ອິນເດຍແຈ້ງໄຂ້ຊິກາລະບາດ

- advert banner 728 90 728x90 - ອິນເດຍແຈ້ງໄຂ້ຊິກາລະບາດ

ອິນ​ເດຍ​ແຈ້ງ​ໄຂ້​ຊິ​ກາລະ​ບາດ ​ເພາະ​ພົບ​ຜູ້​ປ່ວຍ​ທີ່​ໄດ້​ຮັບ​ການ​ຢືນຢັນ​ວ່າ​ຕິດ​ເຊື້ອ​ໄວຣັສຊິ​ກາ​ແລ້ວ 80 ຄົນ​ນັບ​ແຕ່​ເດືອນ​ກ່ອນ ​ໃນ​ຈຳນວນ​ນີ້ 22 ຄົນ​ເປັນຜູ້ຍິງ​ຖືພາ​ໃນ​ລັດຣາດສະຖານ ທາງ​ຕາ​ເວັນ​ຕົກ​ຂອງ​ປະ​ເທດ.

- new3 - ອິນເດຍແຈ້ງໄຂ້ຊິກາລະບາດ

​ເຈົ້າໜ້າ​ທີ່​ພິ​ເສດ 330 ທີ​ມອອກ​ສີດ​ພົ່ນ​ຢາ​ກຳຈັດ​ຍຸງ​ຕາມ​ເຮືອນ​ໃນ​ເມືອງ​ໄຊ​ປຸຣະ ​ເມືອງ​ເອກ​ຂອງ​ລັດຣາດສະຖານ ​ແລະ ​ເຝົ້າສັງ​ເກດ​ອາການ​ປະຊາຊົນ​ເກືອບ 440.000 ຄົນ. ຂະນະ​ທີ່​ລັດຖະມົນຕີ​ສາທາລະນະ​ສຸກ​ອິນ​ເດຍຖະ​ແຫລ​ງວ່າ: ການ​ຮັບ​ມື​ກັບ​ພະຍາດ​ທີ່​ມີ​ສັດ ​ແລະ ​ແມງ​ໄມ້​ເປັນ​ພາຫະ​ຈຳ​ເປັນ​ຕ້ອງ​ຕື່ນ​ຕົວ​ ຈຶ່ງ​ຈະ​ສາມາດ​ຄວບ​ຄຸມພະ​ຍາດ​ໄດ້.

ອິນ​ເດຍພົບ​ຜູ້​ປ່ວຍ​ໄຂ້​ຊິ​ກາ​ຄົນ​ທຳ​ອິດ​ຂອງ​ປະ​ເທດ​ໃນ​ເດືອນ​ມັງກອນ​ປີ​ກ່ອນ ​ໃນ​ລັດຄຸດ​ຣາດ ທີ່ຢູ່​ຕິດ​ກັບ​ລັດຣາດສະຖານ ທາງ​ຕາ​ເວັນ​ຕົກ​ສຽງ​ໃຕ້ ຫລັງ​ຈາກ​ໄຂ້​ຊິ​ກາລະ​ບາດ​ໃຫຍ່​ທົ່ວ​ໂລກ​ໃນ​ປີ 2015 ມີ​ຜູ້​ປ່ວຍຫລາຍ​ກວ່າ 1,5 ລ້ານ​ຄົນ​ໃນ 70 ກວ່າ​ປະ​ເທດ ສ່ວນ​ຫລາຍ​ຢູ່​ອາ​ເມ​ລິ​ກາ​ໃຕ້. ຜູ້​ປ່ວຍ​ທີ່​ເປັນ​ແມ່ຍິງ​ຖືພາ​ອາດ​ໃຫ້​ກຳ​ເນີ​ດລູກ​ທີ່​ມີ​ບັນຫາ​ສະໝອງ​ພິການ, ​ເປັນ​ພະຍາດ​ທີ່​ມີ​ຍຸງ​ເປັນ​ພາຫະ. ອົງການ​ອະນາ​ໄມ​ໂລກຄາດ​ວ່າ: ກວ່າ​ຈະ​ມີ​ວັກ​ແຊງ​ປ້ອງ​ກັນ​ພະຍາດ​ນີ້​ອາດ​ຕ້ອງ​ລໍ​ຈົນ​ຮອດ​ປີ 2020.

- lattana 1 - ອິນເດຍແຈ້ງໄຂ້ຊິກາລະບາດ
error: Content is protected !!