ປະເພນີຕ່າງໆ ໃນງານບຸນອອກພັນສາ-ປະວໍລະນາ

- 225552 - ປະເພນີຕ່າງໆ ໃນງານບຸນອອກພັນສາ-ປະວໍລະນາ
- Untitled design - ປະເພນີຕ່າງໆ ໃນງານບຸນອອກພັນສາ-ປະວໍລະນາ

ຍັງອີກບໍ່ດົນງານບຸນອອກ ພັນສາປະວໍລະນາ ພສ. 2561ອັນເປັນບຸນປະເພນີຮີດ11ກໍ ຈະມາຮອດແລ້ວ ແລະ ໃນ ງານບຸນດັ່ງກ່າວກໍຍັງມີປະເພ ນີການໃຕ້ປະທີບ(ແສງສະ ຫວ່າງ) ບູຊາພະລັດຕະນະໄຕ, ປະເພນີໄຫຼເຮືອໄຟຫຼືລອຍກະ ໂທງ ແລະ ການແຂ່ງຂັນຊ່ວງ ເຮືອຍາວດ້ວຍບັນຍາກາດອັນຟົດຟື້ນ.

 

- 22541111 - ປະເພນີຕ່າງໆ ໃນງານບຸນອອກພັນສາ-ປະວໍລະນາ
(ພາບປະກອບ)

ເທບທິດາສ້ອຍຟ້າ ໄດ້ແຊ໊ມເຮືອກິລາ 12 ສີພາຍ ໃນງານບຸນຊ່ວງເຮືອບຶງທາດຫຼວງ2017/

ບຸນອອກພັນສາ ແລະ ຊ່ວງເຮືອປະເພນີ2017/

ປະເພນີການໃຕ້ປະທີບ ກໍຄືການໃຫ້ແສງສະຫວ່າງ ບູຊາພະລັດຕະນະໄຕ ເພິ່ນຈະ ເຮັດໃນຍາມຄໍ່າຄືນ ມື້ຂຶ້ນ15 ຄໍ່າ, ເດືອນ11ລາວ, ເຊິ່ງເປັນ ມື້ອອກພັນສາໂດຍຊາວບ້ານ ຈະພ້ອມກັນລົງໃຕ້ທູບທຽນ ທີ່ວັດໜ້າສິມ, ໂບດ ແລະ ສະ ຖານທີ່ໃດໜຶ່ງເຫັນວ່າເໝາະ ສົມ ເພື່ອນ້ອມຈິດລະນຶກເຖິງ ພະພຸດ, ພະທໍາ ແລະ ພະສົງ ຕາມຄວາມເຊື່ອຖືຂອງຊາວ ພຸດ, ແຕ່ປັດຈຸບັນນີ້, ສ່ວນຫຼວງ ຫຼາຍແມ່ນໃຕ້ທູບທຽນບູຊາ ຢູ່ ຕາມຫົວຂັ້ນໄດ, ຕາມຮົ້ວ- ກໍາແພງບ້ານຂອງໃຜລາວຫຼື ໃຕ້ທູບທຽນ ແລະ ດອກໄມ້ບູ ຊາໃສ່ເຮືອນ້ອຍທີ່ເຮັດດ້ວຍ ໄມ້-ກາບກ້ວຍຕັ້ງໄວ້ໜ້າເຮືອນ ຂອງໃຜລາວເພື່ອເປັນສີລິມົງ ຄຸນໃນມື້ອອກພັນສາຖືວ່າ ໄດ້ ບຸນ, ໄດ້ຮັບໂຊກລາບ .

- Wave100S AD to Website 2020 0 - ປະເພນີຕ່າງໆ ໃນງານບຸນອອກພັນສາ-ປະວໍລະນາ

- 3555 - ປະເພນີຕ່າງໆ ໃນງານບຸນອອກພັນສາ-ປະວໍລະນາ

ສ່ວນປະເພນີ ໄຫຼເຮືອໄຟ ຫຼືການລອຍກະໂທງ ກໍແມ່ນ ອີກປະເພນີໜຶ່ງ, ເຊິ່ງເພິ່ນໄດ້ ຈັດຂຶ້ນໃນຄໍ່າຄືນຂອງມື້ 15 ຄໍ່າ, ເດືອນ 11 ລາວເຊັ່ນດຽວ ກັນ, ເຊິ່ງພາຍຫຼັງທີ່ໃຕ້ທູບ ທຽນ ແລະ ດອກໄມ້ບູຊາພະ ລັດຕະນະໄຕແລ້ວ, ຊາວພຸດ ທະສາສະນິກະຊົນຈະພາກັນ ເອົາກະໂທງທີ່ເຮັດດ້ວຍທ່ອນ ກ້ວຍ ແລະ ໄມ້ທີ່ໄດ້ກະກຽມ ດອກໄມ້ທູບທຽນ ແລະ ບາງ ເຈົ້າສັດທາກໍມີທັງເຂົ້າປາອາ ຫານ ແລະ ເງິນໃສ່ລົງໃນເຮືອ ໄຟຫຼືກະໂທງ ໂດຍໄດ້ມີການອະ ທິຖານເອົາແຕ່ສິ່ງດີໆເຂົ້າມາ ໃນ ຊີວິດພ້ອມທັງຈູດທູບທຽນ ແລ້ວລົງໄປໄຫຼຕາມແມ່ນໍ້າ ຕ່າງໆ, ສໍາລັບຢູ່ນະຄອນຫຼວງ ວຽງຈັນ ແລະ ທ້ອງຖິ່ນອື່ນໆ ຢູ່ເຂດແຄມຂອງ ກໍຈະພາກັນ ລົງໄປໄຫຼ ແລະ ປ່ອຍເຮືອໄຟລົງ ຕາມແຄມແມ່ນໍ້າຂອງ, ເຊິ່ງ ຕາມຄວາມເຊື່ອຂອງປະຊາ ຊົນລາວຊາວພຸດແລ້ວແມ່ນ ສະແດງເຖິງການເສຍເຄາະ ແລະ ເອົາພະຍາດໂລຄາໄຫຼ ໄປກັບສາຍນໍ້າ.

