ເຮັດແນວໃດບໍ່ໃຫ້ຄຳວິພາກວິຈານມາທຳລາຍຄວາມໝັ້ນໃຈ

- 042210 2018 - ເຮັດແນວໃດບໍ່ໃຫ້ຄຳວິພາກວິຈານມາທຳລາຍຄວາມໝັ້ນໃຈ
- Untitled design - ເຮັດແນວໃດບໍ່ໃຫ້ຄຳວິພາກວິຈານມາທຳລາຍຄວາມໝັ້ນໃຈ

ບາງເທື່ອຄຳວິພາກວິຈານອາດເປັນເລື່ອງຍາກທີ່ຈະຍອມຮັບ ບໍ່ວ່າຈະເວົ້າອອກມາຢ່າງສຸພາບ ແລະ ບໍ່ມີເຈດຕະນາວ່າຮ້າຍ ກໍຕາມ, ແຕ່ການໄປຍຶດຕິດກັບມັນກໍບໍ່ສົ່ງຜົນດີກັບຄວາມໝັ້ນໃຈຂອງທ່ານເລີຍຄືກັນ. ບໍ່ວ່າທ່ານຈະໄດ້ຮັບຄຳຍ້ອງຍໍຊົມເຊີຍເທົ່າ ໃດ ສິ່ງທີ່ມັກຈະເກີດຂຶ້ນກໍຄື ຄຳວິພາກວິຈານພຽງຄຳດຽວກໍເຮັດໃຫ້ທ່ານເກັບໄປຄິດຊຳ້ໆຈົນເຮັດໃຫ້ຄວາມໝັ້ນໃຈຫລຸດລົງໄດ້ ເຊິ່ງເລື່ອງແບບນີ້ເກີດຂຶ້ນກັບທຸກຄົນ ມີຄົນເປັນຮ້ອຍບອກວ່າພວກເຂົາຍ້ອງຍໍຜົນງານຂອງເຮົາ ແຕ່ອາດມີພຽງວຽກດຽວທີ່ຖືກວິພາກວິຈານຮຸນແຮງຈົນຕາມມາຫລອກຫລອນທ່ານເຖິງທຸກມື້ນີ້.

ແນວໃດກໍຕາມ ຄຳວິພາກວິຈານນັ້ນເປັນສິ່ງຈຳເປັນ ໂດຍສະເພາະຢ່າງຍິ່ງໃນຖານະມືອາຊີບ ເຮົາຄົງຮູ້ກັນດີແລ້ວວ່າເຮົາຄວນຕອບຮັບຄຳວິຈານ ແລະ ນຳໄປປັບໃຊ້ເປັນສິ່ງທີ່ຄວນຮຽນຮູ້, ແຕ່ມີອີກໜຶ່ງກຸນແຈສຳຄັນໃນການຮັບມືກັບຄຳວິພາກວິຈານ ເຊິ່ງກໍຄື ການໃຊ້ມັນເປັນໂຕຊ່ວຍ ໂດຍບໍ່ໃຫ້ມັນມາທຳລາຍຄວາມໝັ້ນໃຈໄປຈົນໝົດ. ນີ້ໄປນີ້ແມ່ນ 5 ເຄັດລັບທີ່ຈະຊ່ວຍເຮັດໃຫ້ການຖືກວິຈານກາຍເປັນຜົນດີໂດຍບໍ່ທຳຮ້າຍຄວາມຮູ້ສຶກຂອງທ່ານອີກ :

- Wave100S AD to Website 2020 0 - ເຮັດແນວໃດບໍ່ໃຫ້ຄຳວິພາກວິຈານມາທຳລາຍຄວາມໝັ້ນໃຈ
  1. ຢ່າດ່ວນສະຫລຸບ : ຄຳວິຈານດ້ານລົບມັກຈະຟັງເບິ່ງຮຸນແຮງ ແນວໃດກໍຕາມ ທ່ານຄວນຈະເບິ່ງໃຫ້ເຫັນເຖິງຄວາມຫວັງດີ ແລະ ຄວາມບໍລິສຸດໃຈທີ່ຢູ່ເບື້ອງຫລັງຄຳວິຈານເຫລົ່ານັ້ນນຳ. ຄົນສ່ວນຫລາຍບໍ່ໄດ້ສະແດງຄວາມຄິດເຫັນເພື່ອໃຫ້ທ່ານຮູ້ສຶກບໍ່ດີ ໃນທາງກົງກັນຂ້າມ ພວກເຂົາຫວັງຢາກໃຫ້ທ່ານສຳເລັດຕ່າງຫາກ ຈຶ່ງພະຍາຍາມຊີ້ທາງແນະນຳໃຫ້ທ່ານພັດທະນາ. ດັ່ງນັ້ນ, ໃຫ້ທ່ານຄິດບວກເຂົ້າໄວ້, ຫລີກເວັ້ນການເບິ່ງຄຳວິຈານເປັນການດູຖູກດູໝິ່ນ ເພາະສ່ວນຫລາຍຜູ້ວິຈານເອງກໍບໍ່ໄດ້ໝາຍຄວາມແບບນັ້ນເລີຍ.
