ປະເພນີບຸນອອກພັນສາ

- advert banner 728 90 728x90 - ປະເພນີບຸນອອກພັນສາ

ບຸນອອກພັນສາແມ່ນປະ ເພນີໜຶ່ງນອນຢູ່ໃນຮີດທີ 11, ເຊິ່ງ ໃນທຸກໆປີເມື່ອຮອດມື້ຂຶ້ນ 15 ຄໍ່າ ເດືອນ 11 ລາວ ຊາວພຸດ ເຮົາ ທັງຫຼາຍກໍໄດ້ຈັດງານບຸນອອກ ພັນສາ-ປະວໍລະນາຂຶ້ນຕາມຮີດ ຄອງປະເພນີລາວທີ່ໄດ້ສືບທອດ ກັນມາແຕ່ສະໄໝບູຮານນະ ການ. ສໍາລັບປີ 2018 ນີ້, ງານ ບຸນຈະໄດ້ຈັດຂຶ້ນໃນມື້ວັນທີ 24, ຕຸລາ ກົງກັບມື້ຂຶ້ນ 15 ຄໍ່າເດືອນ11ລາວ. ຄໍາວ່າ: ອອກພັນສາ ແມ່ນພະສົງສາ ມະເນນໄດ້ອອກຈາກເຂດຈໍາກັດກໍຄືການທີ່ໄດ້ຜ່ານພົ້ນຈໍາພັນ ສາສາມເດືອນ, ເຊິ່ງນັບແຕ່ ເດືອນ 8ເພັງຮອດເດືອນ 11 ເພັງ ຄົບຖ້ວນສາມເດືອນພໍດີ. ໃນມື້ ອອກພັນສານັ້ນ, ຍັງມີພິທີ ຖວາຍ ຜ້າຈໍານໍາພັນສາໃຫ້ພະພິກ ຂຸສົງ ອີກດ້ວຍ ນັບແຕ່ມື້ແຮມ 1ຄໍ່າ ເດືອນ 11 ເຖິງ ແຮມ 15 ຄໍ່າ ເດືອນ12, ແຕ່ສ່ວນຫຼາຍເພິ່ນ ນິຍົມກັນຖວາຍແມ່ນມື້ແຮມ 1 ຄໍ່າ ເດືອນ11. ການອອກພັນສາ ກໍເພື່ອເປີດໂອກາດໃຫ້ພະສົງສາມະເນນໄດ້ອອກໄປເທດສະໜາສັ່ງສອນອອກຕົນຍາດໂຍມ, ແຕ່ກ່ອນຈະອອກພັນສາກໍ ຕ້ອງໄດ້ປະວໍລະນາກັນກ່ອນ ຈຶ່ງຈະທຽວສັນຈອນໄປມາຕາມລໍາພັງໄດ້.

 

- 9965555 1 - ປະເພນີບຸນອອກພັນສາ

 

ເຊີນທ່ຽວງານບຸນອອກພັນສາທີ່ບໍລິຄຳໄຊໄປຊົມບັ້ງໄຟພະຍານາກ2018/

- Tiger Head 728x90 - ປະເພນີບຸນອອກພັນສາ
- 1 1 - ປະເພນີບຸນອອກພັນສາ

ບຸນ​ຊ່ວງ​ເຮືອ​ທ່າ​ວັດ​ຈັນ​ປີນີ້​ເນັ້ນສົ່ງເສີມວັດທະນະທໍາ ແລະ ການທ່ອງທ່ຽວ2018/

ຄໍາວ່າ: ປະວໍລະນາ ໄດ້ແກ່ ການເປີດໂອກາດໃຫ້ແກ່ກັນ ແລະ ກັນ ໃນການກ່າວຕັກ ເຕືອນກັນ, ເຊິ່ງໃນໄລຍະສາມ ເດືອນຜ່ານມາເມື່ອຜູ້ໃດຜູ້ ໜຶ່ງຫາກມີຄວາມຜິດພາດ, ເຮັດບໍ່ຈົບບໍ່ງາມ ແລະ ເຮັດໃຫ້ ເກີດຄວາມ ເຊື່ອມເສຍໃນໝູ່ ພະສົງຕະຫຼອດຮອດກຽດ ສັກສີຂອງປະເທດຊາດບ້ານ ເມືອງ ຈຶ່ງໄດ້ມີທໍານຽມປະ ວໍລະນາກັນໄວ້ເພື່ອຜົນປະ ໂຫຍດຂອງສັງຄົມ ແລະ ປະ ເທດຊາດ, ເຊິ່ງພິທີການປະວໍ ລະນາ ແມ່ນຈະໄດ້ຈັດຂຶ້ນໃນ ຕອນເຊົ້າໆຂອງເດືອນ11 ເພັງ ພະສົງຕີລະຄັງປ່າວເຕືອນລົງ ໄປເຕົ້າໂຮມກັນຢູ່ສິມ(ໂບດ) ແລ້ວໄຫວ້ພະຍາມເຊົ້າເພື່ອ ທໍາການປະວໍລະນາ, ຈາກນັ້ນ ກໍຖືວ່າອອກ ພັນສາແລ້ວ, ແຕ່ວ່າ ໃນມື້ຂຶ້ນ 15 ຄໍ່າ ເດືອນ 11 ນັ້ນ, ພະສົງຍັງໄປແຮມຄືນທີ່ອື່ນ ບໍ່ໄດ້ເທື່ອ ເພາະວ່າອາຍຸການ ປະວໍລະນາ 9 ເດືອນ ຄືນັບແຕ່ ເດືອນ 11 ແຮມ1ຄໍ່າເຖິງ ເດືອນ 8 ເພັງ.

