ຫລາກຫລາຍວິທີໃນການກຳຈັດເຊື້ອລາໃນເຄື່ອງນຸ່ງ

- 011710 2018 -  ຫລາກຫລາຍວິທີໃນການກຳຈັດເຊື້ອລາໃນເຄື່ອງນຸ່ງ
- Untitled design -  ຫລາກຫລາຍວິທີໃນການກຳຈັດເຊື້ອລາໃນເຄື່ອງນຸ່ງ
  1. ນຳ້ສົ້ມສາຍຊູ : ນອກຈາກຈະກຳຈັດເຊື້ອລາໄດ້ແລ້ວ ຍັງຊັກກິ່ນເໝັນອັບອອກໄດ້ນຳ ເຊິ່ງຂັ້ນຕອນນັ້ນກໍເລີ່ມຈາກປະສົມນຳ້ສົ້ມສາຍຊູ ປະມານ 1 – 2 ຖ້ວຍນ້ອຍ ເຂົ້າກັບນຳ້ຢາຊັກຜ້າ ຫລື ສະບູຝຸ່ນ ແລ້ວໃຊ້ຊັກເຄື່ອງທີ່ມີເຊື້ອລານັ້ນ, ແຕ່ຫາກຄາບເຊື້ອລາດຳໆຍັງບໍ່ຫາຍໄປ ແນະນຳໃຫ້ແຊ່ເຄື່ອງປະໄວ້ໃນນຳ້ສົ້ມສາຍຊູກ່ອນ ຢ່າງໜ້ອຍ 1 ຊົ່ວໂມງຈຶ່ງເອົາໄປຊັກ.
  2. ເກືອ : ວິທີນີ້ແນະນຳໃຫ້ໃຊ້ຄູ່ກັບນຳ້ໝາກນາວຈະໄດ້ຜົນດີຍິ່ງຂຶ້ນ ໂດຍປະສົມເກືອກັບນຳ້ໝາກນາວແລ້ວເອົາໄປທາໃສ່ບໍລິເວນທີ່ມີເຊື້ອລາດຳໆຢູ່ເຄື່ອງນຸ່ງໃຫ້ທົ່ວ ປະໄວ້ຢ່າງໜ້ອຍ 15 – 20 ນາທີ ຈຶ່ງຍ່ອງຄ່ອຍໆ ແລ້ວເອົາໄປຊັກເພື່ອໃຫ້ຄາບອອກງ່າຍຂຶ້ນ.
  3. ນຳ້ຢາຟອກຂາວ : ນອກຈາກຈະເຮັດໃຫ້ເຄື່ອງນຸ່ງຂາວສະອາດສົດໃສແລ້ວ ນຳ້ຢາຟອກຂາວຍັງຊ່ວຍກຳຈັດຮອຍເປື້ອນເທິງເຄື່ອງນຸ່ງໄດ້ນຳ ໂດຍໃຊ້ນຳ້ຢາຟອກຂາວປະສົມກັບສະບູຝຸ່ນ ຫລື ນຳ້ຢາຊັກຜ້າ, ແຕ່ສຳລັບເຄື່ອງນຸ່ງທີ່ມີເຊື້ອລາຫລາຍ ແນະນຳໃຫ້ແຊ່ໃນນຳ້ຢາຟອກຂາວປະສົມນຳ້ທຳມະດາກ່ອນ ໃນອັດຕາສ່ວນນຳ້ຢາຟອກຂາວເຄິ່ງຖ້ວຍນ້ອຍຕໍ່ນຳ້ 1 ລິດ ແລ້ວຈຶ່ງເອົາເຄື່ອງໄປຊັກ.
