ບຸນຊ່ວງ​ເຮືອ​ວັດ​ຈັນ 2018 ຈະ​ປິດ​ 2 ​ເສັ້ນທາງ ​ເພື່ອ​​ຄວາມ​ສະດວກຜູ້​ມາ​ທຽ່ວຊົມ

- advert banner 728 90 728x90 - ບຸນຊ່ວງ​ເຮືອ​ວັດ​ຈັນ 2018 ຈະ​ປິດ​ 2 ​ເສັ້ນທາງ ​ເພື່ອ​​ຄວາມ​ສະດວກຜູ້​ມາ​ທຽ່ວຊົມ

​ເພື່ອ​ເຮັດ​ໃຫ້ການ​ຈັດ​ງານ​ບຸນ​ອອກ​ພັນ​ສາ​ປະ​ວໍ​ລະນາ ​ແລະ ບຸນຊ່ວງ​ເຮືອ ປະຈຳ​ປີ 2018 ທີ່​ທ່າ​ວັດ​ຈັນ ​ເມືອງ ຈັນທະ​ບູລີ ນະຄອນຫລວງ​ວຽງຈັນ ດຳ​ເນີນ​ໄປ​ໃນ​ບັນຍາກາດ​​ເບີກບານ​ມ່ວນ​ຊື່ນ, ຮັບປະກັນຄວາມ​ສະຫງົບປອດ​ໄພ ພະ​ແນ​ກ​ໂຍທາ​ທິການ ​ແລະ ຂົນ​ສົ່ງ ນະຄອນຫລວງ​ວຽງຈັນ ​ໄດ້​ອອກ​ແຈ້ງ​ການ ​ປິດ​ເສັ້ນທາງ​ສອງ​ເສັ້ນ ​ໃນ​ລະຫວ່າງວັນ​ທີ 22 ຫາ 27 ຕຸລາ ​ຄື: ​ເສັ້ນທາງແຄມ​ຂອງ, ​ແຕ່​ສາມ​ແຍກ​ປາກ​ປາ​ສັກ ຫາ ອານຸສາ​ວະລີ ​ເຈົ້າ​ອານຸວົງ ​ແລະ ຖະໜົນ​ເຈົ້າຟ້າ​ງຸ່ມ(​ແຕ່​ສາມ​ແຍກ​ປາກ​ປາ​ສັກ ຫາ ຫໍພະ​ແກ້ວ). ທັງ​ນີ້ ກໍ​ເພື່ອ​ແກ້​ໄຂ​ບັນຫາ​ແອ​ອັດ ​ແລະ ຄວາມ​ບໍ່ເປັນ​ລະບຽບຮຽບຮ້ອຍ.

