ພິທີສະເຫລີມສະຫລອງ 10 ປີ ວັນສ້າງຕັ້ງບໍລິສັດ ສະຕາ ໂທລະຄົມ ແລະ 9 ປີ ວັນປະກາດນຳໃຊ້ເຄື່ອງໝາຍການຄ້າຢູນີເທວ

- DSC 1966 1 - ພິທີສະເຫລີມສະຫລອງ 10 ປີ ວັນສ້າງຕັ້ງບໍລິສັດ ສະຕາ ໂທລະຄົມ ແລະ 9 ປີ ວັນປະກາດນຳໃຊ້ເຄື່ອງໝາຍການຄ້າຢູນີເທວ
- Untitled design - ພິທີສະເຫລີມສະຫລອງ 10 ປີ ວັນສ້າງຕັ້ງບໍລິສັດ ສະຕາ ໂທລະຄົມ ແລະ 9 ປີ ວັນປະກາດນຳໃຊ້ເຄື່ອງໝາຍການຄ້າຢູນີເທວ

- DSC 1966 1 - ພິທີສະເຫລີມສະຫລອງ 10 ປີ ວັນສ້າງຕັ້ງບໍລິສັດ ສະຕາ ໂທລະຄົມ ແລະ 9 ປີ ວັນປະກາດນຳໃຊ້ເຄື່ອງໝາຍການຄ້າຢູນີເທວ

