ຫ້ອງວ່າການສໍານັກງານນາຍົກຈັດສໍາມະນາ​​ການ​ຄຸ້ມ​ຄອງ​ລັດ ແລະ ສັງ​ຄົມ​ດ້ວຍ​ກົດ​ໝາຍ

- PM office - ຫ້ອງວ່າການສໍານັກງານນາຍົກຈັດສໍາມະນາ​​ການ​ຄຸ້ມ​ຄອງ​ລັດ ແລະ ສັງ​ຄົມ​ດ້ວຍ​ກົດ​ໝາຍ
- Untitled design - ຫ້ອງວ່າການສໍານັກງານນາຍົກຈັດສໍາມະນາ​​ການ​ຄຸ້ມ​ຄອງ​ລັດ ແລະ ສັງ​ຄົມ​ດ້ວຍ​ກົດ​ໝາຍ

​ຫ້ອງວ່າ​ການ​ສຳ​ນັກ​ງານ​ນາ​ຍົກ​ລັດ​ຖະ​ມົນ​ຕີ (ຫ​ສນຍ) ໄດ້​ຈັດ​ກອງ​ປະ​ຊຸມ​ສຳ​ມະ​ນາ​ວິ​ຊາ​ການໃນ​ຫົວ​ຂໍ້ “ການ​ຍົກ​ສູງ​ປະ​ສິດ​ທິ​ພາບ​ໃນ​ການ​ຄຸ້ມ​ຄອງ​ລັດ, ຄຸ້ມ​ຄອງ​ສັງ​ຄົ​ມດ້ວຍ​ລະ​ບຽບ​ກົດ​ໝາຍ ແລະ ການ​ເສີ​ມ​ສ້າງ​ທັກ​ສະໃນ​ການ​ປະ​ກອບ​ຄຳ​ຄິດ​ເຫັນຕໍ່​ກອງ​ປະ​ຊຸມ ແລະ ເວ​ທີ​ຕ່າງໆ” ໃຫ້ແກ່ພະ​ນັກ​ງານ-​ລັດ​ຖະ​ກອນຂອງຕົນ ຂຶ້ນໃນວັນທີ 17 ຕຸລານີ້ ​ເພື່ອ​ເສີມ​ສ້າງ​ຄວາມ​ຮູ້​ໃຫ້​ແກ່​ພະ​ນັກ​ງານ-ລັດ​ຖະ​ກອນໄດ້​ຮັບ​ຮູ້ ແລະ ເຂົ້າ​ໃຈ​ຢ່າງ​ເລິກ​ເຊິ່ງກ່ຽວ​ກັບ​ຄວາມ​ໝາຍ ແລະ ຄວາມ​ສຳ​ຄັນໃນ​ການ​ຄຸ້ມ​ຄອງ​ລັດ, ຄຸ້ມ​ຄອງ​ສັງ​ຄົມ​ດ້ວຍ​ກົດ​ໝາຍ, ຍົກ​ສູງ​ບົດ​ບາດ ແລະ ຄວາມ​ສາ​ມາດ​ຂອງ​ພັກ ແລະ ການ​ບໍ​ລິ​ຫານ​ລັດ, ໂດຍ​ສະ​ເພາະ​ພະ​ນັກ​ງານ-ລັດ​ຖະ​ກອນ ຍິ່ງ​ມີ​ຄວາມ​ຈຳ​ເປັນ​ທີ່​ຈະ​ຕ້ອງ​ໄດ້​ຮັບ​ຮູ້ ແລະ ເຂົ້າ​ໃຈ​ ໃຫ້​ຖືກ​ຕ້ອງ ເພື່ອ​ຮັບ​ປະ​ກັນ​ໃນ​ການ​ຄົ້ນ​ຄວ້າ​ສັງ​ລວມປະ​ກອບ​ຄຳ​ຄິດຄຳ​ເຫັນຕໍ່​ບັນ​ດາ​ເອ​ກະ​ສານ​ຕ່າງໆ ເພື່ອ​ລາຍ​ງານ​ຂັ້​ນ​ເທິງ​ຊີ້​ນຳໃຫ້​ຖືກ​ຕ້ອງ​ຕາມ​ລະ​ບຽບ​ກົດ​ໝາຍ.

