23 ຕຸລານີ້ ຈີນຈະເປີດຂົວ ຂ້າມທະເລຍາວທີ່ສຸດໃນໂລກ

- advert banner 728 90 728x90 - 23 ຕຸລານີ້ ຈີນຈະເປີດຂົວ ຂ້າມທະເລຍາວທີ່ສຸດໃນໂລກ

​ໃນ​ທີ່​ສຸດ​ ລັດຖະບານ​ຈີນ​ກໍ​ປະກາດ​ກຳນົດ​ວັນ​ເປີດ ຂົວ​ຂ້າມ​ທະ​ເລ​ຍາວ​ທີ່​ສຸດ​ໃນ​ໂລກ ​ເຊື່ອມ​ຕໍ່​ຮົງ​ກົງ, ມາ​ເກົາ ​ແລະ ຈີນ ​ເປັນ​ວັນ​ທີ 23 ຕຸລາ​ນີ້ ຫລັງ​ຈາກ​ເລື່ອນ​ມາ​ດົນ.

ສຳນັກ​ຂ່າວ AFP ລາຍ​ງານ​ວ່າ: ການ​ກໍ່​ສ້າງ​ເລີ່​ມ​ແຕ່​ວັນ​ທີ 15 ທັນວາ 2009 ມີ​ຄວາມ​ຍາວ 55 ກິ​ໂລ​ແມັດ ​ເຊິ່ງລວມທັງ​ຂົວ ​ແລະ ອຸ​ໂມງ ​ເຊື່ອມ​ຕໍ່​ເກາະ​ລັນ​​ເຕົາ​ຂອງ​ຮົງ​ກົງ ​ໄປ​ເມືອງ​ຈູ​ໄຫ່​ໃນ​ແຂວງ​ກວາງຕຸ້ງ ​ແລະ ມາ​ເກົາ ດິນ​ແດນ​ກາສິ​ໂນ ​ໂດຍ​ຂ້າມ​ທະ​ເລ​ບໍລິ​ເວນ​ປາກ​ແມ່ນ້ຳຈູ​ຈຽງ.

ສື່​ທ້ອງ​ຖິ່ນ​ໄດ້​ຮັບ​​ເຊີນ​ຈາກ​ສຳນັກງານ​ປະສານ​ງານ​ປັກ​ກິ່ງ​ໃນ​ຮົງ​ກົງ ​ໃນ​ວັນ​ທີ 17 ຕຸລາ ​ເພື່ອ​ໄປ​ຮ່ວມ​ງານ “ພິ​ທີ​ເປີດ” ຢູ່​ເມືອງ​ຈູ​ໄຫ່ ​ໃນ​ວັນ​ທີ 23 ຕຸລາ​ນີ້ ​ໂດຍ​ບໍ່​ໃຫ້​ລາຍ​ລະອຽດ​ເພີ​່ມຕື່ມ ​ແລະ ມີ​ລາຍ​ງານ​ວ່າ: ປະທານ​ປະ​ເທດ ສີ ຈິ້ນຜິ​ງ ຜູ້ນຳ​ຈີນ ຈະ​ເດີນທາງ​ມາ​ເປັນ​ປະທານ​ໃນ​ພິທີ, ​ແຕ່​ຍັງ​ບໍ່​ມີ​ການ​ຢືນຢັນ​ຢ່າງ​ເປັນ​ທາງ​ການ.

- lattana 1 - 23 ຕຸລານີ້ ຈີນຈະເປີດຂົວ ຂ້າມທະເລຍາວທີ່ສຸດໃນໂລກ
- 1 1 - 23 ຕຸລານີ້ ຈີນຈະເປີດຂົວ ຂ້າມທະເລຍາວທີ່ສຸດໃນໂລກ

​ແຕ່​ໜັງສືພິມ​ໄຊ​ນາ ​ເດ​ລີ ຂອງ​ຈີນ ລາຍ​ງານ​ໂດຍ​ອ້າງ​ການ​ເປີດ​ເຜີຍ​ຂອງ​ເຈົ້າໜ້າ​ທີ່​ຈີນ​ທີ່​ກ່ຽວຂ້ອງ​ກັບ​ໂຄງການ​ວ່າ: ຂົວ​ຈະ​ເປີດ​ໃຫ້​ລົດ​ແລ່ນ​ໃນ​ວັນ​ດຽວ​ກັນ ຫລັງ​ສຳ​ເລັດ​ພິທີ​ເປີດ​ຢ່າ​ງ​ເປັນ​ທາງ​ການ.

error: Content is protected !!