ນາຍົກເນັ້ນຕ້ອງສູ້ຊົນເກັບລາຍຮັບ ແລະ ດຶງດູດການລົງທຶນໃຫ້ຫລາຍ

- PM thongloun - ນາຍົກເນັ້ນຕ້ອງສູ້ຊົນເກັບລາຍຮັບ ແລະ ດຶງດູດການລົງທຶນໃຫ້ຫລາຍ
- Untitled design - ນາຍົກເນັ້ນຕ້ອງສູ້ຊົນເກັບລາຍຮັບ ແລະ ດຶງດູດການລົງທຶນໃຫ້ຫລາຍ

ໃນໂອກາດໂອ້ລົມຕໍ່ກອງປະຊຸມລັດຖະບານປະຈໍາເດືອນຕຸລາຂອງທ່ານນາຍົກລັດຖະມົນຕີ ທອງລຸນ ສີສຸລິດ ເມື່ອທ້າຍອາທິດຜ່ານມານີ້, ໂດຍທ່ານໄດ້ຍົກໃຫ້ເຫັນວ່າ: ໂດຍລວມແລ້ວເຫັນວ່າເສດຖະກິດມະຫາພາກຍັງສືບຕໍ່ຂະຫຍາຍຕົວ, ແຕ່ອາດຈະບໍ່ບັນລຸຕາມຕົວເລກສະພາແຫ່ງຊາດຮັບຮອງ, ສະນັ້ນໃນຕໍ່ໜ້າ ກະຊວງການເງິນຕ້ອງເພີ່ມທະວີຄວາມເອົາໃຈໃສ່ຊຸກຍູ້ການເກັບລາຍຮັບໃຫ້ໄດ້ຕາມເປົ້າໝາຍວາງໄວ້, ໂດຍການເລັ່ງປັບປຸງກົນໄກການເກັບລາຍຮັບແບບທັນສະໄໝ, ສືບຕໍ່ເກັບກໍາບັນຊີການນໍາເຂົ້າສີນຄ້າໃຫ້ມາເສຍພາສີ-ອາກອນຸຸຖືກຕ້ອງຄົບຖ້ວນ, ສືບຕໍ່ເອົາໃຈໃສ່ປະຕິບັດດໍາລັດວ່າດ້ວຍການປະຢັດ ແລະ ຕ້ານການຟູມເຟືອຍໃຫ້ແຂງແຮງ, ນອກນີ້, ໄດ້ເນັ້ນໃຫ້ກະຊວງແຜນການ ແລະ ການລົງທຶນ ກວດກາຄືນບັນດາໂຄງການລົງທຶນຂອງລັດທີ່ບໍ່ມີປະສິດທິພາບ, ໂດຍສະເພາະໂຄງການທີ່ສໍາເລັດ 100% ແມ່ນກວດກາຄຸນະພາບ-ມາດຕະຖານເຕັກນິກ ແລະ ງົບປະມານເໝາະສົມ. ພ້ອມກັນນີ້, ກໍໃຫ້ປະເມີນຄືນ ການຈັດຕັ້ງປະຕິບັດ 8 ມາດຕະການຊຸກຍູ້ເສດຖະກິດຂອງລັດຖະບານ, ໂດຍສະເພາະການອໍານວຍຄວາມສະດວກໃຫ້ພາກທຸລະກິດເອກະຊົນຕາມນະໂຍບາຍຂອງພັກ-ລັດ ແລະ ລະບຽບກົດໝາຍວາງອອກ, ໃຫ້ທະນາຄານແຫ່ງ ສປປ ລາວ ເອົາໃຈໃສ່ຄຸ້ມຄອງອັດຕາແລກປ່ຽນເງິນຕາຕ່າງປະເທດ, ນະໂຍບາຍສິນເຊື່ອເພື່ອຊຸກຍູ້ສົ່ງເສີມວິສາຫະກິດຂະໜາດນ້ອຍ ແລະ ກາງຫລາຍຂຶ້ນ. ຄຽງຄູ່ກັນນັ້ນ ກໍໃຫ້ຮີບຮ້ອນປັບປຸງຄືນກົງຈັກການຈັດຕັ້ງ ແລະ ສຶກສາອົບຮົມ ທາງດ້ານການເມືອງແນວຄິດໃຫ້ພະນັກງານຂົງເຂດທະນາຄານ. ນອກນີ້ກໍໄດ້ເນັ້ນໃຫ້ພາກສ່ວນກ່ຽວຂ້ອງສ້າງເງື່ອນໄຂອໍານວຍຄວາມສະດວກໃນການດໍາເນີນທຸລະກິດໃນເຂດເສດຖະກິດພິເສດ, ດ້ວຍການປະຕິບັດກົນໄກປະຕູດຽວ, ນະໂຍບາຍດ້ານພາສີ-ອາກອນຕາມລະບຽບກົດໝາຍ, ພ້ອມທັງເອົາໃຈໃສ່ການຄຸ້ມຄອງ, ກວດກາ ເພື່ອບໍ່ໃຫ້ມີສະພາບສວຍໂອກາດຫລີກລ້ຽງການຖອກພັນທະໃຫ້ລັດເກີດຂຶ້ນເດັດຂາດ.

- Wave100S AD to Website 2020 0 - ນາຍົກເນັ້ນຕ້ອງສູ້ຊົນເກັບລາຍຮັບ ແລະ ດຶງດູດການລົງທຶນໃຫ້ຫລາຍ
- WhatsApp Image 2020 05 27 at 5 - ນາຍົກເນັ້ນຕ້ອງສູ້ຊົນເກັບລາຍຮັບ ແລະ ດຶງດູດການລົງທຶນໃຫ້ຫລາຍ
- WhatsApp Image 2020 05 27 at 5 - ນາຍົກເນັ້ນຕ້ອງສູ້ຊົນເກັບລາຍຮັບ ແລະ ດຶງດູດການລົງທຶນໃຫ້ຫລາຍ
error: Alert: ເນື້ອຫາຂ່າວມີລິຂະສິດ !!