ເປີດເງື່ອນໄຂພິເສດ ເຊລຊີ ດຶງ ອາເກ້ ກັບຮັງ

- news201810171412883 - ເປີດເງື່ອນໄຂພິເສດ ເຊລຊີ ດຶງ ອາເກ້ ກັບຮັງ
- Untitled design - ເປີດເງື່ອນໄຂພິເສດ ເຊລຊີ ດຶງ ອາເກ້ ກັບຮັງ

​      ​​ແມນ​ເຊັສ​ເຕີ ຢູ​ໄນ​ເຕັດ ​ແລະ ທ໊ອດ​ແນມ ຮ໊ອດສະ​ເປີ 2 ສະ​ໂມ​ສອນ​ແຫ່ງ ພຣີ​ເມຍ​ລີກ ຕົກ​ເປັນ​ຂ່າວ​ວ່າ​ຕ່າງ​ສົນ​ໃຈ​ຈະ​ຄວ້າ ນາ​ທານ ອາ​ເກ້ ປາ​ກາ​ຫລັງ​ຄົນ​ເກັ່ງ​ຂອງ ບອນ​ມັດ ​ແຕ່​ອາດ​ຕ້ອງ​ຜິດ​ຫວັງ ​ເນື່ອງ​ຈາກ ​ເຊ​ລຊີ ມີ​ເງື່ອນ​ໄຂ​ສາມາດ​ດຶງນັກ​ເຕະ​ກັບ​ຮັງ​ໄດ້​ເຊັ່ນ​ກັນ.

​ໂຊ​ເຊ ມູຣິນ​ໂຢ ຜູ້​ຈັດການ​ທີ​ມ ​ແມນ​ເຊັສ​ເຕີ ຢູ​ໄນ​ເຕັດ ​ຢາກ​ໄດ້​ເຊັນ​ເຕີ​ຮາບ​ຄົນ​ໃໝ່ ຫລັງ​ຈາກຜິດ​ຫວັງ​ໃນ​ຊຳ​ເມີ້ຜ່ານ​ມາ. ຂະນະ​ທີ່ ສະ​ເປີ ກໍ​ເຝົ້າຕິດຕາມ​ຟອມຂອງ ອາ​ເກ້ ຢ່າງ​ໃກ້ຊິດ. ​ເຖິງ​ຢ່າງ​ໃດ​ກໍ​ຕາມ ມີ​ຂ່າວ​ວ່າ: ບອນ​ມັດ ທີ່​ຄວ້າ​ຕົວ​ນັກ​ເຕະ​ໄວ 23 ປີ​ຮ່ວມ​ທັບ​ຖາວອນ​ໃນ​ລາຄາ 20 ລ້ານ​ປອນ ຈະ​ຕ້​ອງພົບ​ກັບ ​ເຊ​ລຊີ ກ່ອນ​ຖ້າ​ມີ​ຂໍ້​ສະ​ເໜີ​ໃດໆ​ເຂົ້າມາ ​ເນື່ອງ​ຈາກ ​ເຊ​ລຊີ ມີ​ເງື່ອນ​ໄຂ​ຊື້ຕົວ​ກັບ​ໃນ​ລາຄາ 40 ລ້ານ​ປອນ.

​ແມນ​ເຊັສ​ເຕີ ຢູ​ໄນ​ເຕັດ ​ແລະ ສະ​ເປີ ອາດ​ຈະ​ເຝົ້າຕິດຕາມ​ສະຖານະ​ການ​ຂອງ ອາ​ເກ້ ​ໄປ​ຈົນ​ຈົບ​ລະດູ​ການນີ້ ​ແຕ່​ຈະ​ຄວ້າ​ດາວ​ເຕະ​ທີ​ມຊາດ​ຮອນ​ແລນ​ນັ້ນ ພວກ​ເຂົາ​ຈຳ​ເປັນ​ຕ້ອງ​ລໍຖ້າ​ຈົນ​ກວ່າ ​ເຊ​ລຊີ ຈະ​ປະກາດ​ຄວາມ​ຕັ້ງ​ໃຈ​ຂອງ​ພວກ​ເຂົາ​ອອກ​ມາ.

- Wave100S AD to Website 2020 0 - ເປີດເງື່ອນໄຂພິເສດ ເຊລຊີ ດຶງ ອາເກ້ ກັບຮັງ

ນອກຈາກ​ນີ້ ​ເຖິງ​ວ່າ ​ເມົາຣິຊິ​ໂອ ຊາຣີ ຜູ້​ຈັດການ​ທີ​ມ ​ເຊ​ລຊີ ບໍ່​ສົນ​ໃຈ​ຈະ​ດຶງ ອາ​ເກ້ ກັບ​ສະ​ແຕມ​ຟອດຣິດ ​ແຕ່​ຖ້າ​ມີ​ຂໍ້​ສະ​ເໜີ​ຈາກ ​ແມນ​ເຊັສ​ເຕີ ຢູ​ໄນ​ເຕັດ ຫລື ສະ​ເປີ ທາງ ບອນ​ມັດ ກໍ​ຕ້ອງ​ເປີດ​ໂອກາດ​ໃຫ້ ​ເຊ​ລຊີ ​ໄດ້​ມີ​ໂອກາດ​ຄວ້າ​ນັກ​ເຕະ​ກ່ອນ ​ແລະ ນັ້ນອາດ​ເຮັດ​ໃຫ້​ທັງ 2 ສະ​ໂມ​ສອນ​ຕ້ອງ​ພົບ​ອຸປະສັກ.

- WhatsApp Image 2020 05 27 at 5 - ເປີດເງື່ອນໄຂພິເສດ ເຊລຊີ ດຶງ ອາເກ້ ກັບຮັງ
- WhatsApp Image 2020 05 27 at 5 - ເປີດເງື່ອນໄຂພິເສດ ເຊລຊີ ດຶງ ອາເກ້ ກັບຮັງ
error: Alert: ເນື້ອຫາຂ່າວມີລິຂະສິດ !!