ສຳມະນາວິທະຍາສາດພາຍໃຕ້ຫົວຂໍ້ເມືອງວຽງໄຊ ຖານທີ່ໝັ້ນຂອງການປະຕິວັດລາວ

- advert banner 728 90 728x90 - ສຳມະນາວິທະຍາສາດພາຍໃຕ້ຫົວຂໍ້ເມືອງວຽງໄຊ ຖານທີ່ໝັ້ນຂອງການປະຕິວັດລາວ

- seminar - ສຳມະນາວິທະຍາສາດພາຍໃຕ້ຫົວຂໍ້ເມືອງວຽງໄຊ ຖານທີ່ໝັ້ນຂອງການປະຕິວັດລາວ

ຂປລ. ກອງປະຊຸມສຳມະນາວິທະຍາສາດພາຍໃຕ້ຫົວຂໍ້: “ເມືອງວຽງໄຊ-ຖານທີ່ໝັ້ນຂອງການປະຕິວັດລາວ” ຄົບຮອບ 50 ປີ (30 ພະຈິກ 1968-30 ພະຈິກ 2018) ໄດ້ຈັດຂຶ້ນ​ໃນວັນທີ 18 ຕຸລານີ້, ທີ່ຫໍປະຊຸມແຫ່ງຊາດ,​ໂດຍການເປັນປະທານຂອງທ່ານ ພັນຄຳ ວິພາວັນ ຮອງປະທານປະເທດ ​ແຫ່ງ ສປປ ລາວ ແລະ ​ໄດ້​ຍົກ​ໃຫ້​ເຫັນປະຫວັດ​ຄວາມ​ເປັນ​ມາ, ​ຄວາມ

​ໝາຍ​ຄວາມ​ສຳຄັນຂອງ​ການ​ສ້າງ​ຕັ້ງ​ເມືອງ​ວຽງ​ໄຊ ວ່າ: ​ການ​ສ້າງ​ຕັ້ງ​ເມືອງ​ວຽງ​ໄຊ, ​ແຂວງ​ຫົວພັນ​ໃຫ້​ກາຍ​ເປັນ​ພື້ນຖານ​ທີ່​ແໜ້ນ​​ແກ່ນ, ​ເປັນ​ແນວ​ຫລັງ​ອັນ​ໜັກ​ແໜ້ນຂອງ​ການ​ປະຕິວັດເຮົາ​ໃນ​ໄລຍະ​ຕໍ່ສູ້ຕ້ານ​ການ​ຮຸກ​ຮານ ​ແລະ ​ແຊກ​ແຊງ​ຂອງ​ພວກ​ລ່າ​ເມືອງ​ຂຶ້ນ, ​ເຮັດ​ສຳ​​ເລັດ​ການ​ປະຕິວັດຊາດ​ປະຊາທິປະ​ໄຕ​ນັ້ນ, ​ເປັນ​ເຫດການ​ອັນ​ໂດດ​ເດັ່ນ ​ແລະ ​ໃສ​ແຈ້ງ​ທີ່​ສຸດອັນ​ໜຶ່ງ​ທີ່ສະ​ແດງ​ອອກ​ເຖິງ​ການ​ນຳ​ພາ​ອັນ​ຖືກຕ້ອງສະຫລາດ​ສ່ອງ​ໃສ​ຂອງ​ພັກ​ເຮົາທີ່​ຮູ້​ກຳນົດ​ແນວທາງການ​ຕໍ່ສູ້​ປະຕິວັດຢ່າງ​ສອດຄ່ອງ, ​ໂດຍ​ເອົາ​ຈິດ​ໃຈ​ຮັກ​ຊາດ​ອັນ​ດູດ​ດື່ມຕິດ​ພັນ​ກັບ​ລັດທິມາກ-​ເລ​ນິນ, ​ເອົາ​ຂະ​ບວນການ​ປະຕິວັດ​ຂອງ​ປະ​ເທດ​ເຮົາ ຕິດ​ພັນ​ກັບ​ຂະ​ບວນການ​ປະຕິວັດຂອງ​ປະ​ເທດ​ເພື່ອນ​ມິດ​ຍຸດ​ທະ​ສາດ ​ແລະ ຂອງ​ໂລກ, ນຳພາ​ຂະ​ບວນການ​ປະຕິວັດ​ຂອງ​ປະ​ເທດ​ເຮົາຍາດ​ເອົາ​ໄ​ຊຊະນະເທື່ອ​ລະ​ກ້າວ ແລະ ກ້າວ​ໄປ​ເຖິງການປົດປ່ອຍປະເທດຊາດໄດ້​ຢ່າງ​ສົມບູນ.

