ເວເນຊູເອລາ: ວິກິດເສດຖະກິດ ເຮັດໃຫ້ປະຊາຊົນຕ້ອງຊື້ຊີ້ນເໜົ່າກິນ

- advert banner 728 90 728x90 - ເວເນຊູເອລາ: ວິກິດເສດຖະກິດ ເຮັດໃຫ້ປະຊາຊົນຕ້ອງຊື້ຊີ້ນເໜົ່າກິນ

ສະພາບ​ເສດຖະກິດລົ້ມສະຫລາຍ​ໃນ​ເວ​ເນ​ຊູ​ເອລາ​ເຮັດ​ໃຫ້​ປະຊາຊົນ​ນັບ​ລ້ານ​ຕ້ອງ​ອົບ​ພະຍົບໜີ​ຄວາມທຸກ​ຍາກ​ອອກ​ນອກ​ປະ​ເທດ, ສ່ວນ​ຄົນ​ທີ່​ເຫລືອ​ຢູ່​ຕ້ອງ​ໃຊ້​ຊີວິດ​ຢ່າງ​ຍາກ​ລຳບາກ ຈາກ​ບັນຫາ​ຂາດ​ເຂີນ​ອາຫານ ​ແລະ ລະບົບ​ສາທາລະ​ນຸປະ​ໂພ​ກທີ່​ລົ້ມ​ເຫ​ລວ ​ເຮັດ​ໃຫ້​ປັດຈຸບັນ ປະຊາຊົນ​ຈຳນວນ​ບໍ່​ໜ້ອຍ​ຈຳ​ໃຈ​ຕ້ອງ​ຊື້ຊີ້ນ​ເໜົ່າ​ກິນ​ເປັນ​ອາຫານ.

- new3 - ເວເນຊູເອລາ: ວິກິດເສດຖະກິດ ເຮັດໃຫ້ປະຊາຊົນຕ້ອງຊື້ຊີ້ນເໜົ່າກິນ

- GettyImages 1020816100 700x420 - ເວເນຊູເອລາ: ວິກິດເສດຖະກິດ ເຮັດໃຫ້ປະຊາຊົນຕ້ອງຊື້ຊີ້ນເໜົ່າກິນ

ຈາກ​ການ​ສຳ​ຫລວດ​ຂອງ​ທີ​ມນັກ​ຂ່າວ BBC ​ໄດ້​ພົບ​ກັບ​ຮ້ານ​ຂາຍ​ຊີ້ນ​ທີ່​ຂາຍ​ຊີ້ນ​ງົວ​ເໜົ່າ​ໃຫ້ຜູ້​ມີ​ລາຍ​ໄດ້​ຕໍ່າ ​ໂດຍ​ຊີ້ນ​ເຫລົ່າ​ນີ້ ມີ​ລາຄາ​ພຽງ 1% ຂອງ​ເງິນ​ເດືອນ​ຂັ້ນຕໍ່າ​ຂອງ​ຊາວ​ເວ​ເນ​ຊູ​ເອລາ ​ເຊິ່ງຖືກ​ຫລາຍ​ເມື່ອ​ທຽບ​ໃສ່​ຊີ້ນ​ງົວ​ 1 ກິ​ໂລ ທີ່​ມີ​ລາຄາ 1 ​ໃນ 3 ຂອງ​ເງິນ​ເດືອນ​ຂັ້ນຕໍ່າ​ຂອງ​ຄົນ​ເວ​ເນ​ຊູ​ເອລາ.

ນັກ​ຂ່າວ BBC ລະບຸ​ວ່າ: ​ເຖິງ​ວ່າ​ເມືອງ​ມາຣາ​ໄຄ​ໂບຈະ​ເປັນ​ສູນ​ກາງ​ການ​ຜະລິດ​ນ້ຳມັນ​ຂອງ​ປະ​ເທດ, ​ແຕ່​ພື້ນທີ່​ເຂດ​ນີ້​ພັດ​ປະສົບ​ບັນຫາ​ບໍ່​ມີ​ກະ​ແສ​ໄຟຟ້າ​ໃຊ້​ເປັນ​ປະຈຳ​ຈາກ​ລະບົບ​ສາທາລະ​ນຸປະ​ໂພ​ກທີ່​ລົ້ມ​ເຫ​ລວ. ພໍ່ຄ້າ​ໃນ​ຕະຫລາດ​ເລົ່າ​ໃຫ້​ຟັງ​ວ່າ: ບ່ອນ​ນີ້​ໄຟ​ມອດມື້ລະ 10 ​ເທື່ອ ບາງ​ເທື່ອ​ມອດ​ຕິດ​ຕໍ່​ກັນ​ເຖິງ 4 ຊົ່ວ​ໂມງ ​ເຮັດ​ໃຫ້​ຊີ້ນ​ສັດ​ທີ່​ຂາຍ​ເໜົ່າ.

