ຕົ້ມ ຫລື ຕຸ໋ນອາຫານດົນໆສ່ຽງຫລຸດຄຸນຄ່າສານອາຫານ

- advert banner 728 90 728x90 - ຕົ້ມ ຫລື ຕຸ໋ນອາຫານດົນໆສ່ຽງຫລຸດຄຸນຄ່າສານອາຫານ

- 010805 300x300 - ຕົ້ມ ຫລື ຕຸ໋ນອາຫານດົນໆສ່ຽງຫລຸດຄຸນຄ່າສານອາຫານ    ອາຫານທີ່ມີການອຸ່ນຫລາຍເທື່ອ ຫລື ຕົ້ມ, ຕຸ໋ນ ດົນເກີນ 4 ຊົ່ວໂມງຂຶ້ນໄປ ຈະມີໂອກາດເຮັດໃຫ້ຄຸນຄ່າທາງໂພຊະນາການຫລຸດລົງ. ດັ່ງນັ້ນ, ຄວນປຸງແຕ່ງອາຫານແຕ່ພໍດີກິນໃນແຕ່ລະຄາບ ເພາະອາຫານທີ່ປຸງແຕ່ງສຸກໃໝ່ໆ ຄຸນຄ່າທາງໂພຊະນາການຈະມີຫລາຍກ່ວາອາຫານທີ່ຜ່ານການອຸ່ນຫລາຍໆເທື່ອ ໂດຍສະເພາະອາຫານປະເພດຕົ້ມ, ຕຸ໋ນ ເຊິ່ງໃນຂະນະປຸງຈະຂ້ຽວດ້ວຍຍນຳ້ຕານເພື່ອໃຫ້ລົດຊາດແຊບຂຶ້ນ, ແຕ່ຂໍ້ຄວນລະວັງຄືເມື່ອໂປຣຕິນຈາກຊີ້ນສັດຖືກຄວາມຮ້ອນຈາກການຕົ້ມ, ຕຸ໋ນ ເປັນເວລາດົນອາຫານເຫລົ່ານີ້ ມັກຖືກກວດພົບສານກຸ່ມເອັດເຕີໂຣ – ໄຊຄລິກເອມີນ ເຊິ່ງເປັນສານທີ່ກໍ່ໃຫ້ເກີດພະຍາດມະເຮັງ, ອາຫານປະເພດຜັກສົດ, ຂົ້ວຜັກ, ຜັກລວກ, ໜຶ້ງ, ຕົ້ມ ຖ້າເຫລືອແລ້ວເອົາໄປໄວ້ອຸ່ນກິນໃນຄາບຕໍ່ໄປ ຄຸນຄ່າທາງໂພຊະນາການຈະ ຫລຸດລົງ ຫາກເກັບມ້ຽນໄວ້ບໍ່ດີ ຈຸລິນຊີທີ່ປົນເປື້ອນໃນເວລາເກັບມ້ຽນກໍຈະເຮັດໃຫ້ເຈັບທ້ອງໄດ້.

ການປະຕິບັດໂຕໃຫ້ມີສຸຂະພາບດີໂດຍການກິນອາຫານທີ່ຖືກຕ້ອງ ທັງປະລິມານ, ຄຸນນະພາບ  ຕາມຫລັກໂພຊະນາການເພື່ອສຸຂະພາບທີ່ດີມີຄືດັ່ງນີ້ :

- Tiger Head 728x90 - ຕົ້ມ ຫລື ຕຸ໋ນອາຫານດົນໆສ່ຽງຫລຸດຄຸນຄ່າສານອາຫານ
- 1 1 - ຕົ້ມ ຫລື ຕຸ໋ນອາຫານດົນໆສ່ຽງຫລຸດຄຸນຄ່າສານອາຫານ
  1. ກິນອາຫານໃຫ້ຫລາກຫລາຍຄົບ 5 ໝວດ ໃນປະລິມານທີ່ພຽງພໍກັບຄວາມຕ້ອງການຂອງຮ່າງກາຍ.
  2. ກິນຜັກຊະນິດຕ່າງໆຢ່າງໜ້ອຍມື້ລະ 2 ຈອງ.
  3. ກິນໝາກໄມ້ຢ່າງໜ້ອຍມື້ລະ 1 – 2 ສ່ວນ ເຊັ່ນ : ໝາກກ້ວຍນຳ້ ຫລື ໝາກກ້ຽງ.
  4. ເລືອກວັດຖຸດິບໃນການປຸງແຕ່ງອາຫານທີ່ປອດໄພຈາກການປົນເປື້ອນຂອງສານເຄມີ ແລະ ສິ່ງເຈືອປົນ.
  5. ຫລຸດການກິນອາຫານມັນ ໄດ້ແກ່: ອາຫານຈືນ, ນຳ້ມັນ, ໄກ່ຈືນ, ໝູຈືນ, ອາຫານທ່ີມີກະທິ, ຫລີກເວັ້ນການໃຊ້ນຳ້ມັນເກົ່າຈືນອາຫານຊຳ້ອີກ.
  6. ຫລຸດການກິນອາຫານຫວານ.
  7. ຫລຸດການກິນອາຫານເຄັມ ໂດຍສະເພາະເຄື່ອງປຸງລົດຊາດເຄັມໆ.
  8. ຫລຸດການກິນອາຫານແປຮູບ, ຫລີກເວັ້ນອາຫານທີ່ມີສີເກີນຄວາມເປັນສີທຳມະຊາດ ເຊັ່ນ : ຊີ້ນສັດແປຮູບສີແດງ.
  9. ຫລີກເວັ້ນອາຫານທີ່ປຸງແຕ່ງປະໄວ້ຄ້າງຄືນ.
  10. ຮັກສານຳ້ໜັກໃຫ້ຢູ່ໃນເກນປົກກະຕິ ຜູ້ຊາຍຮອບແອວບໍ່ເກີນ 90 ຊັງຕີແມັດ, ແມ່ຍິງຮອບແອວບໍ່ເກີນ 80 ຊັງຕີແມັດ.
  11. ອອກກຳລັງກາຍທີ່ເໝາະສົມກັບສະພາບຮ່າງກາຍຢ່າງໜ້ອຍມື້ລະ 30 ນາທີ ອາທິດລະ 5 ມື້.
  12. ເຮັດໃຈໃຫ້ສະບາຍ ແລະ ຄິດໃນດ້ານບວກສະເໝີ.
error: Content is protected !!