ອາຊຽນຈະຫາລື​ບັນຫາ​ແຮງ​ງານ​ເຄື່ອນ​ຍ້າຍ

- Asean labour movement - ອາຊຽນຈະຫາລື​ບັນຫາ​ແຮງ​ງານ​ເຄື່ອນ​ຍ້າຍ
- Untitled design - ອາຊຽນຈະຫາລື​ບັນຫາ​ແຮງ​ງານ​ເຄື່ອນ​ຍ້າຍ

ໃນ​ວັນ​ທີ 18 ຕຸລານີ້ຢູ່ນະຄອນຫລວງ​ວຽງຈັນ, ​ໄດ້​ມີ​ກອງ​ປະຊຸມ​ກະກຽມ​ເນື້ອ​ໃນສຳລັບ​ກອງ​ປະຊຸມ​ກ່ຽວກັບ​ແຮງ​ງານ​ເຄື່ອນ​ຍ້າຍ​ຄັ້ງ​ທີ 11 ຊຶ່ງ​ຈະ​ຈັດ​ຂື້ນຢູ່​ປະ​ເທດສິງກະ​ໂປ​ໃນ​ລະຫວ່າງ​ວັນ​ທີ 29-30 ຕຸລານີ້, ​ໂດຍ​ການ​ເຂົ້າ​ຮ່ວມ​ຂອງ​ທ່ານນາງ ອານຸສອນ ຄຳ​ສິງ​ສະຫວັດ ຫົວໜ້າກົມ​ພັດທະນາ​ສີມື​ແຮງ​ງານ ​ແລະ ຈັດ​ຫາ​ງານກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມ, ທ່ານນາງ ​ແອນ​ນາ ອີງ​ໂບຣມ ​ເຈົ້າໜ້າທີ່​ອາວຸ​ໂສຜູ້​ບໍລິຫານ​ໂຄງການ​ຮ່ວມ​ມື​ສາມ​ຝ່າຍ​ໃນ​ອາຊຽນ ແລະ ຜູ້ຕາງໜ້າອົງການ​ແຮງ​ງານ​ສາກົນ.

ຫົວໜ້າກົມ​ພັດທະນາ​ສີມື​ແຮງ​ງານ ​ແລະ ຈັດ​ຫາ​ງານ ​ໃຫ້​ຮູ້​ວ່າ: ກອງ​ປະຊຸມ​ອາຊຽນກ່ຽວກັບ​ແຮງ​ງານ​ເຄື່ອນ​ຍ້າຍ (AFML) ​ແມ່ນ​ກິດຈະກຳ​ພາຍ​ໃຕ້​ແຜນ​ງານ​ຂອງ​ຄະນະ​ກຳມະການ​ອາຊຽນສຳລັບ​ແຮງ​ງານ​ເຄື່ອນ​ຍ້າຍ, ​ເຊິ່ງ​ເປັນ​ກອງ​ປະຊຸມ​ປະຈຳ​ປີ ຕາມ​ການໝູນວຽນ​ການ​ເປັນ​ເຈົ້າພາບ​ຈັດ​ກອງ​ປະຊຸມ​ອາຊຽນ.

ສຳລັບ​ປີ 2018 ກອງ​ປະຊຸມ​ອາຊຽນກ່ຽວກັບ​ແຮງ​ງານ​ເຄື່ອນ​ຍ້າຍ​ຄັ້ງ​ທີ 11 ຈະ​ຖືກ​ຈັດ​ຂຶ້ນຢູ່ປະ​ເທດສິງກະ​ໂປ​ໃນ​ຫົວ​ຂໍ້: “ການ​ຫັນ​ເຂົ້າ​ສູ່​ລະບົບ​ດີ​ຈີ​ຕອນ​ເພື່ອ​ສົ່ງ​ເສີມ​ແຮງ​ງານ​ເຄື່ອນ​ຍ້າຍ​ໃນ​ອາຊຽນ​ໃຫ້​ມີ​ວຽກ​ເຮັດ​ງານ​ທຳທີ່​ມີ​ຄຸນຄ່າ ​ແລະ ​ເປັນ​ທຳ”, ພ້ອມ​ທັງ​ຫົວ​ຂໍ້​ຍ່ອຍການ​ຫັນ​ເຂົ້າ​ສູ່​ລະບົບ​ດີ​ຈິ​ຕອນ​ຂອງ​ວຽກງານ​ການ​ຄຸ້ມ​ຄອງ​ແຮງ​ງານ​ດັ່ງກ່າວ.

- Wave100S AD to Website 2020 0 - ອາຊຽນຈະຫາລື​ບັນຫາ​ແຮງ​ງານ​ເຄື່ອນ​ຍ້າຍ

ຫົວໜ້າກົມ​ພັດທະນາ​ສີມື​ແຮງ​ງານ ​ແລະ ຈັດ​ຫາ​ງານ ​ໃຫ້​ຮູ້​ວ່າ: ປັດຈຸບັນ ກາ​ນຄຸ້ມ​ຄອງ​ແຮງ​ງານຢູ່ລາວ ​ແລະ ​ແຮງ​ງານ​ເຄື່ອນ​ຍ້າຍ ​​ແມ່ນ​ກຳລັງ​ຫັນ​ໄປ​ສູ່​ດິຈີ​ຕອນ ​​ແລະ ກຳລັງ​ພັດທະນາ​ສ້າງ​ລະບົບ​ຄຸ້ມ​ຄອງ​ທີ່​ທັນ​ສະ​ໄໝ ​ເພື່ອ​ເຮັດ​ໃຫ້​ເຊື່ອມ​ໂຍງ​ກັບ​ອາຊຽນ, ຊຶ່ງ​ປັດຈຸບັນ​ແຮງ​ງານ​ລາວທີ່​ໄປ​ອອກ​ແຮງ​ງານຢູ່ຕ່າງປະ​ເທດ, ​ໂດຍ​ສະ​ເພາະປະ​ເທດ​ໄທກໍ​ໄດ້​ມີ​ການ​ຂຶ້ນທະບຽນ ​ແລະ ປັບ​ສະຖານະ ສຳ​ເລັດ​ເປັນ​ຈຳນວນ​ຫລາຍ, ​ແຕ່​ກໍ​ເຫັນ​ວ່າຍັງ​ມີ​ແຮງ​ງານ​ຈຳນວນໜຶ່ງທີ່​ລັກ​ໄປ​ເຮັດ​ວຽກ​ແບບ​ບໍ່ຖືກຕ້ອງ, ສະ​ນັ້ນຈຶ່ງ​ເຮັດ​ໃຫ້ການ​ຄຸ້ມ​ຄອງບໍ່ມີ​ປະສິດທິພາບ.

- WhatsApp Image 2020 05 27 at 5 - ອາຊຽນຈະຫາລື​ບັນຫາ​ແຮງ​ງານ​ເຄື່ອນ​ຍ້າຍ
- WhatsApp Image 2020 05 27 at 5 - ອາຊຽນຈະຫາລື​ບັນຫາ​ແຮງ​ງານ​ເຄື່ອນ​ຍ້າຍ
error: Alert: ເນື້ອຫາຂ່າວມີລິຂະສິດ !!