ສະໜາມບິນໃໝ່ ໃສ່ໃຈການບໍລິການ

- advert banner 728 90 728x90 - ສະໜາມບິນໃໝ່ ໃສ່ໃຈການບໍລິການ

- 4691B86000000578 5103655 image a 1 1511266910898 - ສະໜາມບິນໃໝ່ ໃສ່ໃຈການບໍລິການໂດຍ : ມຶກບໍ່ແຫ້ງ

ການຂະຫຍາຍ ແລະປັບປຸງສະໜາມບິນຂອງພວກເຮົາຖືວ່າເປັນບາດກ້າວໃໝ່ໃນການຮອງຮັບຜູ້ໂດຍສານ ທີ່ເພີ່ມຂຶ້ນ ແຕ່ສິ່ງທີ່ຄວນເບິ່ງຄືນກໍແມ່ນຂອດການບໍລິການ.

ພວກເຮົາຫຼາຍຄົນມີຄວາມ ເອກອ້າງທະນົງໃຈ ໃນການເປີດໃຊ້ສະໜາມບິນສາກົນວັດໄຕ ພາກຂະຫຍາຍ ແລະປັບປຸງເມື່ອບໍ່ພໍໃດເດືອນຜ່ານມາ ເຊິ່ງເຮັດໃຫ້ສະໜາມບິນມີຄວາມກວ້າງຂວາງ, ສາມາດຮອງຮັບ ຜູ້ໂດຍສານຫຼາຍຂຶ້ນກວ່າເກົ່າ, ເຄື່ອງອຳນວຍຄວາມສະດວກກໍໄດ້ຮັບການປັບປຸງຂຶ້ນ ໂດຍສະເພາະ ຫ້ອງນໍ້າແມ່ນມີຄວາມສະອາດສະອາງກວ່າເກົ່າ ແຕ່ພ້ອມນັ້ນກໍຍັງມີບາງອັນຄວນໄດ້ຮັບການປັບປຸງຕຶ່ມ.

ຍ້ອນໄດ້ມີໂອກາດເດີນທາງໄປເຮັດວຽກທັງພາຍໃນ ແລະຕ່າງປະເທດ ຂ້ອນຂ້າງດຸ, ຜູ້ຂຽນສາມາດກຳໄດ້ ການປ່ຽນແປງ ແລະສິ່ງຄວນປັບປຸງຢູ່ສະໜາມບິນ ໂດຍສະເພາະ ເລື່ອງທີ່ຢາກແລກປ່ຽນນຳແທ້ໆ ແມ່ນການຮັບເອົາກະເປົ໋າເດີນທາງ ໂດຍສະເພາະແມ່ນ ຕຶກສາກົນ, ຍົກຕົວຢ່າງ ເກືອບທຸກເທື່ອ ທີ່ຜູ້ຂຽນເດີນທາງມາ ດ້ວຍຖ້ຽວບິນມາຈາກໄທ ທີ່ມີກຳນົດເວລາຮອດລາວ 7:45 ຕອນຄໍ່າ, ເມື່ອເວລາຍົນລົງ ສະໜາມບິນປະມານ 8 ໂມງ (ເພາະມັກລ່າຊ້າເລື້ອຍໆ) ຈົນເກືອບ 10 ໂມງ ພຸ້ນລະຈຶ່ງຈະໄດ້ອອກຈາກ ສະໜາມບິນກັບເມືອເຮືອນຍ້ອນ ການຖ້າຮັບເອົາກະເປົ໋າຢ່າງໜ້ອຍ 1 ຊົ່ວໂມງ.

ສິ່ງດັ່ງກ່າວ ເຮັດໃຫ້ຜູ້ໂດຍສານທັງໝົດ ມີຄວາມຫງຸດຫງິດ ແລະຈົ່ມພຶມພໍາໃນໃຈ ດ້ວຍຄວາມໃຈຮ້າຍ ຈຶ່ງເຮັດໃຫ້ຜູ້ຂຽນຍ່າງເຂົ້າໄປລົມນຳ ເຈົ້າໜ້າທີ່ທ່ານໜຶ່ງ ປະຈຳການຢູ່ສະໜາມບິນ ທີ່ບໍ່ໄດ້ຮັບຜິດຊອບ ເລື່ອງກະເປົ໋າໂດຍກົງ ແຕ່ພໍຮູ້ບັນຫາ ເວົ້າສູ່ຟັງວ່າ “ຊິບໍ່ໃຫ້ຊ້າຈັ່ງໃດ ແນວຜູ້ຂົນກະເປົ໋າລະມີພຽງ 3-4 ຄົນ, ເມື່ອມີຖ້ຽວບິນ ທີ່ມີຄົນຫຼາຍຄືສາຍການບິນທີ່ກ່າວມາຂ້າງເທິງທີ່ມີຜູ້ໂດຍສານ ຮອດ 100-200 ກວ່າຄົນ, ບາງທີຜູ້ໜຶ່ງມີກະເປົ໋າ 2-3 ໜ່ວຍລະໃຫ້ຄົນຈຳນວນດັ່ງກ່າວ ກໍບໍ່ຫຼ້ອນໜ້າທີ່ແລ, ສອງສາມມື້ຜ່ານມາ ມີພະນັກງານ ຂົນກະເປົ໋າເປັນລົມ ຍ້ອນເຮັດວຽກໜັກໂພດ ຈົນໝົດມື້”.

