ພັດທະນາສື່ບ້ານເຮົາຕ້ອງພ້ອມສາມກ້ອນເສົ່າສາມປັດໄຈ

- 963 - ພັດທະນາສື່ບ້ານເຮົາຕ້ອງພ້ອມສາມກ້ອນເສົ່າສາມປັດໄຈ
- Untitled design - ພັດທະນາສື່ບ້ານເຮົາຕ້ອງພ້ອມສາມກ້ອນເສົ່າສາມປັດໄຈ

ໂດຍ: ທິດກ່ຳ 

ເວົ້າເຖິງການພັດທະນາສື່ ໃນໄລຍະໃໝ່, ໂດຍສະເພາະໃນ ຍຸກບ້ານເມືອງເຮົາພວມເລັ່ງ ລັດພັດທະນາມັນກໍຍ່ອມມີຫລາຍຂົງເຂດທີ່ພົວພັນເຊື່ອມໂຍງ ເຊິ່ງກັນ ແລະ ກັນຢ່າງຊະນິດ ຕິດແໜ້ນປ່ຽບດັ່ງແຄນກັບໝໍ ລຳ, ຄືດັ່ງປີ່ກັບຄຸ່ຍຫລືວ່າຄື ດັ່ງລະນາດກັບຄ້ອງວົງ.

ຢາກໃຫ້ລະບົບສື່ສານມີສັນຍານທຸກພື້ນທີ່2018/

ສື່ລາວຈະກ້າວໄກ ຖ້າຫລຸດດ້ານພິທີການລົງໄດ້2018/

ເປັນຫຍັງຈຶ່ງວ່າ ແນວນັ້ນ? ຍ້ອນວ່າໃນຖັນແຖວສື່ມວນຊົນ ຢູ່ບ້ານເຮົາມັນໄດ້ພົວພັນເຖິງ ຫລາຍຂົງເຂດ, ຫລາຍອົງກອນ ມາລວມຕົວພ້ອມກັນເຢີກເປັນ ຕົ້ນຄືຂົງເຂດໂຄສະນາອົບຮົມ ສູນກາງພັກ, ຂົງເຂດໂທລະຄົມ ນາຄົມ ແລະ ການສື່ສານ ແລະ ຂົງເຂດຖະແຫລງຂ່າວວັດທະ ນະທຳ ແລະ ທ່ອງທ່ຽວ ເຊິ່ງເພິ່ນ ເອີ້ນຢ່າງໜຶ່ງເປັນສາມກ້ອນ ເສົ່າທີ່ແໜ້ນແກ່ນ.
ຖ້າບໍ່ໄປຕາມດັ່ງທີ່ວ່າມານີ້ມັນກໍເໝືອນກັບວ່າກິນລາບ ກ້ອຍບໍ່ໃສ່ຜັກຫອມ, ກິນເຂົ້າ ບໍ່ມີອາຫານດັ່ງຕົວຢ່າງໃນ ຄວາມເປັນຈິງກໍຄືຖ້າສື່ມວນ ຊົນເຮົາມີຄວາມຕ້ອງການໂຄ ສະນາ ສົ່ງຂໍ້ມູນຂ່າວສານກະ ຈາຍອອກສູ່ສັງຄົມຢ່າງກວ້າງ ຂວາງມັນກໍຕ້ອງໄດ້ຜ່ານສັນ ຍານເຄື່ອຂ່າຍທາງໂທລະຄົມ ມະນາຄົມ ແລະ ການສື່ສານ ທາງໂທລະພາບ, ໂທລະພິມ, ໂທລະສັບຫລືສັນຍານອິນເຕີ ເນັດເຫລົ່ານີ້ເປັນຕົ້ນ.

ເພາະສະນັ້ນ, ຕາມທິດກ່ຳ ວ່າໃນງານສຳມະນາພາຍໃຕ້ ຫົວຂໍ້ “ຄຸ້ມຄອງ, ນຳໃຊ້ ແລະ ພັດທະນາສື່ໃນໄລຍະໃໝ່” ໃນ ຄັ້ງວັນທີ 24-25 ກັນຍາ ໃນ ຜ່ານມາຈຶ່ງເປັນສິ່ງຈຳເປັນທີ່ ທັງສາມອົງການຕ້ອງໄດ້ຮ່ວມກັນ ໂດຍມີຄະນະໂຄສະນາອົບ ຮົມສູນກາງພັກ, ກະຊວງໂທລະ ຄົມມະນາຄົມ ແລະ ການສື່ສານ ແລະ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ.

ແນວໃດກໍຕາມ, ໃນງານ ສຳມະນາຄັ້ງນີ້ເຮົາຄິດວ່າຈະ ເປັນບ່ອນອີງ ແລະ ເປັນທິດ ທາງໃນການເຄື່ອນໄຫວ ແລະ ຈັດຕັ້ງປະຕິບັດຂອງວົງການ ສື່ລາວເຮົາໃນສະເພາະໜ້າ ແລະ ຍາວນານ. ຊາທິດກ່ຳ ຄິດ ຖ້າຈະເອີ່ຍເຖິງໜ້າທີ່ພາ ລະ ບົດບາດແລ້ວ, ຄະນະໂຄສະ ນາອົບຮົມສູນກາງພັກເປັນຜູ້ ຊີ້ທິດເຍືອງທາງ, ກຳຍຸດທະ ສາດ, ຍຸດໂທບາຍ.

