ເຊີນທ່ຽວງານບຸນອອກພັນສາທີ່ບໍລິຄຳໄຊໄປຊົມບັ້ງໄຟພະຍານາກ

- advert banner 728 90 728x90 - ເຊີນທ່ຽວງານບຸນອອກພັນສາທີ່ບໍລິຄຳໄຊໄປຊົມບັ້ງໄຟພະຍານາກ

ໂດຍ: ຊາຍພະເນຈອນ

ປັດຈຸບັນ, ປະຊາຊົນ ລາວ ບັນດາເຜົ່າຢູ່ຫຼາຍທ້ອງຖິ່ນກໍ ໄດ້ພາກັນຫ້າງຫາກະກຽມເພື່ອ ເຮັດບຸນອອກພັນສາ ປະວໍລະນາ ພສ.2561 ແລະ ບຸນຊ່ວງເຮືອ ປະເພນີທີ່ຈະຈັດຂຶ້ນໃນວັນທີ 24-25ຕຸລານີ້, ພິເສດຢູ່ແຂວງ ບໍລິຄໍາໄຊ ຍັງຈະມີກິດຈະກໍາ ຮ່ວມຊົມບັ້ງໄຟພຸພົ່ນຂຶ້ນມາ ຈາກໜ້ານໍ້າໃນຄືນວັນເພັງ ເດືອນ 11ລາວຂອງທຸກໆປີ ເປັນ ມື້ອອກພັນສາປະວໍລະນາ ທີ່ປະຊາຊົນເຄີຍເອີ້ນກັນມາ ວ່າ: ບັ້ງໄຟພະຍານາກອັນເປັນ ປະກົດການທີ່ລຶກລັບ ແລະ ມະ ຫັດສະຈັນທາງທໍາມະຊາດ ໂດຍບໍ່ມີໃຜສາມາດພິສູດ ແລະ ຮູ້ໄດ້ຢ່າງຊັດເຈນວ່າ: ປະກົດ ການດັ່ງກ່າວເກີດມາຈາກໃສ? ເປັນຫຍັງຈຶ່ງເກີດມີປະກາຍ ໄຟພົ່ນຂຶ້ນມາຈາກໜ້ານໍ້າໄດ້? ຈົນມາຮອດທຸກວັນນີ້.

 

ທ່ຽວບຸນວັດພູມໍລະດົກໂລກທີ່ແຂວງຈຳປາສັກ2018/

ບຸນຊ່ວງ​ເຮືອ​ວັດ​ຈັນ 2018 ຈະ​ປິດ​ 2 ​ເສັ້ນທາງ ​ເພື່ອ​​ຄວາມ​ສະດວກຜູ້​ມາ​ທຽ່ວຊົມ2018/

ປະກົດການດັ່ງກ່າວ ໃນ ຜ່ານມາຢູ່ແຂວງບໍລິຄໍາໄຊມັກ ເກີດຂຶ້ນຢູ່ສອງຈຸດຄື: ເກີດຂຶ້ນ ຕາມລໍາແມ່ນໍ້າຂອງເຂດບ້ານ ໂພນສັນ ແລະ ບ້ານເວີນທາດ, ເມືອງທ່າພະບາດ ແລະ ປະ ກົດຕົວໃຫ້ເຫັນປີໜຶ່ງມີເທື່ອ ດຽວ ແລະ ຍາມດຽວເທົ່ານັ້ນ, ໂດຍໄດ້ເກີດມີແສງປະກາຍຮຸ່ງ ເໝືອນດັ່ງໄຟພຸພົ່ນຂຶ້ນຈາກ ໜ້ານໍ້າທີ່ມີຄວາມສູງປະມານ 10-15ແມັດແລ້ວກໍດັບມອດໄປ.

- Tiger Head 728x90 - ເຊີນທ່ຽວງານບຸນອອກພັນສາທີ່ບໍລິຄຳໄຊໄປຊົມບັ້ງໄຟພະຍານາກ
- 1 1 - ເຊີນທ່ຽວງານບຸນອອກພັນສາທີ່ບໍລິຄຳໄຊໄປຊົມບັ້ງໄຟພະຍານາກ

ຕາມການບອກເລົ່າຂອງ ພະອາຈານ ຢູ່ເຂດນີ້ໃຫ້ຮູ້ວ່າ: ຕາມຄໍາທໍານາຍ ແລະ ຄາດ ເດົາໄວ້ວ່າ ປະກົດການດັ່ງກ່າວ ນັ້ນ, ແມ່ນການສະເຫຼີມສະ ຫຼອງຂອງບັນດານາກທັງຫຼາຍ ຢູ່ພື້ນບາດານເພື່ອທໍາພິທີບູຊາ ພະພຸດທະເຈົ້າດ້ວຍຄວາມ ເຫຼື້ອມໃສສັດທາ, ເຊິ່ງຈຸດທີ່ ເລີ່ມຂຶ້ນຂອງບັ້ງໄຟພະຍານາກ ແມ່ນຈາກປາກຖໍ້າ ທີ່ຢູ່ທາງ ເໜືອຂອງວັດໂພນສັນໄປປະ ມານ 300-400ແມັດ.