  4. ນົມສົ້ມ : ເນື່ອງຈາກນົມສົ້ມມີຄວາມເປັນກົດທີ່ສາມາດຊ່ວຍກຳຈັດເຊື້ອລາເທິງເຄື່ອງນຸ່ງໄດ້ ເຊິ່ງວິທີການກໍບໍ່ຍາກ ພຽງແຕ່ເອົານົມສົ້ມມາຖູໃສ່ບໍລິເວນທີ່ມີເຊື້ອລາແລ້ວປະໄວ້ 1 ຄືນ ຫລື ເອົາໄປຕາກແດດຈົນເຄື່ອງນຸ່ງນັ້ນແຫ້ງດີ ຈາກນັ້ນຈຶ່ງເອົາມາຊັກ ເຊື້ອລາກໍຈະຫລຸດອອກງ່າຍໆ.
  5. ນຳ້ຮ້ອນ : ນຳ້ຮ້ອນເປັນອີກໜຶ່ງວິທີຊ່ວຍກຳຈັດເຊື້ອລາຢູ່ເຄື່ອງນຸ່ງໄດ້ ພຽງແຕ່ເອົາເຄື່ອງນຸ່ງທີ່ມີເຊື້ອລາໄປຊັກໃນນຳ້ຮ້ອນ ແຊ່ນຳ້ຮ້ອນໄວ້ ແລ້ວຈຶ່ງເອົາໄປຕາກ, ແຕ່ມີຂໍ້ງົດເວັ້ນວ່າບໍ່ຄວນຊັກຮ່ວມກັບເຄື່ອງນຸ່ງໂຕອື່ນເດັດຂາດ ເພາະຈະເຮັດໃຫ້ເຊື້ອລາຍິ່ງແຜ່ລາມໄປສູ່ເຄື່ອງນຸ່ງໂຕອື່ນ.
  6. ນຳ້ໝາກນາວ : ນຳ້ໝາກນາວມີລິດເປັນກົດຄືກັບນົມສົ້ມ ວິທີການຊັກກໍຄ້າຍຄືກັນ ໂດຍເທນຳ້ໝາກນາວໃສ່ບໍລິເວນທີ່ມີເຊື້ອລາ ປະໄວ້ປະມານ 5 ນາທີ ແລ້ວຈຶ່ງເອົາໄປຕາກແດດໃຫ້ແຫ້ງກ່ອນ ຈຶ່ງເອົາມາຊັກດ້ວຍສະບູຝຸ່ນອີກເທື່ອໜຶ່ງ.
  7. ເບກກິ້ງໂຊດາ : ຫາກເວົ້າເຖິງການເຮັດຄວາມສະອາດຈະຂາດເບກກິ້ງໂຊດາໄປບໍ່ໄດ້ ໂດຍກ່ອນຈະລົງມືຊັກ ຢ່າລືມແຍກຜ້າສີຂາວອອກຈາກຜ້າສີອື່ນໆກ່ອນ ຈາກນັ້ນກໍເອົາສະບູຝຸ່ນພ້ອມກັບເບກກິ້ງໂຊດາ ໃຊ້ປະມານເຄິ່ງບ່ວງແກງໃສ່ໃນຈັກຊັກຜ້າ ແລ້ວຊັກດ້ວຍນຳ້ຮ້ອນ ເທົ່ານີ້ເຊື້ອລາກໍຈະຫາຍໄປຈາກເຄື່ອງນຸ່ງແລ້ວ.
- WhatsApp Image 2020 05 27 at 5 -  ຫລາກຫລາຍວິທີໃນການກຳຈັດເຊື້ອລາໃນເຄື່ອງນຸ່ງ
- WhatsApp Image 2020 05 27 at 5 -  ຫລາກຫລາຍວິທີໃນການກຳຈັດເຊື້ອລາໃນເຄື່ອງນຸ່ງ
- Wave100S AD to Website 2020 0 -  ຫລາກຫລາຍວິທີໃນການກຳຈັດເຊື້ອລາໃນເຄື່ອງນຸ່ງ
error: Alert: ເນື້ອຫາຂ່າວມີລິຂະສິດ !!