ຕັດແກ້ວອາຊີບບໍ່ຄວນເບິ່ງຂ້າມ

- advert banner 728 90 728x90 - ຕັດແກ້ວອາຊີບບໍ່ຄວນເບິ່ງຂ້າມ

- khamsonk 300x202 - ຕັດແກ້ວອາຊີບບໍ່ຄວນເບິ່ງຂ້າມ

- new3 - ຕັດແກ້ວອາຊີບບໍ່ຄວນເບິ່ງຂ້າມ

ຄໍາສຸກ ອັກຄະວົງ , ມີທ້ອງຖິ່ນມາຈາກບ້ານເກິນ, ເມືອງທຸລະຄົມ, ແຂວງວຽງຈັນ ແລ້ວມາເອົາເມຍຢູ່ບ້ານ ໄຊສະຫວ່າງ, ເມືອງໄຊທານີ, ນະຄອນຫຼວງ ວຽງຈັນ, ລາວເປັນຄົນທີ່ສູ້ຊີວິດ ມາ ເພື່ອຄອບຄົວ ເຊິ່ງໃນເມື່ອກ່ອນ ລາວເຄີຍມີບໍລິສັດກໍ່ສ້າງ ທົ່ວໄປເປັນຂອງຕົນເອງຕົກມາ ຮອດໄລຍະໜຶ່ງທຸລະກິດດັ່ງກ່າວ ບໍ່ສາມາດດໍາເນີນຕໍ່ໄປ ໄດ້ ຈຶ່ງຖືກຍົກເລີກ, ເຮັດໃຫ້ຊີວິດການ ເປັນຢູ່ຂອງຄອບຄົວເລີ່ມຂາດ ແຄນ ແລະ ພົບອຸປະສັກຫຼາຍຢ່າງ, ແຕ່ລາວກໍບໍ່ເຄີຍທໍ້ຖອຍ ແລະ ບໍ່ຫວັ່ນໄຫວແຕ່ຢ່າງໃດເພາະມີເມັຍ ແລະ ລູກຄອຍໃຫ້ກຳລັງໃຈ ແລະ ໃຫ້ຄໍາປຶກສາຢູ່ຕະຫຼອດເວລາ, ລາວຈຶ່ງຟ້າວຕັດສິນໃຈທ້ອນ ໂຮມເງິນຈໍານວນໜຶ່ງທີ່ມີມາເປັນທຶນເປີດຮ້ານ ຕັດແກ້ວຂຶ້ນທີ່ບ້ານ ໄຊສະຫວ່າງນັ້ນເອງ.

- keo123 300x202 - ຕັດແກ້ວອາຊີບບໍ່ຄວນເບິ່ງຂ້າມ

ຄໍາສຸກ ອັກຄະວົງ ໄດ້ເລົ່າສູ່ ຟັງວ່າ: ເບື້ອງຕົ້ນແມ່ນສ້າງຕັ້ງເປັນບໍລິສັດກໍ່ສ້າງທົ່ວໄປ ແລະດຳ ເນີນໄປໄດ້ໄລຍະ ໜຶ່ງຈຶ່ງຢຸດເຊົາ ຍ້ອນວ່າມີຫຼາຍບໍລິສັດແກ້ງແຍ້ງກັນ ແລະ ອີກຢ່າງໜຶ່ງທຶນຮອນ ຂອງຕົນເອງກໍບໍ່ພຽງ ພໍກັບການລົງທຶນ ຈຶ່ງໄດ້ຫັນປ່ຽນມາເປີດ ຮ້ານຕັດແກ້ວນັບແຕ່ປີ 2005 ເປັນຕົ້ນມາ ແລະ ມາຮອດປັດຈຸ ບັນໄດ້ປະມານ 10 ປີແລ້ວ.ກິດຈະການ ຕັດແກ້ວນີ້ເປັນທຸລະກິດນ້ອຍແບບຄອບຄົວໂດຍເອົາລູກຫຼານ ມາເປັນຊ່າງ ມີທັງໝົດ 5 ຄົນ, ຕົ້ນຕໍແມ່ນຜະລິດຕູ້ກັບເຂົ້າ, ຕູ້ໂຊ, ຕູ້ເສື້ອຜ້້າ ແລະ ຜະລິດຕາມ ທີ່ລູກຄ້າສັ່ງ, ທຸກໆຜະລິດຕະພັນ ແມ່ນເຮັດຈາກ ອະລູມີນຽມ ແລະ ແກ້ວ ທີ່ສັ່ງຊື້ຈາກບໍລິສັດໃຫຍ່  ເຊິ່ງແຕ່ລະເດືອນຕ້ອງ ທີ່ໄດ້ລົງ ທຶນປະມານ 25-30 ລ້ານ ກວ່າ ກີບ. ເມື່ອນຳມາຜະລິດ ແລະ ຂາຍອອກແລ້ວຈະມີລາຍຮັບແຕ່ ລະເດືອນປະມານ 10 ກວ່າ ລ້ານ ກີບ, ຖ້າຕັດຄ່າແຮງງານຂອງກຳມະກອນອອກ ແລະ ຄ່າສິ້ນ ເປືອງອື່ນໆອອກ ແລ້ວແມ່ນຍັງເຫຼືອປະມານ6-7 ລ້ານກີບ/ ເດືອນ. ເມື່ອກ່ອນ ຜະລິດນຳບໍ່ທັນເພາະລູຄ້າສັ່ງຈອງຕະຫຼອດແຕ່ ມາຮອດດຽວນີ້ມີຫຼາຍຮ້ານທີ່ ຕັ້ງຂຶ້ນມາໃໝ່ກໍມີການແກ້ງແຍ່ງ ແຂ່ງຂັນກັນເກີດຂຶ້ນ ແລະ ຮ້ານ ຕັດແກ້ວ ກໍເພີ່ມຂຶ້ນເລື້ອຍໆ. ນອກຈາກນັ້ນ ຍັງມີຊາວຕ່າງປະເທດ ເຂົ້າມາເຮັດອາຊີບນີ້ແຂ່ງຂັນກັບລາວເຮັດໃຫ້ການ ຈໍາໜ່າຍ ສິນຄ້າຝຶດເຄືອງລົງຍ້ອນວ່າເຂົາ ເຈົ້າຂາຍລາຄາຖືກກວ່າສິນຄ້າລາວ,  ແຕ່ເລື່ອງຄຸນພາບແມ່ນຜະລິດ ຕະພັນຂອງລາວເຮົາດີ ກວ່າເພາະພວກເຮົາເລືອກເອົາ ວັດຖຸດິບທີ່ມີຄຸນະພາບດີທີ່ສຸດ ມາເຮັດເພື່ອບໍ່ໃຫ້ເສຍ ລູກຄ້າ  ແລະ ຂາປະຈຳ.