ປະເພນີແຂ່ງເຮືອຊ່ວງ ກໍແມ່ນປະເພນີໜຶ່ງໃນງານ ບຸນອອກພັນສາປະວໍລະນາ, ເຊິ່ງມັນໄດ້ສ້າງຄວາມບັນ ເທີງ ແລະ ຄວາມລື້ນເລິງສໍາ ລານໃຫ້ຜູ້ມາທ່ຽວຊົມ, ເພາະ ໃນສະໄໝກ່ອນ, ຖ້າບ້ານໃດ ຫຼືວັດໃດຢູ່ແຄມນໍ້າກໍຈະມີ ເຮືອຊ່ວງປະຈໍາຢູ່ໜຶ່ງລໍາ, ເມື່ອ ເຖິງມື້ອອກພັນສາກໍໄດ້ກະ ກຽມເຮືອຂອງຕົນເອງໄວ້, ບ້ານ ໃດເປັນເຈົ້າສັດທາກໍໄດ້ອອກ ໜັງສືເຊີນໄປ ເມື່ອຮອດມື້ ຊ່ວງກໍມາເຕົ້າໂຮມກັນ, ເຊິ່ງ ເຮືອແຕ່ລະລໍາກໍຈະຖືກປະດັບ ຕົບແຕ່ງ ແລະ ເອ້ຢ້ອງດ້ວຍ ດອກໄມ້ທູບທຽນ ແລະ ລິງ ລາຍຕ່າງໆຢ່າງງົດງາມ. ການ ແຂ່ງເຮືອຍາວຂອງ ແຕ່ລະ ແຂວງ, ທາງພັກ-ລັດເພິ່ນກໍໄດ້ ເອົາໃຈໃສ່ ນໍາພາຈັດຕັ້ງປະຕິ ບັດບຸນປະເພນີນີ້ຢ່າງເອົາຈິງ ເອົາຈັງ ແລະ ອອກໜ້າອອກ ຕາເປັນຕົ້ນ: ເຮືອບ້ານໃດເກັ່ງ ແລະ ຊະນະກໍຈະໄດ້ຮັບລາງ ວັນທີ່ມີຄ່າເຊັ່ນ: ຂັນເງິນ, ເງິນ ສົດ ແລະ ຂອງມີຄ່າອື່ນໆ, ເຊິ່ງການຊ່ວງເຮືອສະໄໝນີ້ ໄດ້ກາຍເປັນກິລາໜ້ານໍ້າຢ່າງ ສະຫງ່າລາສີ ທັງເປັນການ ເຊື່ອມໂຍງສໍາພັນໄມຕີ ແລະ ຄວາມສາມັກຄີຮັກແພງ ຂອງ ປວງຊົນລາວທັງຊາດ.

ປະເພນີຕ່າງໆເຫຼົ່ານີ້ ມັນ ໄດ້ຕິດພັນກັບງານບຸນອອກ ພັນສາປະວໍລະນາມາແຕ່ດຶກ ດໍາບັນອັນເປັນພື້ນຖານທາງ ດ້ານຮີດຄອງປະເພນີອັນດີງາມ ຂອງຊາດມາແຕ່ເດີມດາເຄົ້າ, ພວກເຮົາຄົນຮຸ່ນຫຼັງຄວນຮັກ ສາໄວ້ໃຫ້ຖືກຕ້ອງສອດຄ່ອງ ຕາມລະບຽບກົດໝາຍ ຂອງ ບ້ານ ເມືອງ ໂດຍສະເພາະແມ່ນ ການຊົມການແຂ່ງຂັນເຮືອຍາວ ຢ່າໃຫ້ກາຍເປັນການພະນັນ ຂັນຕໍ່ຢ່າງເດັດຂາດ.

- 225552 - ປະເພນີຕ່າງໆ ໃນງານບຸນອອກພັນສາ-ປະວໍລະນາ
(ພາບປະກອບ)

- WhatsApp Image 2020 05 27 at 5 - ປະເພນີຕ່າງໆ ໃນງານບຸນອອກພັນສາ-ປະວໍລະນາ
- WhatsApp Image 2020 05 27 at 5 - ປະເພນີຕ່າງໆ ໃນງານບຸນອອກພັນສາ-ປະວໍລະນາ
error: Alert: ເນື້ອຫາຂ່າວມີລິຂະສິດ !!