ລາວຮ່ວມແລກປ່ຽນຄວາມຮູ້ດ້ານກະສິກຳໃນຂົງເຂດ ອາຊີ-ປາຊີຟິກ

- advert banner 728 90 728x90 - ລາວຮ່ວມແລກປ່ຽນຄວາມຮູ້ດ້ານກະສິກຳໃນຂົງເຂດ ອາຊີ-ປາຊີຟິກ

ໃນວັນທີ 18 ຕຸລານີ້, ສະຖານບັນຄົ້ນຄວ້າກະສິກຳ-ປ່າໄມ້ ແລະພັດທະນາຊົນນະບົດແຫ່ງຊາດ ຮ່ວມກັບສະຖາບັນຄົ້ນຄວ້າກະສິກຳ ອາຊີປາຊີຟິກ, ໄດ້ຈັດກອງປະຊຸມປຶກສາຫາລື ດ້ານຄວາມຮູ້ກະສິກຳຮ່ວມສຳພັນໃນເຂດອາຊີ-ປາຊີຟິກ, ໂດຍການເປັນປະທານຮ່ວມຂອງທ່ານ ຈັນສະໝອນ ພົງອຸດົມ ຮອງຫົວໜ້າສະຖາບັນຄົ້ນຄວ້າກະສິກຳ-ປ່າໄມ້ ແລະ ພັດທະນາຊົນນະບົດແຫ່ງຊາດ ແລະທ່ານ Ravi Khetarpal ເລຂານຸການຝ່າຍບໍລິຫານຂອງສະຖາບັນຄົ້ນຄວ້າກະສິກຳອາຊີປາ-ຊີຟິກ (APAARI) ແລະ ມີຜູ້ຕາງໜ້າຈາກປະເທດສະມາຊິກ APAARI ເຂົ້າຮ່ວມ.

- new3 - ລາວຮ່ວມແລກປ່ຽນຄວາມຮູ້ດ້ານກະສິກຳໃນຂົງເຂດ ອາຊີ-ປາຊີຟິກ

ທ່ານ ຈັນສະໝອນ ພົງອຸດົມ ກ່າວວ່າ: ການຈັດການຄວາມຮູ້ເພື່ອໃຫ້ເກີດລະບົບການພັດທະນາທີ່ທັນສະໄໝທາງດ້ານກະສິກຳມີປະສິດທິພາບຫຼາຍຂຶ້ນ, ຊຶ່ງໃນໄລຍະຜ່ານມາ ວຽກງານກະສິກຳຂອງລາວເຖິງວ່າມີການຂະຫຍາຍຕົວຢ່າງຕໍ່ເນື່ອງ, ແຕ່ກໍບໍ່ປາສະຈາກສິ່ງທ້າທາຍຕ່າາງໆ ຊຶ່ງທົ່ວໂລກກໍພວມປະເຊີນຢູ່ ເປັນຕົ້ນແມ່ນ ຄວາມໝັ້ນຄົງທາງດ້ານສະບຽງອາຫານ ແລະ ການປ່ຽນແປງຂອງສະພາບອາກາດ ແລະ ຄວາມທ້າທາຍນີ້ຈະຕ້ອງໄດ້ຮັບການແກ້ໄຂຢ່າງຮີບດ່ວນ ດ້ວຍການປະສານງານ ແລະ ຮ່ວມມືທີ່ເຂັ້ມແຂງ ລະຫວ່າງ ພາກລັດ, ສະຖາບັນ ແລະ ຊຸມຊົນທ້ອງຖິ່ນໃນຂອບເຂດທົ່ວປະເທດ, ພ້ອມທັງມີການລົງທຶນເຂົ້າໃນຊຸມຊົນຊາວນາຢ່າງຕໍ່ເນື່ອງ ແລະ ເຊື່ອມໂຍງກັບຕະຫຼາດ, ການເຂົ້າເຖິງນະໂຍບາຍ ແລະ ກອບກົດໝາຍທີ່ຈຳເປັນ, ດັ່ງນັ້ນ ກະຊວງກະສິກຳ ແລະ ປ່າໄມ້ ຕ້ອງໄດ້ເອົາໃຈໃສ່ຢ່າງສູງຄວາມອາດສາມາດແຂ່ງຂັນໄດ້ ເພື່ອໃຫ້ເກີດການພັດທະນາ ແລະ ຄວາມກ້າວໜ້າຂອງພາກພື້ນຫຼາຍຂຶ້ນ.

ໃນນາມທີ່ສະຖາບັນຄົ້ນຄວ້າກະສິກຳ-ປ່າໄມ້ ແລະ ພັດທະນາຊົນນະບົດແຫ່ງຊາດ ຂອງລາວ, ທີ່ເປັນສະມາຊິກໜຶ່ງຂອງສະມາຄົມການຄົ້ນຄວ້າກະສິກຳຂອງອາຊີ, ສະນັ້ນ, ໃນກອງປະຊຸມຄັ້ງນີ້ ຈະເປັນໂອກາດໜຶ່ງໃຫ້ສະຖາບັນດັ່ງກ່າວ ໄດ້ຮຽນຮູ້ກັບບັນດາປະເທດສະມາຊິກ ການພັດທະນາກ່ຽວກັບຂໍ້ມູນທາງດ້ານການຄົ້ນຄວ້າກະສິກຳໄປສູ່ຊາວກະສິກອນ, ທັງເປັນການປັບປຸງດ້ານຄວາມເຂັ້ມແຂງໃຫ້ສະຖາບັນຄົ້ນຄວ້າຂອງ ສປປ ລາວ, ຊຶ່ງເປັນປະເທດທີ່ມີການຄົ້ນຄວ້າໜ້ອຍ ຖ້າທຽບໃສ່ປະເທດທີ່ເປັນສະມາຊິກອື່ນໆໃນໄລຍະຜ່ານມາ ແລະ ອີກດ້ານໜຶ່ງແມ່ນເປັນການພັດທະນາະລະບົບເຄືອຂ່າຍທີ່ເຊື່ອມໂຍງລະຫວ່າງຂົງເຂດ ອາຊີ-ປາຊີຟິກ ໃຫ້ກວ້າງຂວາງ ແລະ ໄປສູ່ວົງກວ້າງ ເປັນຕົ້ນແມ່ນ ນັກຄົ້ນຄວ້າ, ອາຈານທີ່ສິດສອນ ແລະ ຜູ້ເປັນສະມາຊິກເຄືອຂ່າຍກະສິກຳ, ດັ່ງນັ້ນ, ພາຍຫຼັງທີ່ຮຽນຮູ້ຈາກກອງປະຊຸມດັ່ງກ່າວແລ້ວ, ລາວຈະມີການປັບ ປຸງແນວໃດ ໃຫ້ສາມາດເຂົ້າກັບອົງການສາກົນ ໂດຍສະເພາະ ໃນຂົງເຂດອາຊີປາ-ຊີຟິກ ນັ້ນກໍຄື ອົງການກະສິກຳໃນທົ່ວໂລກ.

error: Content is protected !!