ແລະ ເຈົ້າໜ້າທີ່ທ່ານນັ້ນຍັງເວົ້າຕໍ່ວ່າ “ຂ້າພະເຈົ້າໄດ້ຍິນການສົນທະນາ ເພື່ອແກ້ໄຂບັນຫານີ້ຢູ່ພາຍໃນ ມາດົນສົມຄວນແລ້ວ ແຕ່ຍັງບໍ່ມີຫຍັງປ່ຽນແປງ ເຊິ່ງກໍອາດຍ້ອນບໍລິສັດທີ່ເພິ່ນມາສຳປະທານ ອາດບໍ່ຢາກຈ່າຍເງິນເພີ່ມເພື່ອຈ້າງພະນັກງານ ຫຼືເຄື່ອງມືທີ່ອຳນວຍສະດວກ ເຊັ່ນ: ລໍ້ຍູ້ກະເປົ໋າກໍມີໜ້ອຍ ແລະເກົ່າແກ່ ແຕ່ຍັງບໍ່ສາມາດຊື້ມາເພີ່ມເຕີມໄດ້ເທື່ອ”. ​

- Tiger Head 728x90 - ສະໜາມບິນໃໝ່ ໃສ່ໃຈການບໍລິການ
- 1 1 - ສະໜາມບິນໃໝ່ ໃສ່ໃຈການບໍລິການ

ຖ້າຂໍ້ມູນດັ່ງກ່າວຫາກແມ່ນຄວາມຈິງ ກໍຄວນປັບປຸງໂດຍດ່ວນແທ້ໆ ເພາະເຮົາເດີນທາງໄປປະເທດເພິ່ນ ຍິ່ງມີຄົນຫຼາຍ ກວ່າສະໜາມບິນເຮົາຫຼາຍເທົ່າແຕ່ການລໍຖ້າເອົາກະເປົ໋ານັ້ນ ແມ່ນມີໜ້ອຍເທື່ອແທ້ໆ ທີ່ຈະຮອດຊົ່ວໂມງ.

ພວກເຮົາຫາກໍໄດ້ຍິນຂ່າວ ການປັບປ່ຽນ ຜູ້ບໍລິຫານໃຫຍ່ຂອງລັດວິສາຫະກິດການບິນລາວ ທີ່ກ້າວຂາມາ ຮັບຕໍາແໜ່ງດ້ວຍຄວາມຄາດຫວັງຂອງຄົນລາວໃນການປັບປຸງການບໍລິການທີ່ດີຂຶ້ນຢູ່ໃນສະໜາມບິນ, ພວກເຮົາລົມກັນເລື່ອງ ຄວາມອາດສາມາດໃນການແຂ່ງຂັນທີ່ດຸເດືອດ ເລື່ອງການບໍລິການຂອງສາຍການບິນ ກໍຄືສະໜາມບິນມາດົນສົມຄວນ ແຕ່ຖ້າຫາກ ບັນຫາການບໍລິການທີ່ເປັນພື້ນຖານນີ້ ບໍ່ສາມາດແກ້ໄຂໄດ້ຢ່າງຖ່ວງທີແລ້ວ,  ພວກເຮົາກໍບໍ່ອາດກ່າວເຖິງການແຂ່ງຂັນລະດັບພາກພື້ນໄດ້ເລີຍ.

ມັນອາດບໍ່ສະເພາະແຕ່ເລື່ອງກະເປົ໋າ, ການໃຫ້ຂໍ້ມູນຂ່າວສານແກ່ຜູ້ທີ່ເຂົ້າມາໃນສະໜາມບິນ, ການເຮັດວຽກ ທີ່ມີປະສິດທິພາບຂອງເຈົ້າໜ້າທີ່ ກວດຄົນເຂົ້າເມືອງ ແລະອື່ນໆ ກໍຫາກເປັນເລື່ອງທີ່ຈະຕ້ອງກວດກາ ແລະປັບປຸງຄືນຕຶ່ມ.

 

error: Content is protected !!