- keo111 300x202 - ຕັດແກ້ວອາຊີບບໍ່ຄວນເບິ່ງຂ້າມ

- lattana 1 - ຕັດແກ້ວອາຊີບບໍ່ຄວນເບິ່ງຂ້າມ

ຄໍາສຸກ ອັກຄະວົງ ໃຫ້ຮູ້ ອີກວ່າ: ນັບຕັ້ງແຕ່ໄດ້ດຳເນີນ ກິດຈະການຕັດແກ້ວມາເຫັນ ວ່າສະພາບການເປັນຢູ່ຂອງ ຄອບຄົວດີຂຶ້ນ, ປັດຈຸບັນນີ້ເຖິງຈະ ມີຫຼາຍຮ້ານ ແລະ ຫຼາຍສາຂາ ກ່ຽວກັບວຽກຕັດແກ້ວແຕ່ກໍບໍ່ ສາມາດຈະມາ ເປັນຄູ່ແຂ່ງກັບ ຮ້ານເຮົາໄດ້, ເພາະທາງຮ້ານ ພວກເຮົາມີລູກຄ້າ ແລະ ຂາປະ ຈຳຫຼາຍແລ້ວ, ດຽວນີ້ເລີ່ມມີລູກຄ້າ ໃໝ່ເຂົ້າມາອີກ ຈິ່ງເຮັດໃຫ້ ພວກເຮົາໄດ້ມີທ່າແຮງໃນການ ຂະຫຍາຍກິດຈະການຕື່ມ. ມາຮອດ ປັດຈຸບັນຕົນເອງ ດີໃຈທີ່ສາມາດ, ນຳພາຄອບຄົວມີຢູ່ມີ ກິນ ແລະ  ກາຍເປັນຄອບຄົວທີ່ ອຸດົມສົມບູນດີຂຶ້ນ.

ຄຳສຸກເວົ້າວ່າ: ການເຮັດ ທຸລະກິດບໍ່ວ່າຈະເປັນວຽກນ້ອຍຫຼືໃຫຍ່ກໍບໍ່ສຳຄັນ , ສຳຄັນຢູ່ ບ່ອນວ່າ ຜະລິດຕະພັນທີ່ ຜະລິດອອກມານັ້ນແມ່ນໃຫ້ໂດດເດັ່ນ, ງົດງາມ ແລະ ລະອຽດອ່ອນ ທາງດ້ານສີມືໃຫ້ໄປຕາມຍຸກ ຕາມສະໄໝ, ມີຄຸນນະພາບດີ, ໃຊ້ງານໄດ້ດົນ. ສະນັ້ນ, ຖ້າຜູ້ໃດ ມີຄວາມຕ້ອງການຜະລິດຕະພັນອາລູມີນຽມ ແລະ ແກ້ວທຸກ ປະເພດເຄື່ອງໃຊ້ທີ່ໄດ້ມາດຕະຖານ ແລະ ມີຮູບແບບທີ່ງົດງາໃຫ້ມາແວ່ຊື້ໄດ້ທີ່ຮ້ານຕັດແກ້ວໄຊສະຫວ່າງ , ເມືອງໄຊທານີ, ໄດ້ເລີຍ.

error: Content is protected !!