ເຄັດລັບຊ່ວຍໃຫ້ສະໝອງເຮັດວຽກດີໄປດົນໆ

- 030805 - ເຄັດລັບຊ່ວຍໃຫ້ສະໝອງເຮັດວຽກດີໄປດົນໆ
- Untitled design - ເຄັດລັບຊ່ວຍໃຫ້ສະໝອງເຮັດວຽກດີໄປດົນໆ

ສະໝອງເປັນອະໄວຍະວະທີ່ມີຜົນຕໍ່ການດຳລົງຊີວິດປະຈຳວັນຂອງມະນຸດ, ແຕ່ເມື່ອອາຍຸຫລາຍຂຶ້ນ ສະໝອງຍ່ອມມີການເສື່ອມຖອຍໄປຕາມໄວ ເຮັດໃຫ້ປະສິດທິພາບໃນການຄິດ, ຈື່ຈຳ ແລະ ເຮັດສິ່ງຕ່າງໆຫລຸດໜ້ອຍລົງເມື່ອອາຍຸຫລາຍຂຶ້ນ. ການເບິ່ງແຍງສະໝອງໃຫ້ມີສຸຂະພາບດີນັບແຕ່ຫົວທີຈະຊ່ວຍຫລຸດໂອກາດເປັນພະຍາດອັລໄຊເມີ ຫລື ຄວາມຈື່ຈຳເສື່ອມເມື່ອເຖົ້າໄດ້ ເຊິ່ງພົບໄດ້ຫລາຍທີ່ສຸດໃນກຸ່ມຄົນອາຍຸ 60 ປີຂຶ້ນໄປ ຫາກບໍ່ຢາກສະໝອງເສື່ອມ ຈຶ່ງຄວນຫາວິທີປ້ອງກັນດັ່ງນີ້ :