ບັ້ງໄຟນີ້, ຈະພຸ່ງຂຶ້ນໃນ ຊ່ວງໄລຍະເວລາປະມານ 18:30-20:00ໂມງ ໂດຍຂຶ້ນ ມາພ້ອມໆກັນກັບຄູບາອາຈານ ແລະ ອອກຕົນຍາດໂຍມຊາວ ພຸດທັງຫຼາຍກໍາລັງເຮັດພິທີທາງ ສາສະໜາ, ວຽນທຽນ, ຕີຄ້ອງ- ຕີກອງໃນຊ່ວງເວລາເທດສະ ການບຸນອອກພັນສາ.
ຈາກເຫດການດັ່ງກ່າວ ມາ ນັ້ນ, ເຊິ່ງມາຮອດປັດຈຸບັນ ກໍຍັງບໍ່ມີຜູ້ໃດສາມາດຮູ້ໄດ້ວ່າ: ແມ່ນປະກົດການອັນໃດແທ້, ເຊີ່ງ ຫຼາຍໆຄົນກໍພຽງເດົາຖືກ ເດົາຜິດວ່າ: ຢູ່ພື້ນນໍ້າອາດມີ ທາດເຄມີ, ເຊິ່ງໄດ້ມີການປ່ຽນ ແປງປະຕິກິລິຍາທາງທໍາມະ ຊາດເມື່ອເຖິງກໍານົດເວລາມັນ ກໍເກີດຄວາມກົດດັນທາດດັ່ງ ກ່າວຂຶ້ນ, ແຕ່ດ້ວຍເຫດການ ບັງເອີນເກີດຂຶ້ນພ້ອມໆກັນ ແລະ ເວລາດຽວກັນຄືຄືນວັນ ເພັງ ອອກພັນສາປະວໍລະນາ ຈຶ່ງເຮັດໃຫ້ປະຊາຊົນມີຄວາມ ເຊື່ອວ່າແມ່ນ ບັ້ງໄຟພະຍານາກ ແລະ ບໍ່ສາມາດລົບລ້າງແນວ ຄວາມຄິດນີ້ໄດ້ຈົນຮອດປັດຈຸບັນ.

ການຈັດງານບຸນ ອອກພັນ ສາປະວໍລະນາປະຈໍາປີ 2018ຢູ່ແຂວງບໍລິຄໍາໄຊປີນີ້, ນັບວ່າ ເປັນປີພິເສດກັບປີທ່ອງທ່ຽວ ລາວ, ທີ່ທາງອົງການປົກ ຄອງທ້ອງຖິ່ນ ດັ່ງກ່າວຈະ ໄດ້ມີການ ຈັດກິດຈະກໍາອັນ ຍິ່ງໃຫຍ່ຂຶ້ນໃນລະຫວ່າງວັນທີ 23-24ຕຸລານີ້, ໂດຍມີສາມກິດ ຈະກໍາໃຫຍ່ຄື: ຊ່ວງເຮືອມິດຕະ ພາບ 3 ປະເທດ ລາວ, ໄທ ແລະ ຫວຽດນາມ, ການວຽນທຽນ ໃຫຍ່ອ້ອມພະທາດພະບາດໂພນສັນ ແລະ ການຊົມບັ້ງໄຟພະ ຍານາກ. ການຈັດງານຍິ່ງໃຫຍ່ ປີນີ້ເປັນຄັ້ງປະຫວັດສາດທັງ ນີ້ ກໍເພື່ອເປັນການດຶງດູດນັກ ທ່ອງທ່ຽວທັງພາຍໃນ ແລະ ຕ່າງປະເທດເຂົ້າມາທ່ຽວຊົມໃຫ້ຫຼາຍຂຶ້ນຕາມກໍານົດເປົ້າໝາຍ ເຖິງ 3 ແສນຄົນ ແລະ ປັດຈຸ ບັນນີ້ແມ່ນກໍາລັງຂຸ້ນຂ້ຽວຫ້າງຫາກະກຽມວັດຖຸປັດໃຈ ແລະ ສະຖານທີ່ຈັດງານດັ່ງກ່າວເພື່ອຮອງຮັບບັນດານັກທ່ອງທ່ຽວ ເຂົ້າມາທ່ຽວຊົມໃຫ້ສະດວກ ສະບາຍ, ມີບັນຍາກາດເບີກ ບານມ່ວນຊື່ນລື້ນເລິງ ແລະ ຮັກສາໄດ້ຄວາມສາມັກຄີຮັກ ແພງປະຊາຊົນບັນດາເຜົ່າ ແລະ ໃຫ້ຖືກຕ້ອງສອດຄ່ອງ ຕາມ ຮີດຄອງປະເພນີອັນດີງາມ ຂອງຊາດລາວເຮົາ./.

- 8541114 - ເຊີນທ່ຽວງານບຸນອອກພັນສາທີ່ບໍລິຄຳໄຊໄປຊົມບັ້ງໄຟພະຍານາກ

error: Content is protected !!