ເປີດນຳໃຊ້ສູນພັດທະນາການປະມົງຍົກລະດັບເຕັກນິກການລ້ຽງປາ

- pamong - ເປີດນຳໃຊ້ສູນພັດທະນາການປະມົງຍົກລະດັບເຕັກນິກການລ້ຽງປາ
- Untitled design - ເປີດນຳໃຊ້ສູນພັດທະນາການປະມົງຍົກລະດັບເຕັກນິກການລ້ຽງປາ

ກະຊວງກະສິກຳ ແລະ ປ່າໄມ້, ໄດ້ເປີດການນໍາໃຊ້ສູນພັດທະນາການປະມົງ ພາຍໃຕ້ໂຄງການສ້າງຄວາມເຂັ້ມແຂງທາງດ້ານການຄົ້ນຄວ້າພັດທະນາການປະມົງ ແລະ ການລ້ຽງສັດນໍ້າຢູ່ ສປປ ລາວ ໄດ້ຈັດຂຶ້ນໃນວັນ 19 ຕຸລານີ້, ທີ່ ເມືອງນາຊາຍທອງ, ນະຄອນຫລວງວຽງຈັນ. ເພື່ອຍົກລະດັບເຕັກນິກການລ້ຽງປາໃຫ້ແກ່ພະນັກງານສູນພັດທະນາການປະມົງ ແລະ ສູນຄົ້ນຄວ້າການປະມົງ ໃຫ້ມີຄວາມຮູ້ຄວາມສາມາດ ແລະ ຮູ້ພັດທະນາວຽກງານການປະມົງ, ໂດຍສະເພາະແມ່ນການນຳໃຊ້ອຸປະກອນ, ຫ້ອງວິໄຈພະຍາດ ແລະ ວິໄຈຄຸນນະພາບນ້ຳ, ເຕັກນິກການຜະລິດປານິນ, ການວິໄຈພະຍາດປາ, ການວິໄຈຄຸນນະພາບອາຫານປາ ຕະຫລອດຮອດການຄຸ້ມຄອງນຳໃຊ້ອຸປະກອນຮັບໃຊ້ໃນຫ້ອງວິໄຈອື່ນໆອີກ.

ທ່ານ ລຽນ ທີແກ້ວ ລັດຖະມົນຕີກະຊວງກະສິກຳ ແລະ ປ່າໄມ້ ໄດ້ມີຄໍາເຫັນໃນພິທີວ່າ: ສູນພັດທະນາການປະມົງດັ່ງກ່າວ ແນໃສ່ສ້າງຄວາມເຂັ້ມແຂງດ້ານການຄົ້ນຄວ້າ ແລະ ພັດທະນາການປະມົງ, ໂດຍໄດ້ຮັບທຶນຊ່ວຍເຫລືອ ຈາກລັດຖະບານຍີ່ປຸ່ນໃນມູນຄ່າທັງໝົດ 714 ລ້ານເຢັນ ຫລື ປະມານ 54 ຕື້ກວ່າກີບ. ທ່ານ ລຽນ ທິແກ້ວ ເວົ້າວ່າ: ການຜະລິດອາຫານ ແມ່ນມີຄວາມສຳຄັນຫລາຍຕໍ່ທຸກປະເທດ ແລະ ບໍ່ພຽງແຕ່ດ້ານປະລິມານເທົ່ານັ້ນ ແຕ່ຍັງຕ້ອງໄດ້ເອົາໃຈໃສ່ດ້ານຄຸນນະພາບ, ຄວາມສະອາດ ແລະ ປອດໄພອີກດ້ວຍ ແລະ ເພື່ອສາມາດຜະລິດເປັນສິນຄ້າການສ້າງມູນຄ່າເພີ່ມ, ການສົ່ງເສີມສຸຂະພາບ ແລະ ໂພຊະນາການລ້ວນ ແລ້ວແຕ່ຕ້ອງການອາຫານທີ່ປອດໄພ. ສະນັ້ນ ເພື່ອສືບຕໍ່ຂະຫຍາຍໝາກຜົນຂອງການຊ່ວຍເຫລືອຄັ້ງນີ້ໄປພ້ອມໆກັບ ການສະໜັບສະໜູນຊ່ວຍເຫລືອຂອງລັດຖະບານຍີປຸ່ນແລ້ວ ຂະແໜງກະສິກຳ-ປ່າໄມ້ ແລະ ພັດທະນາຊົນນະບົດ ຕ້ອງໄດ້ມີຄວາມພະຍາຍາມສູງໃນການປົກປັກຮັກສາ ແລະ ນໍາໃຊ້ສູນພັດທະນາແຫ່ງນີ້ໃຫ້ມີປະສິດທິຜົນ ແລະ ຍືນຍົງ.

- Wave100S AD to Website 2020 0 - ເປີດນຳໃຊ້ສູນພັດທະນາການປະມົງຍົກລະດັບເຕັກນິກການລ້ຽງປາ
- WhatsApp Image 2020 05 27 at 5 - ເປີດນຳໃຊ້ສູນພັດທະນາການປະມົງຍົກລະດັບເຕັກນິກການລ້ຽງປາ
- WhatsApp Image 2020 05 27 at 5 - ເປີດນຳໃຊ້ສູນພັດທະນາການປະມົງຍົກລະດັບເຕັກນິກການລ້ຽງປາ
error: Alert: ເນື້ອຫາຂ່າວມີລິຂະສິດ !!