອົດເອົາບໍ່ຕາຍຍ້ອນ ດອກ ວ່າຊັ້ນ! ທິດກ່ຳ ກໍໄດ້ ແຕ່ນັ່ງຄິດວ່າການເວົ້າວ່າ ຂອງທ່ານໝໍແບບນີ້ມັນບໍ່ ຄ່ອຍໂສພາປານໃດສົງໄສ ອາລົມບໍ່ຈອຍ./.

- 544 - ວົງການແພດໝໍລາວຈະກ້າວໄກຖ້າຮ່ວມໃຈກັນພັດທະນາ
(ພາບປະກອບ)
error: Content is protected !!