ຄະນະຜູ້ແທນລາວສໍາເລັດການເຂົ້າຮ່ວມກອງປະຊຸມສຸດຍອດອາຊີ-ເອີຣົບຄັ້ງທີ 12

- Asean Europe - ຄະນະຜູ້ແທນລາວສໍາເລັດການເຂົ້າຮ່ວມກອງປະຊຸມສຸດຍອດອາຊີ-ເອີຣົບຄັ້ງທີ 12
- Untitled design - ຄະນະຜູ້ແທນລາວສໍາເລັດການເຂົ້າຮ່ວມກອງປະຊຸມສຸດຍອດອາຊີ-ເອີຣົບຄັ້ງທີ 12

ກອງປະຊຸມສຸດຍອດອາຊີ-ເອີຣົບ (ອາເຊັມ) ຄັ້ງທີ 12 ໄດ້ຈັດຂຶ້ນໃນວັນທີ 18-19 ຕຸລານີ້, ທີ່ບຣຸກແຊນ ຣາຊະອານາຈັກແບນຊິກ, ພາຍໃຕ້ຫົວຂໍ້: “ການເປັນຄູ່ຮ່ວມສາກົນສໍາລັບບັນດາສິ່ງທ້າທາຍສາກົນ” ຄະນະຜູ້ແທນລາວນໍາໂດຍທ່ານ ສະເຫລີມໄຊ ກົມມະສິດ ລັດຖະມົນຕີກະຊວງການຕ່າງປະເທດ, ມີຄະນະຜູ້ແທນຈາກພາກພື້ນອາຊີ ແລະ ເອີຣົບເຂົ້າຮ່ວມ 51 ປະເທດ ແລະ 2 ອົງການຈັດຕັ້ງສາກົນ. ເພື່ອຮ່ວມກັນປຶກສາຫາລືກ່ຽວກັບການຮ່ວມມືລະຫວ່າງພາກພື້ນອາຊີ ແລະ ເອີຣົບ ແນໃສ່ສົ່ງເສີມການຮ່ວມມືດ້ານການຄ້າ-ການລົງທຶນ ແລະ ກ້າວໄປສູ່ການເຊື່ອມຈອດ ແລະ ພັດທະນາແບບຍືນຍົງລະຫວ່າງສອງພາກພື້ນ. ພ້ອມນັ້ນ, ບັນດາຜູ້ນໍາຂັ້ນສູງຂອງອາເຊັມ ຍັງໄດ້ແລກປ່ຽນທັດສະນະກ່ຽວກັບບັນຫາພາກພື້ນ ແລະ ສາກົນ ເປັນຕົ້ນແມ່ນການປ່ຽນແປງຂອງສະພາບດິນຟ້າອາກາດ, ໄພຄຸກຄາມຈາກລັດທິກໍ່ການຮ້າຍ, ອາຊະຍາກໍາທາງຄອມພິວເຕີ, ການເຄື່ອນຍ້າຍຖິ່ນຖານ, ໄພພິບັດທໍາມະຊາດ, ການຮ່ວມມືທາງດ້ານເສດຖະກິດ ແລະ ບັນຫາອື່ນໆ, ຊຶ່ງກວມເອົາທັງ 3 ເສົາຄໍ້າຂອງການຮ່ວມມືອາເຊັມຄື: ການເມືອງ-ຄວາມໝັ້ນຄົງ, ເສດຖະກິດ-ການເງິນ ແລະ ດ້ານວັດທະນະທໍາ-ສັງຄົມ. ກອງປະຊຸມໄດ້ຮັບຮອງເອົາຖະແຫລງການຂອງກອງປະຊຸມສຸດຍອດຄັ້ງນີ້.

ໃນກອງປະຊຸມ, ທ່ານ ສະເຫລີມໄຊ ກົມມະສິດ ໄດ້ຂຶ້ນປະກອບຄໍາເຫັນວ່າ: ໃນໄລຍະ 2 ທົດສະວັດຜ່ານມາ, ການຮ່ວມມືຂອງອາເຊັມຍັງມີຫລາຍບັນຫາບໍ່ທັນເປັນຮູບປະທຳ, ການຫລຸດຜ່ອນລະດັບຄວາມແຕກໂຕນດ້ານການພັດທະນາຂອງບັນດາປະເທດສະມາຊິກອາເຊັມຍັງແຕກຕ່າງກັນຫລາຍ, ຊຶ່ງອາເຊັມຈະຕ້ອງໄດ້ເພີ່ມທະວີການຮ່ວມມືກັນຫລາຍຂຶ້ນເພື່ອສາມາດບັນລຸເປົ້າໝາຍແຜນພັດທະນາ 2030.

- Wave100S AD to Website 2020 0 - ຄະນະຜູ້ແທນລາວສໍາເລັດການເຂົ້າຮ່ວມກອງປະຊຸມສຸດຍອດອາຊີ-ເອີຣົບຄັ້ງທີ 12

ໃນໂອກາດນີ້, ທ່ານ ສະເຫລີມໄຊ ກົມມະສິດ ຍັງໄດ້ພົບປະສອງຝ່າຍກັບຄູ່ຮ່ວມຕໍາແໜ່ງຈາກສະຫະພາບເອີຣົບ, ອົດສະຕຣາລີ ແລະ ຮົງກາລີ, ເພື່ອປຶກສາຫາລື, ແລກປ່ຽນຄຳຄິດເຫັນໃນຫລາຍບັນຫາ ເພື່ອແນໃສ່ເພີ່ມທະວີຮັດແໜ້ນການພົວພັນຮ່ວມມືສອງຝ່າຍໃຫ້ມີປະສິດທິຜົນສູງ.

- WhatsApp Image 2020 05 27 at 5 - ຄະນະຜູ້ແທນລາວສໍາເລັດການເຂົ້າຮ່ວມກອງປະຊຸມສຸດຍອດອາຊີ-ເອີຣົບຄັ້ງທີ 12
- WhatsApp Image 2020 05 27 at 5 - ຄະນະຜູ້ແທນລາວສໍາເລັດການເຂົ້າຮ່ວມກອງປະຊຸມສຸດຍອດອາຊີ-ເອີຣົບຄັ້ງທີ 12
error: Alert: ເນື້ອຫາຂ່າວມີລິຂະສິດ !!