- Wave100S AD to Website 2020 0 - ພັດທະນາສື່ບ້ານເຮົາຕ້ອງພ້ອມສາມກ້ອນເສົ່າສາມປັດໄຈ

ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ເປັນຜູ້ຜະລິດຂ່າວຄາວໃນຖາ ນະຜູ້ເປັນເຈົ້າຂອງສື່ມວນຊົນ, ກະຊວງໂທລະຄົມມະນາຄົມ ແລະ ການສື່ສານເປັນຜູ້ອຳ ນວຍຄວາມສະດວກທັງຮັບຜິດຊອບທາງດ້ານການສົ່ງ ສັນຍານເຄືອຂ່າຍຕາມຄວາມ ຮຽກຮ້ອງຕ້ອງການຂອງສະ ພາບການໃໝ່, ສັງຄົມ ແລະ ຂອງປະເທດຊາດ.

ອີກສິ່ງໜຶ່ງທີ່ປະຕິເສດບໍ່ ໄດ້ໃນສະພາບປັດຈຸບັນການ ພັດທະນາສື່ເຮົາກໍຕ້ອງໄດ້ອາ ໄສ ຄວາມພ້ອມທັງສາມປັດ ໄຈໄປພ້ອມໆກັນເປັນຕົ້ນຄື: ອັນທີໜຶ່ງແມ່ນຄົນເປັນຜູ້ເຮັດ, ເປັນຜູ້ທຳເປັນປັດໄຈອັນສຳ ຄັນທີ່ສຸດອັນທີສອງແມ່ນທຶນ ຮອນໝາຍເຖິງຕ້ອງມີເງິນໃຊ້ ຈ່າຍໃນທຸກກໍລະນີ ແລະ ທຸກ ສະຖານະການສ່ວນວ່າປັດ ໄຈອັນທີສາມກໍແມ່ນວັດຖຸ ອຸປະກອນພາຫະນະຮັບໃຊ້ ຕ່າງໆ ໃຫ້ພຽບ ພ້ອມພຽງພໍ ສົມຄວນ.

ໃນສາມປັດໄຈ ນີ້ໂຕອັນ ສຳຄັນທີ່ສຸດກໍແມ່ນຄົນຕ້ອງ ໄປກ່ອນເຮັດກ່ອນທັງເກັ່ງ ແລະ ມີຄວາມຮູ້ຄວາມສາມາດ ພຽງພໍຕໍ່ສະຖານະການໃນ ການພັດທະນາສື່ ຈຶ່ງເດີນໜ້າ ກ້າວໄກວ່ອງໄວໄດ້.

ໃນຍຸກສະໄໝນີ້, ເຫັນວ່າ ວົງການສື່ຂອງພວກເຮົາກໍ ມີການພັດທະນາກ້າວໄກກວ່າ ຍຸກກ່ອນຕັ້ງຫລາຍເທົ່າ.
ແຕ່ສິ່ງທີ່ພວກເຮົາຍັງ ຂາດເຮັດບໍ່ທັນໄດ້ນັ້ນແມ່ນຍັງ ບໍ່ທັນປັ້ນໄດ້ນັກຂ່າວທີ່ເກ່ັງ, ນັກຂ່າວດີເດັ່ນ, ນັກວິເຄາະທີ່ ເກັ່ງໃນລະດັບແຖວໜ້າ ຫລື ວ່າລະດັບຊາດກາຍເປັນຕົ້ນ ແບບທີ່ພວກເຮົາຄວນໄດ້ເອົາ ເປັນແບບຢ່າງຫລືເປັນບົດ ຮຽນໃຫ້ຮຸ້ນສືບຖອດຕໍ່ໆໄປ.
ເຖິງຢ່າງໃດກໍດີ, ຕາມ ທິດກ່ຳ ວ່າໃນອານາຄົດຕໍ່ໜ້າ ອີງ ໃສ່ການສຳມະນາພາຍໃຕ້ ຫົວຂໍ້ “ການຄຸ້ມຄອງ, ນຳໃຊ້ ແລະ ພັດທະນາສື່ໃນໄລຍະ ໃໝ່” ຈະກາຍເປັນແຜນງານ ສານຕໍ່ ເພື່ອເຮັດໃຫ້ວົງການ ສື່ມວນຊົນລາວກ້າວໜ້າ, ທັນ ສະໄໝ, ວ່ອງໄວຄືກັບບັນດາ ປະເທດພວກເພິ່ນທີ່ມີການພັດ ທະນາໄປແລ້ວ./.

- 963 - ພັດທະນາສື່ບ້ານເຮົາຕ້ອງພ້ອມສາມກ້ອນເສົ່າສາມປັດໄຈ
(ພາບປະກອບ)
- WhatsApp Image 2020 05 27 at 5 - ພັດທະນາສື່ບ້ານເຮົາຕ້ອງພ້ອມສາມກ້ອນເສົ່າສາມປັດໄຈ
- WhatsApp Image 2020 05 27 at 5 - ພັດທະນາສື່ບ້ານເຮົາຕ້ອງພ້ອມສາມກ້ອນເສົ່າສາມປັດໄຈ
error: Alert: ເນື້ອຫາຂ່າວມີລິຂະສິດ !!