  2. ລະນຶກໄວ້ວ່າບໍ່ມີໃຜສົມບູນພຽບພ້ອມ : ໃນໂລກແຫ່ງຄວາມຝັນທຸກຄວາມຄິດ ແລະ ຜົນງານຂອງທ່ານຄົງຈະໄດ້ຮັບສຽງຕົບມື ແລະ ການຍ້ອງຍໍຊົມເຊີຍຈາກຜູ້ຄົນນັບບໍ່ຖ້ວນ, ແຕ່ຄວາມຈິງບໍ່ແມ່ນແນວນັ້ນ ເພາະເປັນເລື່ອງຍາກທີ່ທ່ານຈະພົບໃຜຈັກຄົນທີ່ບໍ່ເຄີຍໄດ້ຮັບຄຳວິຈານຮຸນແຮງເລີຍນັ້ນເປັນສິ່ງທີ່ເຮົາຫລີກເວັ້ນບໍ່ໄດ້ ແລະ ເຖິງທີ່ສຸດແລ້ວ ຄຳວິຈານກໍເປັນສິ່ງທີ່ດີ ເພາະມັນເຮັດໃຫ້ທ່ານເຕີບໃຫຍ່ຂຶ້ນ ແລະ ພັດທະນາຈົນເປັນມືອາຊີບໄດ້. ເວລາໄດ້ຮັບຄຳວິຈານ ຢ່າໄປຈົມຢູ່ກັບຄວາມຮູ້ສຶກໄຮ້ຄ່າ ຫລື ໄຮ້ຄວາມສາມາດເລີຍ ຈົ່ງຈື່ໄວ້ສະເໝີວ່າບໍ່ມີໃຜສົມບູນພຽບພ້ອມໄປໝົດ.
  3. ໃຫ້ຄວາມສຳຄັນກັບເນື້ອໃນໃຈຄວາມຂອງຄຳວິຈານ : ເວລາທີ່ໃຜວິຈານທ່ານ ທ່ານມັກຈະໄປໃຫ້ຄວາມສຳຄັນກັບສະຖານະການຕອນນັ້ນຫລາຍກ່ວາ ໂດຍເຮົາມັກຕັ້ງຄຳຖາມວ່າ ເປັນຫຍັງເຂົາຈຶ່ງວິຈານເຮົາຕໍ່ໜ້າກອງປະຊຸມແບບນີ້ ? ເຂົາໄດ້ໃຫ້ເຮົາຖືກເບິ່ງບໍ່ດີຕໍ່ໜ້າຫົວໜ້າ ແລະ ເພື່ອນຮ່ວມງານທຸກຄົນແມ່ນບໍ່ ? ຫລື ເຂົາຢາກຈະຍາດວຽກຂອງເຮົາ? ແຕ່ຖ້າຫາກທ່ານຢາກຈະໄດ້ປະໂຫຍດຈາກຄຳວິຈານໃຫ້ຫລາຍທີ່ສຸດ (ແທນການຄິດຫລາຍກັບມັນ) ທາງທີ່ດີສຸດທ່ານຕ້ອງເຊົາຄິດແບບນັ້ນ ເພື່ອຫັນມາໃຫ້ຄວາມສຳຄັນກັບເນື້ອໃນໃຈຄວາມ ອັນໃດແມ່ນໃຈຄວາມຂອງຄຳວິຈານທີ່ເຮົາໄດ້ຮັບ ? ຫາກທ່ານຫລີກເວັ້ນການຄິດຫລາຍກັບຄຳວິຈານໄດ້ ທ່ານຈະເຂົ້າເຖິງປະເດັນບັນຫາທີ່ແທ້ຈິງ ແລະ ນຳເອົາຄຳວິຈານມາປັບໃຊ້ແກ້ໄຂບັນຫາໄດ້.