​ເວ​ເນ​ຊູ​ເອລາ ​ເປັນ​ປະ​ເທດ​ທີ່​ມີ​ປະລິມານ​ນ້ຳມັນ​ດິບ​ສຳຮອງ​ຫລາຍ​ທີ່​ສຸດ​ໃນ​ໂລກ, ​ນັບ​ແຕ່​ປີ 2014 ປະ​ເທດ​ທີ່​ເຄີຍ​ຮັ່ງມີ​ທີ່​ສຸດ​ໃນ​ພາກພື້ນອາ​​ເມ​ລິ​ກາ​ລາ​ຕິນ​ແຫ່ງ​ນີ້​ພັດ​ຕ້ອງ​ຜະ​ເຊີນ​ວິ​ກິດ​ເສດຖະກິດ ​ແລະ ບັນຫາ​ເງິນ​ເຟີ້​ຮຸນ​ແຮງ​ຈົນ​ຄວບ​ຄຸມ​ບໍ່​ຢູ່.

ສະພາບ​ເສດຖະກິດ​ຫລຸດ​ຖອຍ​ຢ່າງ​ຮຸນ​ແຮງ​ຂອງ​ເວ​ເນ​ຊູ​ເອລາ​ ​ເນື່ອງ​ມາ​ຈາກ​ລາຄາ​ນ້ຳມັນ​ດິບ​ໃນ​ຕະຫລາດ​ໂລກ​ຕົກ​ຕໍ່າ, ຂະນະ​ທີ່​ບັນດາ​ນັກ​ການ​ເມືອງຝ່າຍ​ຄ້ານ​ລະບຸ​ວ່າ: ວິ​ກິດ​​ເສດຖະກິດ​ທີ່​ກຳລັງ​ຜະ​ເຊີນ ມາ​ຈາກ​ການ​ບໍລິຫານ​ງານ​ທີ່​ຜິດພາດ​ຂອງ​ລັດຖະບານ​ພັກ​ສັງຄົມ​ນິຍົມ.

- lattana 1 - ເວເນຊູເອລາ: ວິກິດເສດຖະກິດ ເຮັດໃຫ້ປະຊາຊົນຕ້ອງຊື້ຊີ້ນເໜົ່າກິນ

- 2EBAAA04F595438FA0A992A80F854883 - ເວເນຊູເອລາ: ວິກິດເສດຖະກິດ ເຮັດໃຫ້ປະຊາຊົນຕ້ອງຊື້ຊີ້ນເໜົ່າກິນ

​  ​ເຖິງ​ຢ່າງ​ໃດ​ກໍ​ຕາມ, ຜ່ານ​ມາ​ປະທານາທິບໍດີ ​ນິ​ໂກ​ລັສ ມາ​ດູ​ໂຣ ພະຍາຍາມ​ກ່າວ​ໂທດ​ວ່າ​: ບັນຫາ​ທີ່​ເກີດ​ຂຶ້ນ​ເປັນ​ຝີ​ມື​ຂອງ​ສັດຕູ​ການ​ເມືອງ​ຂອງ​ທ່ານ ​ແລະ ການ​ທີ່​ບັນດາ​ປະ​ເທດ​ເຮັດ “ສົງຄາມ​​ເສດຖະກິດ” ຂວ້ຳບາດ​ເວ​ເນ​ຊູ​ເອລາ ສົ່ງ​ຜົນ​ໃຫ້​ປະ​ເທດ​ຕ້ອງ​ປະສົບ​ບັນຫາ​ຂາດ​ເຂີນ​ສິນຄ້າ​ອຸປະ​ໂພ​ກ-ບໍລິ​ໂພ​ກຂັ້ນພື້ນຖານ​ທີ່​ຈຳ​ເປັນ ນັບ​ແຕ່​ອາຫານ​ຈົນ​ເຖິງ​ຢາ​ ​ແລະ ​ເຄື່ອງ​ໃຊ້​ທີ່​ຈຳ​ເປັນ​ເຊັ່ນ: ສະບູ, ຢາສະຜົມ ​ແລະ ຢາ​ຖູ​ແຂ້ວ ​ເປັນຕົ້ນ.

ຂໍ້​ມູນ​ຈາກ​ສຳນັກງານ​ຂ້າ​ຫລວງ​ໃຫຍ່​ຜູ້​ລີ້​ໄພ​ແຫ່ງ​ສະຫະ​ປະຊາ​ຊາດ (UNHCR) ລະບຸ​ວ່າ: ມີ​ຊາວ​ເວ​ເນ​ຊູ​ເອລາ​ອົບ​ພະຍົບອອກ​ຈາກ​ປະ​ເທດ​ແລ້ວ​ປະມານ 2,3 ລ້ານ​ຄົນ ນັບ​ແຕ່​ປີ 2014 ​ເປັນຕົ້ນມາ ຫລື ຄິດ​ເປັນ 7% ຂອງ​ປະຊາກອນ​ທົ່ວ​ປະ​ເທດ ​ເຊິ່ງທ່ານ ວິລລຽມ ສະ​ປິນ​ເລີ ຈາກ UNHCR ກ່າວ​ວ່າ: ສະຖານະ​ການ​ທີ່​ເກີດ​ຂຶ້ນຖື​ເປັນ “ໜຶ່ງ​ໃນ​ການ​​ໂຍກ​ຍ້າຍ​ຖິ່ນ​ຖານ​ຂອງ​ປະຊາກອນ​ຄັ້ງ​ໃຫຍ່​ທີ່​ສຸດ​ໃນ​ປະຫວັດສາດ​ພາກພື້ນອາ​ເມ​ລິ​ກາ​ລາ​ຕິນ”.

error: Content is protected !!