ລາວສະເຫຼີມສະຫລອງວັນອາຫານໂລກ-ວັນສາກົນ ແລະ ສັບປະດາແຫ່ງຊາດເພື່ອລຶບລ້າງຄວາມທຸກຍາກ

- advert banner 728 90 728x90 - ລາວສະເຫຼີມສະຫລອງວັນອາຫານໂລກ-ວັນສາກົນ ແລະ ສັບປະດາແຫ່ງຊາດເພື່ອລຶບລ້າງຄວາມທຸກຍາກ

ກະຊວງກະສິກໍາ-ປ່າໄມ້ ແລະ ອົງການສະຫະປະຊາຊາດ ປະຈໍາລາວ, ໄດ້ຈັດງານສະເຫຼີມສະຫຼອງວັນອາຫານໂລກ, ວັນສາກົນ ແລະ ສັບປະດາແຫ່ງຊາດເພື່ອລຶບລ້າງຄວາມທຸກຍາກ ຂຶ້ນໃນວັນທີ 15-19 ຕຸລານີ້, ທີ່ສະຖາບັນຄົ້ນຄວ້າກະສິກໍາ-ປ່າໄມ້ ແລະ ພັດທະນາຊົນນະບົດແຫ່ງຊາດ ໃນນະຄອນຫລວງວຽງຈັນ. ສໍາລັບວັນອາຫານໂລກ ຄົບຮອບ 38 ປີ ພາຍໃຕ້ຄໍາຂວັນ “ການກະທໍາຂອງພວກເຮົາຄືອະນາຄົດຂອງພວກເຮົາ, ໂລກທີ່ປາສະຈາກຄວາມອຶດຫິວ ພາຍໃນປີ 2030 ແມ່ນມີຄວາມເປັນໄປໄດ້” ສ່ວນວັນສາກົນເພື່ອລົບລ້າງຄວາມທຸກຍາກ ຄົບຮອບ 32 ປີ ແລະ ສັບປະດາແຫ່ງຊາດ ເພື່ອລົບລ້າງຄວາມທຸກຍາກ ຄົບຮອບ 15 ປີ ພາຍໃຕ້ຄໍາຂວັນ “ມາຮ່ວມມືກັນ ຊ່ວຍເຫຼືອກຸ່ມຄົນທີ່ດ້ອຍໂອກາດທີ່ສຸດ ເພື່ອພ້ອມກັນສ້າງໂລກທີ່ມີການເຄົາລົບກຽດສັກສີ ແລະ ສິດທິມະນຸດຢ່າງທົ່ວເຖິງ” ໂດຍການໃຫ້ກຽດເຂົ້າຮ່ວມຂອງທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ມີທ່ານລັດຖະມົນຕີກະຊວງກະສິກໍາ ແລະ ປ່າໄມ້, ຜູ້ປະສານງານອົງການສະຫະປະຊາຊາດ ປະຈໍາລາວ, ຜູ້ຕາງໜ້າອົງການອາຫານ ແລະ ການກະເສດ ປະຈໍາພາກພື້ນອາຊີ ແລະ ປາຊີຟິກ, ບັນດາທູດຕານຸທູດ ແລະ ຄູ່ຮ່ວມພັດທະນາຕ່າງໆເຂົ້າຮ່ວມເປັນຈໍານວນຫລາຍ.

