ການສະເຫລີມສະຫລອງ ວັນສ້າງຕັ້ງເມືອງວຽງໄຊ ຄົບຮອບ 50 ປີ ຈະ​ຈັດ​ຂຶ້ນ​ໃນ​ທ້າ​ຍ​ເດືອນ​ພະຈິກ​ນີ້

- phankham - ການສະເຫລີມສະຫລອງ ວັນສ້າງຕັ້ງເມືອງວຽງໄຊ ຄົບຮອບ 50 ປີ ຈະ​ຈັດ​ຂຶ້ນ​ໃນ​ທ້າ​ຍ​ເດືອນ​ພະຈິກ​ນີ້
- Untitled design - ການສະເຫລີມສະຫລອງ ວັນສ້າງຕັ້ງເມືອງວຽງໄຊ ຄົບຮອບ 50 ປີ ຈະ​ຈັດ​ຂຶ້ນ​ໃນ​ທ້າ​ຍ​ເດືອນ​ພະຈິກ​ນີ້

ຂປລ. ສປປ ລາວ ຈະຈັດງານສະເຫລີມສະຫລອງວັນສ້າງຕັ້ງ ເມືອງວຽງໄຊ-ຖານທີ່ໝັ້ນຂອງການປະຕິວັດລາວ ຄົບຮອບ 50 ປີ (30/11/1968-30/11/2018) ຂຶ້ນໃນທ້າຍເດືອນພະຈິກນີ້ ຢູ່​ທີ່​​ແຂວງ​ຫົວພັນ ເພື່ອເປັນການຫວນຄືນມູນເຊື້ອຄວາມປີຊາສາມາດ, ສະຫລາດສ່ອງໃສ ຂອງພັກປະຊາຊົນປະຕິວັດລາວ ໃນການນຳພາການປະຕິວັດ ຕໍ່ສູ່ປົດປ່ອຍຊາດ ຍາດເອົາຄວາມເປັນເອກະລາດ ມາໃຫ້ປະຊາຊົນລາວບັນດາເຜົ່າ.

ທ່ານ ພັນຄຳ ວິພາວັນ ຮອງປະທານປະເທດ ​ໄດ້ກ່າວໃນພິທີຖະແຫລງຂ່າວໃນວັນທີ 16 ຕຸລານີ້ວ່າ: ການຈັດງານສະເຫລີມສະຫລອງວັນ​ປະຫວັດສາດ​ສຳຄັນ​ດັ່ງກ່າວ, ເພື່ອເປັນການລະນຶກ ແລະ ຈົດຈຳລ້ຳລຶກ ໄຊຊະນະອັນຍິ່ງໃຫຍ່ ແລະ ຜົນງານອັນລ້ຳເລີດທີ່ການນຳຮຸ້ນກ່ອນ ໂດຍສະເພາະແມ່ນ ປະທານ ໄກສອນ ພົມວິຫານ ແລະ ບັນດາຜູ້ນຳທ່ານອື່ນໆ ທີ່ໄດ້ນໍາພາພາລະກິດປະຕິວັດ ຕໍ່ສູ່ປົດປ່ອຍຊາດ ຍາດເອົາຄວາມເປັນເອກະລາດ ມາໃຫ້ປະຊາຊົນລາວບັນດາເຜົ່າ, ໂດຍມີ ເມືອງວຽງໄຊ ເປັນຖານທີ່ໝັ້ນອັນແຂງແກ່ນໃນເວລານັ້ນ ​ແລະ ເພື່ອໂຄສະນາ, ສຶກສາອົບຮົມພະນັກງານສະມາຊິກພັກ, ນັກຮົບ, ປະຊາຊົນບັນດາເຜົ່າ ​ໂດຍສະເພາະ ແມ່ນຄົນຮຸ້ນໜຸ່ມໃຫ້ເຂົ້າໃຈຢ່າງຈະແຈ້ງ ແລະ ເລິກເຊິ່ງ ເຖິງເສັ້ນ ທາງກ້າວເດີນ ອັນລະອິດລະອ້ຽວຂອງການປະຕິວັດ, ມູນເຊື້ອຕໍ່ສູ້ມີໄຊ ແລະ ການນຳພາອັນສະ ຫລາດສ່ອງໃສຂອງພັກເຮົາ ​ແລະ ​ເພື່ອຮໍ່າຮຽນເອົາແບບຢ່າງອັນໃສແຈ້ງ ແຫ່ງຄຸນສົມບັດສິນທຳປະຕິ ວັດອັນສູງສົ່ງຂອງບັນດາທ່ານຜູ້ນຳ ພັກ-ລັດ ແນໃສ່ຍົກສູງຄວາມເຊື່ອໝັ້ນ, ຄວາມຕັດສິນໃຈປົກປັກຮັກສາ ໝາກຜົນຂອງການປະຕິວັດ, ສ້າງສາພັດທະນາປະເທດຊາດ ກ້າວສູ້ຈຸດໝາຍສັງຄົມນິຍົມ.