ເຖິງຢ່າງໃດກໍຕາມ, ໃນ ງານບຸນອອກພັນສາ-ປະວໍລະ ນາປີນີ້ ກໍຄົງຈະໄດ້ປະຕິບັດ ແລະ ດໍາເນີນໄປຕາມຮີດຄອງ ປະເພນີອັນດີງາມຂອງຊາດ ລາວເຮົາ, ຮັກສາໄດ້ຄວາມເປັນ ລະບຽບຮຽບຮ້ອຍພາຍໃນວັດວາອາຮາມຕ່າງໆໃຫ້ຢູ່ໃນ ຄວາມສະຫງົບ ແລະ ຄວາມ ເປັນລະບຽບຮຽບຮ້ອຍ ກໍຄືໃຫ້ ເປັນເຈົ້າສັດທາທີ່ດີ, ເຊິ່ງຕາມ ທີ່ຜູ້ຂຽນເຄີຍເຫັນຜ່ານມາ ທຸກໆ ປີເມື່ອມີງານບຸນ, ເຊິ່ງ ນອກຈາກປະເພນີບຸນອອກ ພັນສາແລ້ວ ຍັງມີບຸນປະເພນີ ອື່ນໆ ໃນການມາໃສ່ບາດຍາດ ນໍ້າຍາມເຊົ້າຢູ່ວັດບາງແຫ່ງ ມັກຈະມີບັນຫາກ່ຽວກັບສະ ຖານທີ່ຈອດລົດນ້ອຍ-ໃຫຍ່ ແບບຊະຊາຍບໍ່ມີຜູ້ຮັກສາ ເຮັດ ໃຫ້ມີຄວາມສ່ຽງສູງໃນການ ຕົກເຮ່ຍເສຍຫາຍລວມໄປ ເຖິງສະຖານທີ່ມ້ຽນເກີບເຫັນ ວ່າ ສັບສົນຫຼາຍ ແລະ ປົນເປ ຊະຊາຍ ກັນໄປບໍ່ຈັກຂອງເພິ່ນ ຂອງໂຕ ແລະ ເຮັດໃຫ້ເກີບ ເສຍມາຫຼາຍລາຍແລ້ວ, ເວລາ ໃສ່ບາດມີການບຽດຊີງກັນ ຫຼືຍາດຄີວກັນເຂົ້າແຖວ, ບາງ ຄົນກໍໃສ່ແບບຟ້າວຟັ່ງເຮັດໃຫ້ ເຄື່ອງຖວາຍທານຕົກເຮ່ຍລົງ ພື້ນຊະຊາຍ ແຖມຍັງພາກັນ ສົ່ງສຽງເວົ້າ ແລະ ໂອ້ລົມກັນ ນັນນອງປະສານກັບສຽງພະ ສົງກໍາລັງເທດສະໜາໃຫ້ພອນ ເຮັດໃຫ້ບັນຍາກາດໃນການ ເຮັດບຸນສິນກິນທານບໍ່ມີຄວາມ ສະຫງົບ.

ຕໍ່ບັນຫາດັ່ງກ່າວນັ້ນ, ຄົນ ລາວຊາວພຸດເຮົາທຸກຄົນຄວນ ໄດ້ເອົາໃຈໃສ່ເປັນຢ່າງຍິ່ງ ເຊິ່ງ ນັບທັງການແຕ່ງຕົວແຕ່ງກາຍ ຂອງຍິງ-ຊາຍໃຫ້ສຸພາບຮຽບ ຮ້ອຍ, ຮັກສາໄດ້ຄວາມເປັນ ລະບຽບ ແລະ ມາລະຍາດ ໃນ ການໃສ່ບາດໄດ້ເປັນຢ່າງດີ , ອົງ ການຈັດຕັ້ງບ້ານທີ່ກ່ຽວຂ້ອງ ກໍຕ້ອງໄດ້ເອົາໃຈໃສ່ໃນການ ຈັດສະຖານທີ່ຈອດລົດໃຫ້ ເປັນລະບຽບຮຽບຮ້ອຍດີ ໂດຍ ມີຜູ້ມາເຝົ້າມາຍາມຄັກແນ່ ພ້ອມທັງດູແລສະຖານທີ່ມ້ຽນ ເກີບໃຫ້ເປັນລະບຽບເພື່ອ ປ້ອງກັນຈາກການຕົກເຮ່ຍ ເສຍຫາຍຢ່າໃຫ້ເປັນຄືຄໍາ ເວົ້າເຖົ້າແກ່ບູຮານເພິ່ນເຄີຍ ສອນໄວ້ວ່າ: “ມາເຮັດບຸນແຕ່ ໄດ້ບາບຫາບເມືອ.”

- e0b8a7e0b8b1e0b899e0b8ade0b8ade0b881e0b89ee0b8a3e0b8a3e0b8a9e0b8b2 - ປະເພນີບຸນອອກພັນສາ
(ພາບປະກອບ)

error: Content is protected !!