- 1 1 - ສຳມະນາວິທະຍາສາດພາຍໃຕ້ຫົວຂໍ້ເມືອງວຽງໄຊ ຖານທີ່ໝັ້ນຂອງການປະຕິວັດລາວ
- Tiger Head 728x90 - ສຳມະນາວິທະຍາສາດພາຍໃຕ້ຫົວຂໍ້ເມືອງວຽງໄຊ ຖານທີ່ໝັ້ນຂອງການປະຕິວັດລາວ

ທ່ານຮອງປະທານປະເທດ ໃຫ້​ຮູ້​ຕື່ມວ່າ: ການ​ສຳ​ມະ​ນາ​ຄັ້ງ​ນີ້, ​ແມ່ນມີ​ຄວາ​ມໝາຍ​ສຳຄັນ​ຫລາຍ, ​ເພາະ​​ເປັນ​ການ​ຄົ້ນຄວ້າ, ສັງ​ລວມທິດ​ສະ​ດີ ​ແລະ ພຶດຕິ​ກຳ​ແຫ່ງ​ການ​ຊີ້​ນຳ, ນຳພາ​ ພາລະກິດ​ປະຕິວັດ ​ໃນ​ແຕ່ລະ​ໄລຍະ​ຂອງ​ພັກ​ເຮົາ ​ໂດຍ​ສະ​ເພາະ​ແມ່ນ ການ​ວາງ​ແຜນ​ຍຸດ​ທະ​ສາດ, ຍຸດ​ໂທ​ບາຍ ​ແລະ ວິທີ​ການ​ປະຕິວັດ​ອອກ​ຢ່າງ​ຖືກຕ້ອງ, ສອດຄ່ອງ ​ໃນ​ໄລຍະ​ຂອງ​ການ​ຕໍ່ສູ້​ກູ້​ຊາດ, ຕ້ານ​ລັດທິ​ລ່າ​ເມືອງ​ຂຶ້ນ​ແບບ​ເກົ່າ ​ແລະ ​ແບບ​ໃໝ່. ທັງ​​ເປັນ​ໂອກາດ​ທີ່​ສຳຄັນ ​ໃຫ້​ແກ່ການ​ສຶກສາ​ອົບຮົມ​ພະນັກງານ, ສະມາຊິກ​ພັກ, ທະຫານ, ຕຳຫລວດ ຕະຫລອດ​ຮອດ​ປະຊາຊົນ​ລາວ​ບັນດາ​ເຜົ່າ​ໃນ​ທົ່ວ​ປະ​ເທດ, ​ໂດຍ​ສະ​ເພາະ​ແມ່ນ​ຄົນ​ຮຸ່ນ​ໝຸ່ມ, ຮຸ່ນ​ສືບ​ທອດ ທີ່​ເປັນ​ອານາ​ຄົດ​ຂອງ​ຊາດ ​ໃຫ້​ຮັບ​ຮູ້ ​ແລະ ​ເຂົ້າ​ໃຈ​ຢ່າງ​ເລິກ​ເຊິ່ງ, ຈະ​ແຈ້ງ​ ກ່ຽວ​ກັບ​ເສັ້ນທາງກ້າວ​ເດີນ​ລະ​ອິດ​ລະ​ອ້ຽວຂອງ​ການ​ປະຕິວັດ, ​ເສີມ​ຂະຫຍາຍ​ມູນ​ເຊື້ອ​ຕໍ່ສູ້​ມີ​ໄຊ ​ແລະ ການ​ນຳພາ​ອັນ​ສະຫລາດ​ສ່ອງ​ໃສ​ຂອງ​ພັກ ກໍ​ຄື​ ການຈົດ​ຈຳ​ລຳ​ລຶກຜົນງານ, ຄຸນ​ງາມຄວາມ​ດີ ​ແລະ ​ຮ່ຳຮຽນ​ເອົາ​ແບບຢ່າງ​ທີ່​ດີ, ​ແບບ​ແຜນ​ດຳລົງ​ຊີວິດ, ຄຸນສົມບັດ​ສິນ​ທຳ​ປະຕິວັດ ຂອງ​ບັນດາ​ຜູ້ນຳ​ການ​ປະຕິວັດ​ຮຸ່ນ​ກ່ອນ, ສືບ​ຕໍ່ປົກ​ປັກ​ຮັກສາ ​ແລະ ​ເສີມ​ຂະຫຍາຍ​ມູນ​ເຊື້ອ​ອັນ​ສະຫງ່າ​ອົງ​ອາດ ຂອງ​ກຳລັງ​ປະກອບ​ອາວຸດ ​ແລະ ປະຊາຊົນ​ລາວ​ບັນດາ​ເຜົ່າ​ ໃນ​ທົ່ວ​ປະ​ເທດ ​ເວົ້າ​ລວມ, ​ເວົ້າ​ສະ​ເພາະ ​ແມ່ນ​ມູນ​ເຊື້ອ​​ອົງ​ອາດ​ກ້າຫານຕໍ່ສູ້​ບໍ່​ຍອມ​ຈຳນົນ, ​ເດັດດ່ຽວ​ໜຽວ​ແໜ້ນຂອງ​ປະຊາຊົນ​ຊາວ​ເມືອງ​ວຽງ​ໄຊ, ​ແຂວງ​ຫົວພັນ ທີ່​ປະກອບສ່ວນ​ຢ່າງ​ຕັ້ງໜ້າ, ຄຽງ​ບ່າ​ຄຽງ​ໄຫລ່ ກັບ​ກຳລັງ​ປະກອບ​ອາວຸດ ​ໃນ​ການ​ຕໍ່ສູ້​ກັບ​ຈັກກະພັດ​ອາ​ເມ​ລິ​ກາ ​ແລະ ລູກ​ແຫລ້ງ​ຕີນ​ມື​ຂາຍ​ຊາດ​ຂອງ​ພວກ​ມັນ ​ເພື່ອ​ຍາດ​ເອົາ​ເອກະ ລາດ, ປະຊາທິປະ​ໄຕ ​ແລະ ອິດສະຫລະພາບ ​ມາສູ່​ປະຊາຊົນ​ລາວ ​ທັງ​ຊາດ.

error: Content is protected !!