ໃນວັນທີ 16 ຕຸລານີ້, ບໍລິສັດ ສະຕາໂທລະຄົມ (Unitel) ໄດ້ຈັດພິທີສະເຫຼີມສະຫຼອງວັນສ້າງຕັ້ງບໍລິສັດ ຂອງຕົນຄົບຮອບ 10 ປີ (2008-2018) ແລະ ວັນປະກາດໃຊ້ເຄື່ອງໝາຍການຄ້າ ຢູນິເທວ ຄົບຮອບ 9 ປີ (16/ 10/2009-16/10/2018), ຂຶ້ນທີ່ນະຄອນຫຼວງວຽງຈັນ ໂດຍການເຂົ້າຮ່ວມຂອງທ່ານ ພົນໂທ ຈັນສະໝອນ ຈັນຍະລາດ ລັດຖະມົນຕີກະຊວງປ້ອງກັນປະເທດ, ມີທ່ານລັດຖະມົນຕີກະຊວງໄປສະນີ ໂທລະຄົມມະນາຄົມ ແລະ ການສື່ສານ, ລັດຖະມົນຕີກະ ຊວງອຸດສາຫະກໍາ ແລະ ການ ຄ້າ ແລະ ທ່ານເອກອັກຄະລັດ ຖະທູດ ສສ ຫວຽດນາມ ປະ ຈໍາລາວເຂົ້າຮ່ວມ.
ທ່ານ ກາວ ແອງ ເຊີນ ຜູ້ອໍານວຍການໃຫຍ່ບໍລິສັດດັ່ງກ່າວ ໄດ້ມີຄໍາເປັນໃນພິທີວ່າ: 10 ປີແຫ່ງການສ້າງຕັ້ງບໍລິສັດ ແລະ 9 ປີ ແຫ່ງການເປີດໂຕ ເຄື່ອງໝາຍການຄ້າຂອງຕົນ, ຊຶ່ງມາຮອດປັດຈຸບັນໄດ້ເຮັດໃຫ້ ບໍລິສັດ ສະຕາ ໂທລະຄົມ ນັບມື້ເຕີບໃຫຍ່ຂະຫຍາຍຕົວ ແລະ ໝັ້ນຄົງ ມີສະຖານີກະຈາຍສັນຍານລະບົບ 2G/3G/4G ໃນທົ່ວປະເທດ 6.500 ແຫ່ງ ສັນຍານປົກຄຸມເຖິງ 95% ຂອງພື້ນທີ່ທົ່ວປະເທດ, ສາມາດສະໜອງບໍລິການມືຖືໃຫ້ລູກຄ້າຫຼາຍກວ່າ 3 ລ້ານຄົນ, ດ້ວຍຄວາມພະຍາຍາມ ແລະ ຄວາມມຸ້ງໝັ້ນຂອງບໍລິສັດທີ່ມີຕໍ່ລູກຄ້າ ໄດ້ຊ່ວຍໃຫ້ບໍລິສັດ ພັດທະນາຕົນເອງມາເປັນບໍລິສັດກາຍເປັນເຄືອຂ່າຍຢູ່ລະດັບແຖວໜ້າໃນລາວຕະຫຼອດໄລຍະເວລາ 7 ປີຜ່ານມາ, ຊຶ່ງສິ່ງນີ້ມັນໄດ້ສະແດງອອກໃຫ້ເຫັນເຖິງຄວາມເຊື່ອໝັ້ນ ແລະ ຄວາມໄວ້ວາງໃຈຂອງລູກຄ້າທີ່ມີຕໍ່ບໍລິສັດ.
ບໍລິສັດ ສະຕາ ໂທລະຄົມ ພາຍໃຕ້ເຄື່ອງໝາຍການຄ້າ Unitel ໄດ້ປະກອບສ່ວນເຮັດ ໃຫ້ຂະແໜງການໂທລະຄົມມະ ນາຄົມຂອງລາວ ມີການຫັນ ປ່ຽນໄປໃນທາງທີ່ດີ, ຈໍານວນ ປະຊາຊົນທີ່ນໍາໃຊ້ໂທລະສັບມືຖືເພີ່ມຂຶ້ນ 5 ເທົ່າຕົວພຽງໄລ ຍະເວລາບໍ່ເທົ່າໃດປີ ຄືຈາກ 18% ເພີ່ມຂຶ້ນເປັນ 85%. ເຄືອຂ່າຍສັນຍານໂທລະສັບໄດ້ປົກຄຸມທຸກພື້ນທີ່ທົ່ວປະເທດ ເຊັ່ນ: ເຄືອຂ່າຍມືຖື ແລະ ເຄືອຂ່າຍ ອິນເຕີເນັດໄດ້ເຂົ້າເຖິງທຸກຂົງ ເຂດຂອງການດໍາລົງຊີວິດປະຈໍາວັນຂອງປະຊາຊົນ. ທ່ານອໍານວຍການໃຫຍ່ກ່າວຢໍ້າວ່າ: ພາຍຫຼັງ 9 ປີແຫ່ງການດໍາເນີນ ທຸລະກິດ Unitel ໄດ້ບັນລຸລາຍຮັບທັງໝົດ 1,35 ຕື້ໂດລາສະ ຫະລັດ ແລະ ໄດ້ມອບພັນທະ ອາກອນໃຫ້ລັດຖະບານລາວຮອດປີ 2017 ຈໍານວນ 350 ລ້ານໂດລາສະຫະລັດ ເພື່ອປະ ກອບສ່ວນເຂົ້າໃນການພັດທະ ນາເສດຖະກິດ-ສັງຄົມຂອງປະ ເທດຊາດ. ທັງນີ້ ກໍຍ້ອນພາຍ ໃຕ້ການຊີ້ນໍາ-ນໍາພາ ຈາກພັກ- ລັດຖະບານລາວ ແລະ ຈາກກະຊວງປ້ອງກັນປະເທດ, ໄປສະນີໂທລະຄົມມະນາຄົມ ແລະ ການສື່ສານ, ທະນາຄານແຫ່ງ ສປປ ລາວ ແລະ ດ້ວຍການ ຮ່ວມມືລະຫວ່າງ LAT ແລະ VTG ເຮັດໃຫ້ບໍລິສັດ ສະຕາ ໂທລະຄົມສາມາດພັດທະນາຕົນເອງໄດ້ເຕີບໃຫຍ່ຂະຫຍາຍຕົວຢ່າງເຂັ້ມແຂງ, ຈາກບໍລິສັດຢູ່ລະດັບ 4 ໄດ້ກາຍເປັນເຄືອຂ່າຍລະດັບແຖວຫນ້າຂອງລາວ.

