ປີທ່ອງທ່ຽວລາວຍັງໜັກໃຈເລື່ອງເສັ້ນທາງ

- advert banner 728 90 728x90 - ປີທ່ອງທ່ຽວລາວຍັງໜັກໃຈເລື່ອງເສັ້ນທາງ

ໂດຍ: ທິດກ່ຳ   

ຫວ່າງອາທິດຫລັງມານີ້, ທິດກ່ຳ ໄດ້ມີໂອກາດໄປທາງ 13 ໃຕ້ນັບແຕ່ນະຄອນຫລວງວຽງ ຈັນຫາເມືອງຫີນບູນ ແຂວງ ຄຳມ່ວນເຫັນວ່າ: ສະພາບເສັ້ນ ທາງເປ່ເພເປັນບວກຂຸມໃນແຕ່ ລະຍ່ານຈົນນັບບໍ່ຖ້ວນ.

 

ນະຄອນຫລວງຈະເລັ່ງສ້ອມແປງເສັ້ນທາງເປ່ເພໃນຕົວເມືອງ2017/

ເມືອງມະຫາໄຊສ້ອມແປງເສັ້ນທາງຮອງຮັບປີທ່ອງທ່ຽວ2018/

ມາຮອດປັດຈຸບັນ, ກໍຕົກ ເຂົ້າລະດູແລ້ງເມື່ອອອກພັນ ສາໄປ ແລ້ວນັກທ່ອງທ່ຽວທັງ ຫລາຍ, ທັງພາຍໃນ ແລະ ຕ່າງ ປະເທດ, ແຂກຕ່າງດ້າວ, ທ້າວ ຕ່າງແດນ, ນັບທັງໄທເຮົາເຈົ້າ ຂ້ອຍກໍຈະໄດ້ເຫາະເຫີນເດີນ ທ່ຽວຕາມກາລະໂອກາດໃຫ້ ສົມກັບວ່າປີ 2018 ເປັນປີທ່ອງ ທ່ຽວລາວ.

ແນວໃດກໍຕາມ, ເວົ້າເຖິງ ການໄປມາ, ການໃຊ້ລົດໃຊ້ຖະ ໜົນບໍ່ວ່າໄປທາງໃດ, ຈະໃກ້ ຫລື ຈະໄກໃນກໍລະນີໃດກໍຕາມ, ຖ້າ ເສັ້ນທາງບໍ່ດີ, ບໍ່ໄດ້ມາດຕະ ຖານມັນກໍຊັກຊ້າທັງຄິດງໍ້ ຄິດງ່ຽງ, ເປັນຫ່ວງຢ້ານເກີດອຸ ປະຕິເຫດແດ່, ລົດກໍເປ້ເພເສຍ ຫາຍຫລຸ້ຍຫ້ຽນໄວ, ທັງຊິ້ນ ເບື້ອງນ້ຳມັນ, ແກ່ຍາວເວລາ ຍ້ອນເສັ້ນທາງເປັນບວກຂຸມ ຍາມຝົນມາພັດເຕັມແຕ່ຂີ້ຕົມ ເລະລະ, ພໍຕົກຍາມແລ້ງພັດມີ ແຕ່ຂີ້ຝຸ່ນໄງ້ກຸ່ມ ເຊິ່ງເຮົາທັງ ຫລາຍທີ່ໄດ້ເດີນທາງຜ່ານ ໄປມາຄົງໄດ້ເຫັນກັບຕາ ແລະ ຮັບຮູ້ແກ່ໃຈມາແລ້ວຫລາຍ ຕໍ່ຫລາຍ.

- lattana 1 - ປີທ່ອງທ່ຽວລາວຍັງໜັກໃຈເລື່ອງເສັ້ນທາງ
- 1 1 - ປີທ່ອງທ່ຽວລາວຍັງໜັກໃຈເລື່ອງເສັ້ນທາງ

ໃນການບູລະນະສ້ອມ ແປງເສັນທາງຂອງໜ່ວຍງານກ່ຽວຂ້ອງເທົ່າທີ່ເຫັນຜ່ານມາ ເພິ່ນກໍພາກັນເຮັດຢູ່ເຊັ່ນວ່າ: ສະເພາະເສັ້ນທາງບ່ອນທີ່ໄດ້ ໄປເຫັນເພິ່ນໄດ້ເອົາຫີນບົດ ກ້ອນນ້ອຍກ້ອນໃຫຍ່ໄປຖົມໃສ່ ບ່ອນທີ່ມັນເປັນບວກຂຸມສຸດ ທ້າຍລົດແລ່ນຖູໄປໄຖມາຫີນ ເຫລົ່ານັ້ນມັນກໍຖືກກັດເຊາະ ພັດໜີກ້ຽງເອີດເຕີດ, ໃນມື້ທິດ ກ່ຳໄປນັ້ນ, ເຫັນນັກວິສະວະ ກອນ, ກຳມະກອນຂົວທາງກຳ ລັງພາກັນເອົາດິນແດງໄປຖົມ ໃສ່ຕື່ມນັບແຕ່ຍ່ານ ປາກກະ ດິງ ລົງໄປຈົນຮອດສອງຫ້ອງ ແຕ່ກໍເຫັນວ່າເມື່ອດິນແດງມັນ ແຫ້ງເສັ້ນທາງ ກໍມີແຕ່ຂີ້ຝຸ່ນ ໄງ້ກຸ້ມ.