ພ້ອມ​ນີ້, ທາງ​ກອງ​ບັນຊາການ ປກສ ນະຄອນຫລວງ​ວຽງຈັນ ຍັງ​​ໄດ້​ມີ​ແຈ້ງ​ການ ​​ເພີ່ມ​ທະວີຮັກສາ​ຄວາມ​ສະຫງົບ ​ໃນ​ງານ​ບຸນຊ່ວງ​ເຮືອ ດັ່ງກ່າວໂດຍ​ກຳນົດ​ເສັ້ນທາງ​ສັນຈອນ ​ແລະ ບ່ອນ​ຈອດ​ລົດ​ປະ​ເພດ​ຕ່າງໆຄື: ບັນດາ​ລົດ​ຂົນ​ສົ່ງ​ໂດຍສານ​ທີ່​ມາ​ຈາກ​ທິດ​ທາງ​ຕ່າງໆ​ໃຫ້​ປະຕິບັດ​ດັ່ງນີ້: ມາ​ຈາກ​ທິດ​ເຫນືອ, ມີ​ຈຸດປະສົງ​ມາ​ທ່ຽວບຸນຊ່ວງ​ເຮືອ ​ແມ່ນ​ອະນຸຍາດ​ໃຫ້​ເຂົ້າ​ຈອດ​ສະຖານ​ທີ່​ຈອດ​ລົດ ທີ່​ອະນຸ​ກຳມະການ​ອະນຸຍາດ ຫລື ຈອດ​ຕາມ​ແຄມ​ຖະໜົນສຸພາ​ນຸວົງ ​ແລະ​ທາງ​ຮ່ອມ​ອື່ນໆ ທີ່​ເຫັນ​ວ່າ​ມີ​ຄວາມ​ປອດ​ໄພ ​ແລະ ບໍ່​ເປັນ​ການ​ກີດຂວາງ​ການ​ສັນຈອນ​ຍານພາຫະນະ​ອື່ນ, ມາ​ຈາກ​ທິດ​ໃຕ້ ອະນຸຍາດ​ໃຫ້​ຈອດ​ຢູ່​ສະຖານ​ຈອດ​ລົດ​ຂອງ​ພະ​ແນ​ກ​ໂຍທາ​ທິການ ​ແລະ ທາງ​ຮ່ອມ​ໂຮງຮຽນ ມປາຍ ​ເພຍ​ວັດ ຫລື ຈອດ​ຕາມ​ແຄມ​ທາງ​ຮ່ອມ​ອື່ນໆ ທີ່​ເຫັນ​ວ່າ​ມີ​ຄວາມ​ປອດ​ໄພ, ມາ​ຈາກ​ຖະໜົນ 13 ​ໃຕ້ ອະນຸຍາດ​ໃຫ້​ຈອດຕາມ​ສະຖານ​ທີ່​ຈອດ​ລົດໜ້າສະໜາມກິລາ​ເຈົ້າ​ອານຸວົງ, ຫໍ​ວັດທະນະທຳ ​ແລະ ຕາມ​ແຄມ​ທາງ​ຮ່ອມ​ອື່ນໆ ທີ່​ເຫັນ​ວ່າ​ມີ​ຄວາມ​ປອດ​ໄພ ​ແລະ ບໍ່​ເປັນ​ການ​ກີດຂວາງ​ການ​ສັນຈອນ, ບັນດາ​ລົດ​ເກງ, ລົດ​ກະບະ, ​ຕຸກໆ-ຈຳ​ໂບ້ ​ໃຫ້​ຈອດ​ຕາ​ມບ່ອນ​ຈອດລົດ ທີ່​ອະນຸ​ກຳມະການຈັດ​ງານ​ກຳນົດ​ໄວ້ ​ແລະ ຫ້າມ​ພາຫະນະ​ທຸກ​ປະ​ເພດ​ນຳ​ໃຊ້​ຖະໜົນ​ເຈົ້ຟ້າ​ງຸ່ມ ​​ແຕ່​ສາມ​ແຍກ​ຄລີນິກສາກົນ ​ເຖິງ ສາມ​ແຍກ ປາກ​ປາ​ສັກ, ສະ​ເພາະ​ພາຫະນະ​ຂົນ​ສົ່ງ​ສິນຄ້າ​ປະ​ເພດ​ຕ່າງໆທີ່​​ມີ​ຈຸດປະສົງ​ຈະ​ນຳ​ເອົາ​ສິນຄ້າ​ເຂົ້າ​ໄປ​ຂາຍ​ໃນ​ງານ​ບຸນ ອະນຸຍາດ​ໃຫ້​ນຳ​ສົ່ງ​ເຄື່ອງ​ແຕ່​ເວລາ 5-9 ​ໂມງ​ຕອນ​ເຊົ້າ. ພ້ອມ​ກັນ​ນັ້ນ ທຸກ​ຊັ້ນ​ຄົນ​ຕ້ອງ​ໄດ້​ເອົາ​ໃຈ​ໃສ່​ເວນຍາມ ​ເພື່ອ​ຮັບປະກັນ ບໍ່​​ໃຫ້ເກີດ​ອັກຄີ​ໄພ ຫລື ພວກ​ຄົນ​ບໍ່ດີ​ສວຍ​ໂອກາດ​ເຄື່ອນ​ໄຫວ​ກໍ່ອາດຊະຍາ​ກຳ​ຊີງ​ຊັບ, ລັກ​ຊັບ, ​ແຫກ​ກະ​ເປົາ ​ແລະ ອື່ນໆ

- 1 1 - ບຸນຊ່ວງ​ເຮືອ​ວັດ​ຈັນ 2018 ຈະ​ປິດ​ 2 ​ເສັ້ນທາງ ​ເພື່ອ​​ຄວາມ​ສະດວກຜູ້​ມາ​ທຽ່ວຊົມ
- Tiger Head 728x90 - ບຸນຊ່ວງ​ເຮືອ​ວັດ​ຈັນ 2018 ຈະ​ປິດ​ 2 ​ເສັ້ນທາງ ​ເພື່ອ​​ຄວາມ​ສະດວກຜູ້​ມາ​ທຽ່ວຊົມ
error: Content is protected !!