- DSC 1928 1 - ພິທີສະເຫລີມສະຫລອງ 10 ປີ ວັນສ້າງຕັ້ງບໍລິສັດ ສະຕາ ໂທລະຄົມ ແລະ 9 ປີ ວັນປະກາດນຳໃຊ້ເຄື່ອງໝາຍການຄ້າຢູນີເທວ

ທ່ານ ກາວ ແອງ ເຊີນ ກ່າວຕື່ມວ່າ: ບໍ່ພຽງແຕ່ການສະໜອງບໍລິການໂທລະຄົມມະນາຄົມທີ່ມີຄຸນນະພາບດີເທົ່ານັ້ນ ທາງບໍລິສັດຍັງນໍາເອົາປະສົບການໃໝ່ໆ, ທາງດ້ານເທັກໂນ ໂລຢີສື່ສານທີ່ທັນສະໄໝເຂົ້າ ມາບໍລິການຜູ້ຊົມໃຊ້ໄດ້ຢ່າງສະດວກສະບາຍເຊັ່ນ: ບັນດາໂຄງການຮ່ວມມືກັບລັດຖະບານ, ການບໍລິການປະເພດ ກະເປົາເງິນເອເລັກໂຕນິກ ຊຶ່ງຈະເປີດໃຫ້ບໍລິການໃນໄວໆນີ້ ແລະ ດ້ວຍຄວາມຫວັງທັງໝົດ ນີ້ຈະຊ່ວຍສ້າງຄວາມສະດວກສະບາຍ ໃຫ້ແກ່ລູກຄ້ານໍາໃຊ້ບົນຈິດໃຈຄໍາຂວັນຂອງບໍລິສັດ ສະຕາ ໂທລະຄົມ ວາງໄວ້ວ່າ: “ພ້ອມກັນສ້າງໃຫ້ຊີວິດມີຄວາມສົດໃສກວ່າ”. ນອກນີ້, Unitel ຍັງຈະສືບຕໍ່ຍົກສູງຜະລິດຕະພັນຕ່າງໆຂອງຕົນໃຫ້ດີຂຶ້ນ ແລະ ຈະຄົ້ນຄິດບັນດາ ໂຄງການໃໝ່ໆໃນຍຸກນະວັດຕະກໍາ 4.0 ເພື່ອປະກອບສ່ວນ ເຂົ້າໃນການພັດທະນາເສດຖະກິດ-ສັງຄົມຂອງປະເທດຊາດເຕີບໃຫຍ່ຂະຫຍາຍຕົວຍິ່ງຂຶ້ນ.

- Wave100S AD to Website 2020 0 - ພິທີສະເຫລີມສະຫລອງ 10 ປີ ວັນສ້າງຕັ້ງບໍລິສັດ ສະຕາ ໂທລະຄົມ ແລະ 9 ປີ ວັນປະກາດນຳໃຊ້ເຄື່ອງໝາຍການຄ້າຢູນີເທວ

ໃນພິທີສະເຫຼີມສະຫຼອງວັນປະຫວັດສາດອັນມີຄວາມໝາຍສໍາຄັນນີ້ ທາງບໍລິສັດ ສະຕາ ໂທລະຄົມ ໄດ້ມອບໃບຍ້ອງຍໍ ແລະ ຂັນທີ່ລະນຶກ 10 ປີ ແຫ່ງການພັດທະນາໃຫ້ແກ່ພະນັກງານທີ່ມີອາຍຸການເຮັດວຽກຫຼາຍກວ່າ 10 ປີ ແລະ ມີຜົນງານດີເດັ່ນ ຈໍານວນ 21 ທ່ານ ແລະ ພະນັກງານທີ່ມີ ອາຍຸການເຮັດວຽກແຕ່ 3-10 ປີ ທີ່ມີຜົນງານດີເດັ່ນ ຈໍານວນ 23 ທ່ານອີກດ້ວຍ.

- WhatsApp Image 2020 05 27 at 5 - ພິທີສະເຫລີມສະຫລອງ 10 ປີ ວັນສ້າງຕັ້ງບໍລິສັດ ສະຕາ ໂທລະຄົມ ແລະ 9 ປີ ວັນປະກາດນຳໃຊ້ເຄື່ອງໝາຍການຄ້າຢູນີເທວ
- WhatsApp Image 2020 05 27 at 5 - ພິທີສະເຫລີມສະຫລອງ 10 ປີ ວັນສ້າງຕັ້ງບໍລິສັດ ສະຕາ ໂທລະຄົມ ແລະ 9 ປີ ວັນປະກາດນຳໃຊ້ເຄື່ອງໝາຍການຄ້າຢູນີເທວ
error: Alert: ເນື້ອຫາຂ່າວມີລິຂະສິດ !!