ເຈົ້າໜ້າທີ່ຕ້ານການຄ້າມະນຸດເຜີຍມີແມ່ຍິງລາວຕົກເປັນເຫຍື່ອເພີ່ມຂຶ້ນ

- story036 Trafficking 1 - ເຈົ້າໜ້າທີ່ຕ້ານການຄ້າມະນຸດເຜີຍມີແມ່ຍິງລາວຕົກເປັນເຫຍື່ອເພີ່ມຂຶ້ນ
- Untitled design - ເຈົ້າໜ້າທີ່ຕ້ານການຄ້າມະນຸດເຜີຍມີແມ່ຍິງລາວຕົກເປັນເຫຍື່ອເພີ່ມຂຶ້ນ

ສປປ ລາວ ພວມຫາມາດຕະການປ້ອງກັນບັນຫາການຄ້າມະນຸດໃຫ້ເຂັ້ມງວດກວ່າເກົ່າ,​ ຫລັງຈາກພົບວ່າຕົວເລກແມ່ຍິງລາວທີ່ຕົກເປັນເຫຍື່ອຂອງຂະບວນການດັ່ງກ່າວນັບມື້ເພີ່ມຂຶ້ນ.

ບັນຫາດັ່ງກ່າວໄດ້ມີການລາຍງານຈາກທ່ານຮອງ​​ກົມ​ຕຳຫລວດ​ສະກັດ​ກັ້ນ ​ແລະ ຕ້ານ​ການ​ຄ້າ​ມະນຸດ ວ່າ: ​ປັດຈຸບັນ, ການ​ຄ້າ​ມະນຸດ​ເປັນ​ບັນຫາຫຍໍ້ທໍ້ໜຶ່ງໃນສັງຄົມ, ເກີດຂຶ້ນຈາກຫລາຍຮູບແບບ ແລະ ວິທີ​ການ ​​ເປັນຕົ້ນ: ​ຂົນຂວາຍ​ເອົາ​ແມ່ຍິງ​ລາວ​ໄປ​ແຕ່ງດອງ​ກັບ​ຄົນ​ຕ່າງປະ​ເທດ​​ບໍ່​ຖືກຕ້ອງ​ຕາມ​ລະບຽບກົດໝາຍ, ໂດຍສະເພາະຢູ່ ສປຈີນ, ຕາມການລາຍງານຈາກເຈົ້າໜ້າທີ່ຈີນແມ່ນມີຍິງ​ລາວ​​ຖືກ​ຕົວະ​ຍົວະ​​ເຂົ້າ​ໄປຈີນຫລາຍກວ່າ 3.000 ຄົນ, ນອກນີ້, ມີ​ຍິງ​ລາວໄດ້​ປະສານ ແລະ ແຈ້ງເຂົ້າຫາ​ກົງສຸນ​ລາວ​ປະຈຳ​ຢູ່​ຊຽງ​ຮຸ່ງ​ເພື່ອ​ຂໍ​ຄວາມ​ຊ່ວຍ​ເຫລືອ ​ແລະ ​ໄດ້ຖືກ​ສົ່ງ​ກັບປະເທດແລ້ວກວ່າ 600 ​ຄົນ. ສ່ວນຢູ່ສະຖານ​ກົງສຸນ​ໃຫຍ່​ຂອງ ສປປ ລາວ ​ປະຈຳ​ ສປຈີນ ​ໄດ້​ໃຫ້ການ​ຊ່ວຍ​ເຫລືອຄົນລາວທີ່ຕົກເປັນເຫຍື່ອຄ້າມະນຸດ ແລະ ໄດ້​ສົ່ງ​ກັບ​ຄືນປະເທດແລ້ວ 150 ກວ່າ​ຄົນ, ໂດຍ​ສ່ວນ​ຫລາຍ​ແມ່ນ​ຖືກ​ຕົວະ​ໄປ​ແຕ່​ງດອງ​ກັບ​ຄົນ​ຈີນ, ​ໄປ​ຢ້ຽມຢາມ​ຄອບຄົວ​ຝ່າຍ​ຊາຍ​ກ່ອນ​ການ​ແຕ່ງດອງ, ​ໄປ​ທ່ຽວ, ​ໄປ​ອອກ​ແຮງ​ງານ ແລະ ກໍລະນີ ອື່ນໆ. ນອກ​ນັ້ນ, ຍັງ​ມີ​ແຮງ​ງານ​ລາວ​ໄປ​ອອກ​ແຮງ​ງານ​ຢູ່​ປະ​ເທດ​ໄທ ແລະ ມີ​ຄວາມ​ສ່ຽງ​ຕໍ່​ການ​ຄ້າ​ມະນຸດມີ​ຫລາຍກວ່າ 7.760 ຄົນ (ສ່ວນໃຫຍ່ແມ່ນແມ່ຍິງ)  ພ້ອມນີ້, ບັນດາພຶດຕິ​ກຳ​ທີ່​ມີ​ຄວາມ​ສ່ຽງ​ຕໍ່​ການ​ຄ້າ​ມະນຸດ​ແມ່ນ​ການ​ຄ້າ​ໂສ​ເພນີ​ ຍັງ​ສືບ​ຕໍ່​ເກີດ​ຂຶ້ນຢູ່​ຕາມ​ຮ້ານ​ອາຫານ, ຮ້ານ​ບັນ​ເທີ​ງ, ​ໂຮງ​ແຮມ, ​ເຮືອນ​ພັກ ​ເຊິ່ງ​ປັດຈຸບັນ​ມັນ​ໄດ້​ແຜ່​ລາມ​ໄປ​ຢ່າງ​ກວ້າງຂວາງ​ໃນຫລາຍທ້ອງຖິ່ນ, ຊຶ່ງມັນຮຽກຮ້ອງໃຫ້ທຸກພາກສ່ວນສັງຄົມຕ້ອງໄດ້ຮ່ວມກັນແກ້ໄຂບັນຫາດັ່ງກ່າວຢ່າງເປັນເຈົ້າການກວ່າເກົ່າ, ເພື່ອບໍ່ໃຫ້ລູກຫລານພວກເຮົາຕົກເປັນເຫຍື່ອຂອງຂະບວນການດັ່ງກ່າວໄດ້ງ່າຍ.

- Wave100S AD to Website 2020 0 - ເຈົ້າໜ້າທີ່ຕ້ານການຄ້າມະນຸດເຜີຍມີແມ່ຍິງລາວຕົກເປັນເຫຍື່ອເພີ່ມຂຶ້ນ
- WhatsApp Image 2020 05 27 at 5 - ເຈົ້າໜ້າທີ່ຕ້ານການຄ້າມະນຸດເຜີຍມີແມ່ຍິງລາວຕົກເປັນເຫຍື່ອເພີ່ມຂຶ້ນ
- WhatsApp Image 2020 05 27 at 5 - ເຈົ້າໜ້າທີ່ຕ້ານການຄ້າມະນຸດເຜີຍມີແມ່ຍິງລາວຕົກເປັນເຫຍື່ອເພີ່ມຂຶ້ນ
error: Alert: ເນື້ອຫາຂ່າວມີລິຂະສິດ !!