ອາເມລິກາກຽມຖອນຕົວຈາກ ຂໍ້ຕົກລົງນິວເຄຼຍກັບຣັດເຊຍ

- advert banner 728 90 728x90 - ອາເມລິກາກຽມຖອນຕົວຈາກ ຂໍ້ຕົກລົງນິວເຄຼຍກັບຣັດເຊຍ

ປະທານາທິບໍດີ ​ໂດ​ນັລ ທຣຳ ປະກາດ​ວ່າ: ອາ​ເມ​ລິ​ກາ​ກຽມ “ຍົກ​ເລີກ” ສົນທິສັນຍາ​ຈຳກັດ​ການ​ພັດທະນາ​ອາວຸດ​ນິວ​ເຄຼຍ ​ເຊິ່ງ​ໃຊ້​ຮ່ວມ​ກັບຣັດ​ເຊຍ​ມາກ​ວ່າ 30 ປີ ​ໂດຍ​ກ່າ​ວຫາ​ອີກ​ຝ່າຍ​ລະ​ເມີດ​ຂໍ້​ຕົກລົງ​ກ່ອນ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ປະທານາທິບໍດີ ​ໂດ​ນັລ ທຣຳ ກ່າວ​ລະຫວ່າງ​ລົ້ນພື້ນທີ່​ເມືອງ​ເອລ​ໂກ ​ໃນ​ລັດ​ເນ​ວາດາ ​ໃນ​ວັນ​ທີ 20 ຕຸລາ​ວ່າ: ອາ​ເມ​ລິ​ກາ​ຈະ​ຖອນ​ຕົວ​ອອກ​ຈາກ​ສົນທິສັນຍາ​ອາວຸດ​ນິວ​ເຄຼຍ​ໄລຍະກາງ (INF) ​ເຊິ່ງ​ເປັນ​ຂໍ້​ຕົກລົງ​ລະດັບ​ທະວີ​ພາຄີ​ນັບ​ແຕ່​ສະ​ໄໝ​ສົງຄາມ​ເຢັນ ທີ່​ເປັນ​ການ​ລົງ​ນາມ​ຮ່ວມ​ກັນ​ໃນ​ເດືອນ​ທັນວາ 1987 ​ໂດຍ​ປະທານາທິບໍດີ ​ໂຣນັລ ​ເຣ​ແກນ ​ແລະ ທ່ານ ມິຄາ​ອິລ ກໍ​ບາ​ຊອຟ ​ເລຂາທິການ​ພັກ​ກອມ​ມູນິດ​ສະຫະພາບ​ໂຊ​ວຽດ ມີ​​ເນື້ອ​ໃນ​ສຳຄັນ​ຄື​ການ​ຫ້າມ​ທັງ​ສອງ​ປະ​ເທດ​ຜະລິດ ​ແລະ ທົດ​ລອງ​ລູກ​ສອນ​ໄຟ​ທີ່​ມີ​ໄລຍະ​ຍິງ​ໄກ​ລະຫວ່າງ 500-5.500 ກິ​ໂລ​ແມັດ.

ທັງ​ນີ້, ທ່ານ ທຣຳ ​ໃຫ້​ເຫດຜົນ​ໃນ​ການ​ຍົກ​ເລີກ​ສັນຍາ​ວ່າ: ​ເປັນ​ຍ້ອນ​ລັດຖະບານ​ມົດ​ສະ​ກູລະ​ເມີດ​ຂໍ້​ຕົກລົງ​ສະບັບ​ນີ້, ຂະນະ​ທີ່​ອາ​ເມ​ລິ​ກາ​ຍຶດໝັ້ນຕາມ​ຂໍ້​ຕົກລົງ​ມາ​ໂດຍ​ຕະຫລອດ.

ຕໍ່​ຈາກ​ນັ້ນ, ກະຊວງ​ການ​ຕ່າງປະ​ເທດຣັດ​ເຊຍ ອອກ​ຖະ​ແຫລ​ງການ​ກ່ຽວ​ກັບ​ເລື່ອງ​ນີ້ວ່າ: ການ​ຖອນ​ຕົວ​ອອກ​ຈາກ INF ຍິ່ງ​ສະທ້ອນ ​ແລະ ​ເນັ້ນ​ຄວາມ​ໄຝ່ຝັນ​ຂອງ​ອາ​ເມ​ລິ​ກາ​ໃນ​ການຈັດຕັ້ງລະບຽບ​​ໂລກ​ໃຫ້​ມີ “ມະຫາ​ອຳນາດ​ຂົ້ວດຽວ”.

error: Content is protected !!