- Wave100S AD to Website 2020 0 - ເຄັດລັບຊ່ວຍໃຫ້ສະໝອງເຮັດວຽກດີໄປດົນໆ
  1. ອອກກຳລັງກາຍສະໝໍ່າສະເໝີມື້ລະ 30 ນາທີ : ແນະນຳໃຫ້ເຕັ້ນແອໂຣບິກ ເພາະຊ່ວຍໃຫ້ເລືອດໄປລ້ຽງສະໝອງດີີຂຶ້ນ ແລະ ກະຕຸ້ນການເຮັດວຽກຂອງແຊນສະໝອງ ຫລື ເສີມກຳລັງກ້າມຊີ້ນ  ຫລື ສ້າງຄວາມດຸ່ນດ່ຽງຂອງຮ່າງກາຍ ເຊັ່ນ : ລຳມວຍຈີນ, ໂຢຄະ ແລະ ການຢືນຂາດຽວ.
  2. ກິນອາຫານເສີມສຸຂະພາບສະໝອງ : ຄວນຫລີກເວັ້ນອາຫານທີ່ມີໄຂມັນ, ຄໍເລສເຕີໂຣນສູງ ແລະ ຄວບຄຸມນຳ້ໜັກໂຕໃຫ້ຢູ່ໃນເກນປົກກະຕິ ຈະຊ່ວຍຫລຸດຄວາມສ່ຽງເປັນອັລໄຊເມີ 2 – 6 ເທົ່າ, ຄວນປຸງແຕ່ງອາຫານໂດຍວິທີອົບ ຫລື ປີ້ງແທນການຈືນ, ໃຊ້ນຳ້ມັນທີ່ບໍ່ເປັນໂທດຕໍ່ຮ່າງກາຍ ເຊັ່ນ : ນຳ້ມັນໝາກກອກ, ກິນຜັກ ແລະ ໝາກໄມ້ທີ່ມີສານແອນຕີອັອກຊິແດນສູງ ໄດ້ແກ່ : ຜັກ ແລະ ໝາກໄມ້ເປືອກສີສົ້ມ, ຜັກຫົມ, ຜັກກາດດອກ, ຫົວຜັກບົ່ວໃຫຍ່, ໝາກສາລີ, ໝາກເຂືອຫຳມ້າ, ພືດຕະກູນຖົ່ວ, ໝາກພຸນ, ໝາກເບີີຣີຊະນິດຕ່າງໆ ແລະ ອາຫານທີ່ມີກົດໄຂມັນໂອເມກ້າ 3 ເຊັ່ນ : ປາທູ, ເຄື່ອງອົບ, ໝາກເຜັດ, ຜັກທຽມ, ຂີງ, ຂີ້ໝິ້ນ ເປັນຕົ້ນ.
  3. ມີກິດຈະກຳທາງສັງຄົມສະໝໍ່າສະເໝີ : ເປັນຕົ້ນແມ່ນການເຂົ້າຮ່ວມກິດຈະກຳໃນສະມາຄົມຕ່າງໆ ຫລື ການຮ່ວມກິດຈະກຳ ອາສາສະໝັກ ຫລື ແມ່ນແຕ່ການທ່ອງທ່ຽວ.
  4. ຮັກສາສຸຂະພາບໃຈ : ອາການຈິດຕົກຈະສົ່ງຜົນຕໍ່ການສື່ສານລະຫ່ວາງແຊນປະສາດ, ບໍ່ຄວນເຄັ່ງຄຽດ ຫລື ເຮັດໂຕເສົ້າ ໝອງ, ຄວນຝຶກສະມາທິ.
  5. ມີຫົວໃຈທີ່ແຂງແຮງ : ຫລັກຖານທາງວິທະຍາສາດຢັ້ງຢືນວ່າການມີຫົວໃຈທີ່ແຂງແຮງກ່ຽວຂ້ອງກັບການມີສຸຂະພາບສະ ໝອງທີ່ແຂງແຮງນຳ ເນື່ອງຈາກ 20% ຂອງເລືອດທີ່ຟອກອອກຈາກຫົວໃຈຈະໄປລ້ຽງສະໝອງ, ຄວບຄຸມລະດັບນຳ້ຕານ ແລະ ໄຂມັນໃນເລືອດ, ຮັກສາຄວາມດັນເລືອດໃຫ້ຢູ່ໃນເກນປົກກະຕິ ແລະ ບໍ່ຄວນສູບຢາ.
  6. ຮັກສາໂຕເລກຕ່າງໆຂອງຊີວິດໃຫ້ເໝາະສົມ : ນັບແຕ່ຄວາມດັນເລືອດ, ລະດັບນຳ້ຕານໃນເລືອດ, ລະດັບໄຂມັນຄໍເລສເຕີ ໂຣນໃນເລືອດ ແລະ ນຳ້ໜັກໂຕ, ໝັ່ນກວດສຸຂະພາບເປັນປະຈຳ.
  7. ຝຶກສະໝອງ : ຮຽນຮູ້ສິ່ງໃໝ່ໆ, ຂຽນ ຫລື ອ່ານໜັງສື, ຫລິ້ນເກມທວາຍຄຳສັບ ຫລື ຄຳປິດສະໜາ, ຕໍ່ຮູບພາບຈິກຊໍ, ເກມ ຈັບຄູ່, ຟັງສຳມະນາ, ຮັບຊົມການສະແດງ, ເຂົ້າຝຶກອົບຮົມ ຫລື ຫລິ້ນເກມ, ຕົກແຕ່ງສວນ.
- WhatsApp Image 2020 05 27 at 5 - ເຄັດລັບຊ່ວຍໃຫ້ສະໝອງເຮັດວຽກດີໄປດົນໆ
- WhatsApp Image 2020 05 27 at 5 - ເຄັດລັບຊ່ວຍໃຫ້ສະໝອງເຮັດວຽກດີໄປດົນໆ
error: Alert: ເນື້ອຫາຂ່າວມີລິຂະສິດ !!