ປກສ ແຊ້ມບານເຕະ ສາຍ ກ 2018

- 44533045 482513775566500 3597654255705522176 n - ປກສ ແຊ້ມບານເຕະ ສາຍ ກ 2018
- Untitled design - ປກສ ແຊ້ມບານເຕະ ສາຍ ກ 2018

ການ​ແຂ່ງຂັນບານ​ເຕະ​ສາຍ ກ ຫລື ດີ​ວີ​ຊັນ 1 ​ໄດ້​ສໍາ​ເລັດ​ລົງ​ຢ່າງ​ເປັນ​ທາງ​ໃນ​ວັນ​ທີ 20 ຕຸລາ​ຜ່ານ​ມາ ທີ່​ສະໜາມກິລາ​ສະຫະ​ພັນບານ​ເຕະ​ແຫ່ງ​ຊາດລາວ ​ໂດຍ​ແຊ້ມຕົກ​ເປັນ​ຂອງ ທີ​ມ ປກສ ​ເອັຟຊີ ​ໄດ້​ຮັບ​ຂັນ​ລາງວັນ​ພ້ອມ​ເງິນສົດ 30 ລ້ານ​ກີບ, ຂະນະ​ທີ່​ອັນ​ດັບ​ທີ 2 ຕົກ​ເປັນ​ຂອງ​ທີ​ມນ້ອງ​ໃໝ່​ມາ​ແຮງ ອີ​ໂວ້ ຢູ​ໄນ​ເຕັດ.

ການ​ແຂ່ງຂັນ​ໃນ​ຮອບ​ຊີງ​ຊະນະ​ເລີດ ​ເປັນ​ການ​ພົບ​ກັນ​ລະຫວ່າງທີ​ມ ປກສ ​ເອັຟຊີ ພົບ​ກັບ​ທີ​ມ ອີ​ໂວ້ ຢູ​ໄນ​ເຕັດ ​ເຊິ່ງການ​ແຂ່ງຂັນ​ໄດ້​ດໍາ​ເນີນ​ໄປ​ດ້ວຍ​ບັນຍາກາດ​ຄຶກຄື້ນ​ຂອງ​ກອງ​ເຊຍ​ທັງ 2 ຝ່າຍ ​​ເຖິງ​ວ່າ​ກອງ​ເຊຍ​ຝ່າຍ ອີ​​ໂວ້ ຢູ​ໄນ​ເຕັດ​ຈະ​ໜ້ອຍ​ກວ່າ​ກອງ​ເຊຍ​ ປກສ ​ເອັຟຊີ ​ກໍ​ຕາມ ​ແຕ່​ທີ​ມ ​ອີ​ໂວ້ ຢູ​ໄນ​ເຕັດ ​ສາມາດ​ຍິງ​ປະ​ຕູຂຶ້ນ​ນໍາ​ກ່ອນ ​1-0 ໃນ​ເຄິ່ງ​ເວລາ​ທໍາ​ອິດ. ​ແຕ່​ເຂົ້າ​ເຄິ່ງ​ເວລາ​ທີ 2 ທີ​ມ ປກສ ​ເປັນ​ຝ່າຍ​ທີ່​ຫລິ້ນ​ໄດ້​ດີກ​ວ່າ ຈົນ​ສາມາດ​ຍິງ​ປະຕູ​ຕີ​ສະ​ເໝີ​ໄດ້​ 1-1 ຈາກ​ລູກ​ຍິງ​ໄກ ​ເບີ 27 ຫລັງ​ຈາກ​ນັ້ນ​ທັງ​ສອງ​ຝ່າຍ​ກໍ​ເປີດ​ເກ​ມ​ບຸກ​ເຂົ້າ​ຫາ​ກັນ ​ແຕ່​ກໍບໍ່​ສາມາດ​ຍິງ​ປະຕູ​ໄດ້​ຈົບ​ເກ​ມ​ເຄິ່ງ​ເວລາ​ທີ 2 ປະຕູ​ຍັງ​ສະ​ເໝີ​ກັນ 1-1 ກໍາມະການ​ຕ້ອງ​ໄດ້​ຕັດສິນ​ດ້ວຍ​ການ​ຍິງ​ຈຸດ​​ໂທດ ​ເຊິ່ງຜ່ານ​ການ​ຍິງ​ຈຸດ​ໂທດ ທີ​ມ ປກສ ສາມາດ​ຍິງ​ໄດ້​ດີກ​ວ່າ ອີ​ໂວ້ ຢູ​ໄນ​ເຕັດ ​ເປັນ 5-3 ​ເຮັດ​ໃຫ້​ແຊ້ມຕົກ​ເປັນ​ຂອງ ປກ​ສ ​ເອັຟຊີ; ສ່ວນ​ທີ​ມ ອີ​ໂວ້ ຢູ​ໄນ​ເຕັດ ທີ​ມນ້ອງ​ໃໝ່​ໄຟ​ແຮງຍາດ​ໄດ້​ພຽງ​ອັນ​ດັບ​ທີ 2 ​ໄດ້​ຮັບ​ຫລຽນ​ພ້ອມ​ເງິນສົດ 20 ລ້ານ​ກີບ, ອັນ​ດັບ​ທີ 3 ທີ​ມວຽງ​ຈັນ ຢູ​ໄນ​ເຕັດ ​ໄດ້​ຮັບ​ຫລຽນ​ລາງວັນ​ພ້ອມ​​ເງິນສົດ 7 ລ້ານ​ກີບ​. ຂະນະ​ທີ່​ແຊ້ມ​ເກົ່າ ທີ​ມ ກອງທັບ ​ເອັຟຊີ ປີ​ນີ້​ຍາດ​ພຽງ​ໄດ້​ອັນ​ດັບ​ທີ 4, ສ່ວນ​ນັກ​ເຕະ​ຍິງ​ຫລາຍ​ທີ່​ສຸດຕົກ​ເປັນຂອງທ້າວ ຕີ​ ສີ​ຫາ​ລາດ ​ຈາກທີ​ມ ກອງທັບ ​ເອັຟຊີ.

ການ​ແຂ່ງຂັນ​ບານ​ເຕະ​ສາຍ ກ ຫລື ດີ​ວີ​ຊັນ 1 ​​ໄດ້​ດໍາ​ເນີນ​ການ​ແຂ່ງຂັນ​ແຕ່​ຕົ້ນ​ເດືອນ​ສິງຫາ​ເປັນ​ຕົ້ນມາມີ 11 ທີ​ມເຂົ້າ​ຮ່ວມ.

- Wave100S AD to Website 2020 0 - ປກສ ແຊ້ມບານເຕະ ສາຍ ກ 2018
- WhatsApp Image 2020 05 27 at 5 - ປກສ ແຊ້ມບານເຕະ ສາຍ ກ 2018
- WhatsApp Image 2020 05 27 at 5 - ປກສ ແຊ້ມບານເຕະ ສາຍ ກ 2018
error: Alert: ເນື້ອຫາຂ່າວມີລິຂະສິດ !!