ຕອນຂາໄປເຫັນເພິ່ນກຳ ລັງຖົມບາດຂາກັບດິນແດງນັ້ນ ໄດ້ມະທັບມະຫາຍໄປກັບສະ ພາບຄວາມແຮງການຮຸກຖູ ຂອງຕີນລົດ ແລະ ກະແສຄວາມ ບໍ່ເປັນມາດຕະຖານຂອງຜູ້ຄົ້ນ ຄິດສຸດທ້າຍມັນກໍເລີຍເປັນ ບວກຂຸມຄືເກົ່າ.
ຈາກສະພາບຕົວຈິງທີ່ໄດ ເຫັນ, ເບິ່ງຄືວ່າການສ້ອມແປງ ທາງບໍ່ແມ່ນເພື່ອຄວາມເປັນ ມາດຕະຖານ, ເພື່ອຄວາມສະ ດວກໂລ່ງລ່ຽນໃນການໄປມາ ແລະ ເພື່ອຄວາມຈະເລີນຂອງ ບ້ານຂອງເມືອງ, ເບິ່ງຢ່າງໜຶ່ງ ຄືວ່າເປັນພຽງຍົວະເອົາເງິນ ຫລື ວ່າໂກງເອົາເງິນງົບປະ ມານຂອງຊາດໃນທາງກົງ ແລະ ທາງອ້ອມ.

ນອກຈາກເສັ້ນທາງເລກທີ 13 ໃນບາງຍ່ານທີ່ທິດກ່ຳ ໄດ້ ໄປເຫັນຕົວຈິງແລ້ວ, ຍັງມີອີກ ຫລາຍເສັ້ນທີ່ຕົກຢູ່ໃນສະພາບ ເກືອບເປັນອຳມະພາດເຊັ່ນວ່າ: ເສັ້ນທາງໄປຫາແຫລ່ງທ່ອງ ທ່ຽວຖ້ຳກອງລໍ ແລະ ໄປແຫລ່ງ ທ່ອງທ່ຽວອື່ນໆ ຕາມທີ່ໄດ້ຖາມ ຄົນທ້ອງຖິ່ນແລ້ວ ກໍມີຄວາມ ຫຍຸ້ງຍາກເໝືອນກັນ.

ເວົ້າໂດຍລວມແລ້ວ, ບັນ ດາເສັ້ນທາງສາຍຕ່າງໆ ໃນທົ່ວ ປະເທດຖືກເປ່ເພເສຍຫາຍ ໜັກໃນປີນີ້ກໍຍ້ອນໄດ້ຮັບຜົນ ກະທົບຈາກສອງພາຍຸລູກໃຫຍ່ ໃນຊ່ວງຍາມຝົນເປັນຕົ້ນ ຄື: ພາຍຸເຊີນຕິນ ແລະ ເບີບິນກາ ຈຶ່ງເຮັດໃຫ້ພື້ນຖານໂຄງລ່າງ ຫລາຍແຫ່ງຂອງປະເທດຖືກ ເສຍຫາຍຢ່າງໜັກໜ່ວງ.

ເຖິງຢ່າງໃດກໍດີ, ຕໍ່ສະພາບ ເສັ້ນທາງທີ່ໄດ້ຖືກເປ່ເພເສຍ ຫາຍໃນປີນີ້ຄາດໝາຍການ ທ່ອງທ່ຽວຈະບໍ່ບັນລຸຕາມເປົ້າ ດັ່ງທີ່ທ່ານລັດຖະມົນຕີກະຊວງ ຖະແຫລງຂ່າວ, ວັດທະນະທຳ ແລະ ທ່ອງທ່ຽວໄດ້ກ່າວໄວ້ໃນ ເດືອນທີ່ຜ່ານມາ ແລະ ກວ່າຈະ ໄດ້ມີການສ້ອມແປງໃຫ້ຢູ່ໃນຂັ້ນ ມາດຕະຖານມັນກໍຕ້ອງໄດ້ອາ ໄສການເວລາ, ອາໄສຂັ້ນຕອນ ໃນການສ້ອມແປງຄືນໃໝ່.

ແຕ່ອັນສຳຄັນທີ່ສຸດກໍ ຕ້ອງມີງົບ, ມີເງິນ ແລະ ມີລະບົບ ຂັ້ນຕອນໃນການຈັດຕັ້ງປະຕິ ບັດຢ່າງຄັກແນ່, ກົງກັນຂ້າມ ຖ້າເຮັດຕາມຮູບແບບດັ່ງທີ່ໄປ ເຫັນຕົວຈິງນັ້ນມັນກໍເປັນພຽງ ເສຍຫຍ້າປົກຂີ້ໝາຊາມຊາພໍ ຍົວະເອົາເງິນງົບປະມານຂອງ ພັກຂອງລັດໄປໃນທາງກົງ ຫລື ທາງອ້ອມ./.

- 3362225 - ປີທ່ອງທ່ຽວລາວຍັງໜັກໃຈເລື່ອງເສັ້ນທາງ
(ພາບປະກອບ)
error: Content is protected !!