ກວ່າເຄິ່ງຂອງປະຊາກອນໂລກ ດຳລົງຊີວິດດ້ວຍເງິນບໍ່ຮອດມື້ລະ 5,50 ໂດລາ

- 1539752989574 960x0 - ກວ່າເຄິ່ງຂອງປະຊາກອນໂລກ ດຳລົງຊີວິດດ້ວຍເງິນບໍ່ຮອດມື້ລະ 5,50 ໂດລາ
- Untitled design - ກວ່າເຄິ່ງຂອງປະຊາກອນໂລກ ດຳລົງຊີວິດດ້ວຍເງິນບໍ່ຮອດມື້ລະ 5,50 ໂດລາ

ທະນາຄານ​ໂລກມີ​ລາຍ​ງານ​ໃນ​ວັນ​ທີ 17 ຕຸລາ​ວ່າ: ​ເກືອບ​ເຄິ່ງໜຶ່ງ​ຂອງ​ຈຳນວນ​ປະຊາກອນ​ທົ່ວ​ໂລກ​ມີ​ເງິນ​ດຳລົງ​ຊີວິດ​ບໍ່​ຮອດ​ມື້ລະ 5,50 ​ໂດ​ລາ ​ໂດຍ​ມີ​ຄົນ​ທຸກ​ໃນ​ປະ​ເທດ​ເສດຖະກິດ​ຮັ່ງມີ​ຫລາຍ​ຂຶ້ນ ​ເຖິງ​ວ່າ​ຈະ​ມີ​ຄວາມ​ພະຍາຍາມ​ຫລຸດ​ບັນຫາ​ຄວາມທຸກ​ຍາກ​ແລ້ວ​ກໍ​ຕາມ.

ລາຍ​ງານ​ທະນາຄານ​ໂລກ ​ເຊິ່ງຈັດ​ຂຶ້ນປີ​ລະ​ສອງ​ເທື່ອ​ພົບ​ວ່າ: ຕົວ​ເລກ​ຄົນ​ທຸກ​ທົ່ວ​ໂລກ​ຍັງ​ມີ​ຈຳນວນ​ຫລາຍ ​ແລະ ປະຊາກອນ​ບໍ່​ໄດ້​ຮັບປະ​ໂຫຍ​ດຈາກ​ການ​ເຕີບ​ໃຫຍ່​ທາງ​ເສດຖະກິດ​ຢ່າງ​ເທົ່າ​ທຽມ​ກັນ​ໃນ​ຫລາຍ​ປະ​ເທດ. ​ເຖິງ​ຢ່າງ​ໃດ​ກໍ​ຕາມ, ​ເຖິງ​ວ່າການ​ຂະຫຍາຍຕົວ​ທາງ​ເສດຖະກິດ​ໂລກ​ຈະ​ຂະຫຍາຍ​ຕົວ​ຊ້າ​ໄລຍະ 2-3 ປີຜ່ານມາ ​ແຕ່​ໂດຍ​ລວມພົບ​ວ່າ​ຜູ້​ຄົນ​ທີ່​ມີ​ຖານະ​ທຸກ​ຍາກ​ຫລຸດ​ລົງ​ກວ່າ 68 ລ້ານ​ຄົນ ລະຫວ່າງ​ປີ 2013-2015 ​ເຊິ່ງມີ​ຈຳນວນ​ທຽບ​ເທົ່າ​ກັບ​ປະຊາກອນ​ໃນ​ປະ​ເທດ​ສະຫະຣາຊະ​ອານາຈັກ. ທະນາຄານ​ໂລກ​ມີ​ລາຍ​ງານ​ໃນ​ເດືອນ​ຜ່ານ​ມາ​ວ່າ: ຄວາມທຸກ​ຍາກ​ຫລຸດ​ລົງ​ມາ​ຢູ່ 10% ​ໃນ​ປີ 2015 ​ໂດຍ​ຈີນ​ດີ​ຂຶ້ນ, ສ່ວນ​ຢູ່​ອາຊີ​ຕາ​ເວັນ​ອອກ ​ແລະ ປາຊີ​ຟິກຫລຸດ​ລົງ 60 ຈຸດ​ໃນ​ອັດຕາ​ຄວາມທຸກ​ຍາກ​ມາ​ຢູ່ 35%, ​ແຕ່​ພາກພື້ນຍັງ​ປະສົບ​ບັນຫາ​ໃນ​ການ​ຊຸກຍູ້​ການ​ເຕີບ​ໃຫຍ່​ຕາມ​ເປົ້າໝາຍ. ຂະນະ​ທີ່​ປະຊາກອນ 84,5% ​ໃນ​ພື້ນທີ່​ຕອນ​ໃຕ້​ຂອງ​ຊາ​ຮາຣາ​ໃນ​ອາ​ຟຣິກາ ຍັງ​ມີ​ເງິນ​ດຳລົງ​ຊີວິດ​ບໍ່​ຮອດ​ມື້ລະ 5,50 ​ໂດ​ລາ ​ແລະ ​ເນັ້ນວ່າ: ຄົນ​ທຸກ​ບໍ່​ໄດ້​ຮັບ​ການ​ກະຈາຍ​ຜົນ​ປະ​ໂຫຍ​ດຢ່າງ​ເທົ່າ​ທຽມ​ຈາກ​ການ​ເຕີບ​ໃຫຍ່​ທາງ​ເສດຖະກິດ.

- Wave100S AD to Website 2020 0 - ກວ່າເຄິ່ງຂອງປະຊາກອນໂລກ ດຳລົງຊີວິດດ້ວຍເງິນບໍ່ຮອດມື້ລະ 5,50 ໂດລາ
- WhatsApp Image 2020 05 27 at 5 - ກວ່າເຄິ່ງຂອງປະຊາກອນໂລກ ດຳລົງຊີວິດດ້ວຍເງິນບໍ່ຮອດມື້ລະ 5,50 ໂດລາ
- WhatsApp Image 2020 05 27 at 5 - ກວ່າເຄິ່ງຂອງປະຊາກອນໂລກ ດຳລົງຊີວິດດ້ວຍເງິນບໍ່ຮອດມື້ລະ 5,50 ໂດລາ
error: Alert: ເນື້ອຫາຂ່າວມີລິຂະສິດ !!