ໃນໂອກາດນີ້, ທ່ານ ຈະ​ເລີນ ເຢຍ​ປາວ​ເຮີ ລັດ​ຖະ​ມົນ​ຕີປະ​ຈຳສຳ​ນັກ​ງານ​ນາ​ຍົກ​ລັດ​ຖະ​ມົນ​ຕີ ໄດ້​ຍົກ​ໃຫ້​ເຫັນ​ບາງ​ເນື້ອ​ໃນ​ມະ​ຕິ​ຂອງ​ຄະ​ນະ​ບໍ​ລິ​ຫານ​ງານ​ສູນ​ກາງ​ພັກປະ​ຊາ​ຊົນ​ປະ​ຕິ​ວັດ​ລາວ ວ່າ​ດ້ວຍ​ການ​ຍົກ​ສູງ​ປະ​ສິດ​ທິ​ພາບ​ຄຸ້ມ​ຄອງ​ລັດ ຄຸ້ມ​ຄອງ​ສັງ​ຄົມ​ດ້ວຍ​ກົດ​ໝາຍ, ເຊິ່ງ​ທ່ານໄດ້​ໃຫ້​ຮູ້​ວ່າ: ການ​ຄຸ້​ມ​ຄອງ​ລັດ, ຄຸ້ມ​ຄອງ​ສັງ​ຄົມດ້ວຍ​ກົດ​ໝາຍ ເປັນ​ພື້ນ​ຖານ​ຂອງ​ການ​ສ້າງ​ລັດ​ທີ່​ປົກ​ຄອງ​ດ້ວຍ​ກົດ​ໝາຍ, ເຊິ່ງ​ແມ່ນ​ຂະ​ບວນ​ວິ​ວັດ​ໜຶ່ງຂອງ​ການ​ບູ​ລະ​ນະລະ​ບອບ​ປະ​ຊາ​ທິ​ປະ​ໄຕ​ປະ​ຊາ​ຊົນ ທີ່​ຕ້ອງ​ດຳ​ເນີນ​ເປັນ​ແຕ່​ລະ​ບາດ​ກ້າວ​ຢ່າງ​ຮອບ​ຄອບ ແລະ ໜັກ​ແໜ້ນ​ສູ່​ຈຸດ​ໝາຍ​ສັງ​ຄົມ​ນິ​ຍົມ. ນັບ​ແຕ່​ໄດ້​ດຳ​ເນີນ​ແນວ​ທາງ​ປ່ຽນ​ແປງ​ໃໝ່​ຢ່າງ​ຮອບ​ດ້ານ​ທີ່​ມີ​ຫລັກ​ການ​ມາ​ນີ້, ພັກ​ເຮົາ​ໄດ້​ນຳ​ພາ​ສ້າງ, ນຳ​ໃຊ້ ແລະ ປັບ​ປຸງ​ລັດ​ຖະ​ທຳ​ມະ​ນູນ, ກົດໝາຍ, ນິ​ຕິ​ກຳ​ຕ່າງໆໃຫ້​ເປັນ​ເຄື່ອງ​ມື​ຄຸ້ມ​ຄອງ​ລັດ, ຄຸ້ມ​ຄອງ​ສັງ​ຄົມ, ປົກ​ປ້ອງ​ສິດ​ຜົນ​ປະ​ໂຫຍດ​ອັນ​ຊອບ​ທຳ​ຂອງ​ປະ​ຊາ​ຊົນ​ບັນ​ດາ​ເຜົ່າ, ຂອງ​ລັດ ແລະ ລວມ​ໝູ່, ຮັບ​ປະ​ກັນ​ການ​ປົກ​ປັກ​ຮັກ​ສາ​ລະ​ບອບ​ປະ​ຊາ​ທິ​ປະ​ໄຕ ປະ​ຊາ​ຊົນ​ໄດ້​ຢ່າງ​ໝັ້​ນ​ຄົງ.

- Wave100S AD to Website 2020 0 - ຫ້ອງວ່າການສໍານັກງານນາຍົກຈັດສໍາມະນາ​​ການ​ຄຸ້ມ​ຄອງ​ລັດ ແລະ ສັງ​ຄົມ​ດ້ວຍ​ກົດ​ໝາຍ
- WhatsApp Image 2020 05 27 at 5 - ຫ້ອງວ່າການສໍານັກງານນາຍົກຈັດສໍາມະນາ​​ການ​ຄຸ້ມ​ຄອງ​ລັດ ແລະ ສັງ​ຄົມ​ດ້ວຍ​ກົດ​ໝາຍ
- WhatsApp Image 2020 05 27 at 5 - ຫ້ອງວ່າການສໍານັກງານນາຍົກຈັດສໍາມະນາ​​ການ​ຄຸ້ມ​ຄອງ​ລັດ ແລະ ສັງ​ຄົມ​ດ້ວຍ​ກົດ​ໝາຍ
error: Alert: ເນື້ອຫາຂ່າວມີລິຂະສິດ !!