    ການສະເຫລີມສະຫລອງດັ່ງກ່າວ ກໍເພື່ອແນໃສ່ປູກຈິດສໍານຶກ ແລະ ສ້າງຄວາມຮັບຮູ້ໃຫ້ປະຊາຊາດໃນທົ່ວໂລກ ໄດ້ເຂົ້າໃຈເຖິງບັນຫາສິ່ງທ້າທາຍຕ່າງໆ ຈາກການປ່ຽນແປງດິນຟ້າອາກາດ, ພ້ອມທັງເປັນການແຈ້ງເຕືອນ ແລະ ປຸກລະດົມກໍາລັງແຮງທົ່ວສັງຄົມລາວ ແລະ ປະຊາຊາດໃນໂລກ ເພື່ອເຝົ້າລະວັງ, ປ້ອງກັນຜົນເສຍຫາຍທີ່ອາດເກີດຂຶ້ນ ແລະ ຮ່ວມກັນແກ້ໄຂຜົນຮ້າຍຂອງໄພພິບັດໃຫ້ກັບສູ່ສະພາບປົກກະຕິໂດຍໄວ. ໃນໂອກາດດັ່ງກ່າວ, ທ່ານລັດຖະມົນຕີກະຊວງກະສິກໍາ-ປ່າໄມ້ ໄດ້ມີຄໍາເຫັນວ່າ: ການສະເຫຼີມສະຫຼອງວັນດັ່ງກ່າວ ປີນີ້ແມ່ນຢູ່ໃນເງື່ອນໄຂທີ່ບັນດາປະເທດໄດ້ມີຜົນສໍາເລັດເບື້ອງຕົ້ນໃນການຈັດຕັ້ງປະຕິບັດເປົ້າໝາຍພັດທະນາແບບຍືນຍົງ, ຄຽງຄູ່ກັນນັ້ນ ກໍມີຫລາຍປະເທດໄດ້ຮັບຜົນກະທົບຈາກໄພພິບັດທໍາມະຊາດຢ່າງໜັກໜ່ວງ, ຊຶ່ງໄດ້ກາຍເປັນອຸປະສັກຕໍ່ການສູ້ຊົນບັນລຸຄາດໝາຍໃນການລຶບລ້າງຄວາມທຸກຍາກ ແລະ ໄພອຶດຫິວຂອງໂລກທີ່ວາງໄວ້ວ່າໃຫ້ສໍາເລັດໂດຍພື້ນຖານໃນປີ 2030. ສໍາລັບປະເທດເຮົາ, ການສະຫຼອງວັນດັ່ງກ່າວ ແມ່ນມີຂຶ້ນໃນເງື່ອນໄຂທີ່ປະຊາຊົນເຮົາສາມາດຍາດໄດ້ ຜົນສໍາເລັດຫຼາຍດ້ານໃນການຈັດຕັ້ງປະຕິບັດຍຸດທະສາດການເຕີບໂຕ ແລະ ລຶບລ້າງຄວາມທຸກຍາກແຫ່ງຊາດ (NGPES) ຕະຫຼອດໄລຍະ 15 ປີ (2003-2018) ແລະ ໃນໄລຍະເຄິ່ງສະໄໝຂອງແຜນພັດທະນາເສດຖະກິດສັງຄົມແຫ່ງລັດ 5 ປີ ຄັ້ງທີ VIII ເປັນຕົ້ນແມ່ນ ສປປ ລາວ ໄດ້ບັນລຸຫຼາຍເງື່ອນໄຂຂອງການຫຼຸດພົ້ນອອກຈາກສະຖານະພາບ ປະເທດດ້ອຍພັດທະນາ, ສືບຕໍ່ມີສະຖຽນລະພາບດ້ານການເມືອງ, ເສດຖະກິດ ມີການເຕີບໂຕຢ່າງຕໍ່ເນື່ອງ, ສັງຄົມມີຄວາມສະຫງົບ ເປັນລະບຽບຮຽບຮ້ອຍ, ອົງການປົກຄອງທ້ອງຖິ່ນຮາກຖານໄດ້ຮັບການປັບປຸງໃຫ້ເຂັ້ມແຂງຂຶ້ນຕາມທິດ 3 ສ້າງ, ການແກ້ໄຂຄວາມທຸກຍາກ, ການຄໍ້າປະກັນຄວາມໝັ້ນຄົງດ້ານສະບຽງອາຫານ ແລະ ສົ່ງເສີມການຜະລິດເປັນສິນຄ້າ ກໍມີຄວາມຄືບໜ້າເປັນຢ່າງດີ.

- 1 1 - ລາວສະເຫຼີມສະຫລອງວັນອາຫານໂລກ-ວັນສາກົນ ແລະ ສັບປະດາແຫ່ງຊາດເພື່ອລຶບລ້າງຄວາມທຸກຍາກ
- Tiger Head 728x90 - ລາວສະເຫຼີມສະຫລອງວັນອາຫານໂລກ-ວັນສາກົນ ແລະ ສັບປະດາແຫ່ງຊາດເພື່ອລຶບລ້າງຄວາມທຸກຍາກ

ທ່ານລັດຖະມົນຕີ ກ່າວວ່າ: ຄວາມທຸກຍາກ ແລະ ໄພອຶດຫິວ ໄດ້ເປັນບັນຫາໃຫຍ່ຂອງໂລກມາເປັນເວລາຫຼາຍສະຕະວັດ. ຕະຫຼອດໄລຍະຜ່ານມາ ໂລກຂອງເຮົາໄດ້ພົບກັບໄພພິບັດທາງທໍາມະຊາດ, ການປ່ຽນແປງດິນຟ້າອາກາດ, ການລະບາດຂອງພະຍາດ, ຄວາມສັບສົນວຸ້ນວາຍທາງສັງຄົມ, ເສິກສົງຄາມຕະຫຼອດຮອດວິກິດການຕ່າງໆ, ຊຶ່ງປະກົດການດັ່ງກ່າວ ໄດ້ເຮັດໃຫ້ບັນຫາຄວາມທຸກຍາກ ແລະ ໄພອຶດຫິວຍິ່ງເພີ່ມຂຶ້ນ, ດັ່ງນັ້ນ ອົງການອາຫານ ແລະ ການກະເສດສະຫະປະຊາຊາດ ຈຶ່ງໄດ້ກໍານົດເອົາວັນທີ 16 ຕຸລາ ຂອງທຸກໆປີ ເປັນວັນອາຫານໂລກ ຊຶ່ງເລີ່ມແຕ່ປີ 1980 ເປັນຕົ້ນມາ ແລະ ອົງການສະຫະປະຊາຊາດ ໄດ້ກໍານົດເອົາວັນທີ 17 ຕຸລາ ປີ 1992 ເປັນວັນສາກົນເພື່ອລຶບລ້າງຄວາມທຸກຍາກ, ມາຮອດປີ 2003 ລັດຖະບານລາວ ໄດ້ກໍານົດເອົາວັນທີ 17-24 ຕຸລາ ເປັນສັບປະດາແຫ່ງຊາດເພື່ອລຶບລ້າງຄວາມທຸກຍາກ.

error: Content is protected !!