ນະຄອນຫລວງຈະສຸມໃສ່ສະກັດກັ້ນອຸປະຕິເຫດໄລຍະບຸນອອກພັນສາ

- traffic - ນະຄອນຫລວງຈະສຸມໃສ່ສະກັດກັ້ນອຸປະຕິເຫດໄລຍະບຸນອອກພັນສາ
- Untitled design - ນະຄອນຫລວງຈະສຸມໃສ່ສະກັດກັ້ນອຸປະຕິເຫດໄລຍະບຸນອອກພັນສາ

ໃນວັນທີ 19 ຕຸລານີ້, ຫ້ອງຕໍາຫລວດນະຄອນຫລວງວຽງຈັນ, ໄດ້ຈັດກອງປະຊຸມວາງແຜນຄວບຄຸມອຸປະຕິເຫດ ແລະ ອໍານວຍຄວາມສະດວກໃນງານບຸນອອກພັນສາ ແລະ ຊ່ວງເຮືອ ລະຫວ່າງວັນທີ 22-25 ຕຸລານີ້, ໂດຍການເຂົ້າຮ່ວມຂອງທ່ານພັນໂທ ຢຸດຕະພົງ ສຸວັນນະສິງ ຮອງຫ້ອງຕໍາຫລວດນະຄອນຫລວງວຽງຈັນ.

ຫົວໜ້າພະແນກຈະລາຈອນນະຄອນຫລວງວຽງຈັນ ໃຫ້ຮູ້ວ່າ: ບຸນອອກພັນສາ ແລະ ຊ່ວງເຮືອວັດຈັນໃນນະຄອນຫລວງວຽງຈັນ ເປັນບຸນປະເພນີທີ່ປະຕິບັດກັນມາແຕ່ດົນນານ, ຊຶ່ງປີນີ້ຄາດວ່າຈະມີມວນຊົນເຂົ້າມາທ່ຽວຊົມເປັນຈໍານວນຫລາຍ ເນື່ອງຈາກເປັນປີທ່ອງທ່ຽວລາວ, ສະນັ້ນ ເພື່ອອໍານວຍຄວາມສະດວກແກ່ການສັນຈອນ ແລະ ສະກັດກັ້ນອຸປະຕິເຫດ ເຈົ້າໜ້າທີ່ຈະລາຈອນນະຄອນຫລວງວຽງຈັນຈະໄດ້ເພີ່ມກໍາລັງລົງຄວບຄຸມ ແລະ ລະບາຍການຈະລາຈອນຢູ່ຈຸດພື້ນທີ່ເສັ້ນທາງເຂົ້າ-ອອກ ແລະ ຂອບເຂດງານບຸນ, ພ້ອມນັ້ນ ກໍເລັ່ງໂຄສະນາປຸກລະດົມມວນຊົນໃຫ້ມີສະຕິ, ປະຕິບັດລະບຽບຈະລາຈອນ, ຫ້າມຜູ້ຂັບຂີ່ດື່ມສິ່ງມືນເມົາ, ພ້ອມຈະໄດ້ເອົາໃຈໃສ່ຕັ້ງຈຸດກວດກາທາດເຫລົ້າ ແລະ ກວດຈັບຄວາມໄວຜູ້ຂັບຂີ່ ຫາກຝ່າຝືນກົດລະບຽບແມ່ນຈະດໍາເນີນມາດຕະການປັບໃໝ, ພ້ອມທັງຍຶດໃບຂັບຂີ່ຢ່າງເຂັ້ມງວດ.

ເຈົ້າໜ້າທີ່ຈະລາຈອນນະຄອນຫລວງວຽງຈັນ ໃຫ້ຮູ້ວ່າ: ໃນໄລຍະ 3 ວັນຂອງການຈັດງານບຸນຊ່ວງເຮືອປີຜ່ານມາ ຢູ່ນະຄອນຫລວງວຽງຈັນມີອຸປະຕິເຫດເກີດຂຶ້ນຫລາຍກວ່າ 20 ກໍລະນີ, ສົ່ງຜົນເຮັດໃຫ້ມີຜູ້ເສຍຊີວິດ 5 ຄົນ ສາເຫດສ່ວນໃຫຍ່ແມ່ນຜູ້ຂັບຂີ່ດື່ມສິ່ງມືນເມົາ.

- Wave100S AD to Website 2020 0 - ນະຄອນຫລວງຈະສຸມໃສ່ສະກັດກັ້ນອຸປະຕິເຫດໄລຍະບຸນອອກພັນສາ

 

- WhatsApp Image 2020 05 27 at 5 - ນະຄອນຫລວງຈະສຸມໃສ່ສະກັດກັ້ນອຸປະຕິເຫດໄລຍະບຸນອອກພັນສາ
- WhatsApp Image 2020 05 27 at 5 - ນະຄອນຫລວງຈະສຸມໃສ່ສະກັດກັ້ນອຸປະຕິເຫດໄລຍະບຸນອອກພັນສາ
error: Alert: ເນື້ອຫາຂ່າວມີລິຂະສິດ !!