ກິດຈະກໍາ ໃນການສະເສີມສະຫລອງໃຫຍ່ດັ່ງກ່າວ ປະກອບມີ 12 ກິດຈະກຳຫລັກ ຄື: ພິທີໂຮມຊຸມນຸມໃຫຍ່, ງານວາງສະແດງຮູບພາບ, ການປາຖະກະຖາເລົ່າມູນເຊື້ອເມືອງວຽງໄຊຕິດພັນກັບມູນເຊື້ອການປະຕິວັດລາວ, ການປະກວດບົດປະດິດຄິດແຕ່ງຕ່າງໆ ກ່ຽວກັບເມືອງວຽງໄຊ, ການໂຄສະນາເມືອງວຽງໄຊຜ່ານສື່ຕ່າງໆ, ຂະບວນຄາລະວານ, ການປຸກລະດົມບັນດາການຈັດຕັ້ງພັກ-ລັດ ແລະ ອົງການຈັດຕັ້ງມະຫາຊົນ ຕະຫລອດຮອດບຸກຄົນສ້າງຂະບວນການປັບປຸງບູລະນະສະຖານທີ່ ​ແລະ ຖໍ້າທີ່ເປັນສຳນັກງານຂອງຕົນໃນອະດີດຢູ່ເມືອງວຽງໄຊ, ກອງປະຊຸມສຳມະນາວິທະ ຍາສາດ, ການຮຽບຮຽງປະຫວັດສາດເມືອງວຽງໄຊ, ການປັບປຸງພິພິດຕະພັນມູນເຊື້ອເມືອງວຽງໄຊ ຕິດພັນກັບພິພິທະພັນໄກສອນ ພົມວິຫານ, ເປີດຂະບວນການຮັກຊາດ ແລະ ພັດທະນາ ຢູ່ເມືອງວຽງໄຊ, ການຊຸກຍູ້ບັນດາໂຄງການພັດທະນາຢູ່ແຂວງຫົວພັນ ທີ່ລັດຖະບານ ໄດ້ຕົກລົງໃຫ້ດຳເນີນ​ໄປຕາມແຜນການ ​ແລະ ໃຫ້ສຳເລັດຜົນ. ນອກນັ້ນ, ຍັງມີກິດຈະກໍາປິ່ນອ້ອມ ເຊັ່ນ: ງານບຸນຊົນເຜົ່າ, ງານຕະ ຫລາດນັດ, ການແຂ່ງຂັນກິລາ ແລະ ອື່ນໆ. ມາຮອດປັດຈຸບັນ, ການກະກຽມວຽກງານຕ່າງໆແມ່ນມີຄວາມພ້ອມໂດຍພື້ນຖານ.

- Wave100S AD to Website 2020 0 - ການສະເຫລີມສະຫລອງ ວັນສ້າງຕັ້ງເມືອງວຽງໄຊ ຄົບຮອບ 50 ປີ ຈະ​ຈັດ​ຂຶ້ນ​ໃນ​ທ້າ​ຍ​ເດືອນ​ພະຈິກ​ນີ້

​ໃນໂອກາດນີ້, ທ່ານ ພັນຄຳ ວິພາວັນ ໃນນາມຕາງໜ້າຄະນະຮັບຜິດຊອບການສະເຫລີມສະ ຫລອງ ຈຶ່ງ​ຂໍແຈ້ງຂ່າວມາຍັງທຸກພາກສ່ວນເພື່ອຊາບ ແລະ ຈົ່ງພ້ອມກັນປະກອບສ່ວນເຂົ້າຮ່ວມຕາມການມອບໝາຍ ເພື່ອເຮັດໃຫ້ງານສະເຫລີມສະຫລອງໃນຄັ້ງນີ້, ບັນລຸຕາມຈຸດປະສົງລະດັບຄາດໝາຍທີ່ວາງໄວ້ຢ່າງຈົບງາມ.

- WhatsApp Image 2020 05 27 at 5 - ການສະເຫລີມສະຫລອງ ວັນສ້າງຕັ້ງເມືອງວຽງໄຊ ຄົບຮອບ 50 ປີ ຈະ​ຈັດ​ຂຶ້ນ​ໃນ​ທ້າ​ຍ​ເດືອນ​ພະຈິກ​ນີ້
- WhatsApp Image 2020 05 27 at 5 - ການສະເຫລີມສະຫລອງ ວັນສ້າງຕັ້ງເມືອງວຽງໄຊ ຄົບຮອບ 50 ປີ ຈະ​ຈັດ​ຂຶ້ນ​ໃນ​ທ້າ​ຍ​ເດືອນ​ພະຈິກ​ນີ້
error: Alert: ເນື້ອຫາຂ່າວມີລິຂະສິດ !!