  4. ເບິ່ງໃນອີກແງ່ມຸມ : ການຍອມຮັບຄຳວິຈານທີ່ດີນັ້ນບໍ່ແມ່ນການເຫັນດີເຫັນພ້ອມແລ້ວກໍຍັງໃຊ້ຊີວິດຕໍ່ໄປຄືເກົ່າ ເພາະມັນບໍ່ ແມ່ນແນວນັ້ນເລີຍ ທ່ານບໍ່ຄວນທີ່ຈະຢ້ານ ຫລື ຍ່າງໜີມັນ ທ່ານຄວນຈະເຂົ້າຫາມັນ ຫລື ຖາມໃຫ້ຈະແຈ້ງໄປເລີຍ. ການເຮັດແບບນີ້ຈະເຮັດໃຫ້ທ່ານຮູ້ວ່າທ່ານຕ້ອງພັດທະນາບ່ອນໃດ. ນອກຈາກນີ້, ການຖາມຍັງມີປະໂຫຍດຢ່າງອື່ນນຳ ມັນຈະເຮັດໃຫ້ທ່ານເບິ່ງຜູ້ວິຈານປ່ຽນໄປ ແທນທີ່ທ່ານຈະເບິ່ງເຂົາເປັນຄົນທີ່ຈ້ອງທຳຮ້າຍທ່ານໂດຍການທຳລາຍຄວາມໝັ້ນໃຈ, ແຕ່ທ່ານຈະເບິ່ງວ່າເຂົາເປັນຄົນທີ່ຊ່ວຍຊີ້ທາງ, ອະທິບາຍລາຍລະອຽດທີ່ຄວນແກ້ໄຂໃນການພັດທະນາໂຕທ່ານເອງ ເຊິ່ງການທີ່ທ່ານບໍ່ເບິ່ງວ່າມີແຕ່ຄົນຄິດຮ້າຍນັ້ນ ຈະເປັນການຊ່ວຍເພີ່ມຄວາມໝັ້ນໃຈທີ່ດີໄດ້ນຳ.
  5. ຮຽນຮູ້ຈາກມັນ : ທ່ານຮູ້ດີແລ້ວວ່າຄຳວິຈານມີໄວ້ໃຫ້ທ່ານພັດທະນາ, ແຕ່ກໍຕໍ່ເມື່ອທ່ານເອົາໄປໃຊ້ ແລະ ຮຽນຮູ້ຈາກມັນເທົ່ານັ້ນ. ດັ່ງນັ້ນ, ໃຫ້ທ່ານຈົດບັນທຶກບົດຮຽນເຫລົ່ານີ້ໄວ້ໃຫ້ດີ ແລ້ວເອົາໄປປັບໃຊ້ຕໍ່ໂດຍໄວ ເພາະຄົງບໍ່ມີໃຜຢາກຢູ່ກັບຄຳວິຈານເກົ່າໆດົນດອກ. ບໍ່ພຽງແຕ່ມັນຈະເຮັດໃຫ້ວຽກປະຈຸບັນຂອງທ່ານອອກມາດີຂຶ້ນເທົ່ານັ້ນ, ແຕ່ມັນຍັງຊ່ວຍເລື່ອງວຽກໃນອະນາຄົດຂອງທ່ານນຳ ເພາະເມື່ອທ່ານມີຄວາມຮູ້ ທັກສະຄວາມສາມາດເພີ່ມຂຶ້ນຄວາມໝັ້ນໃຈກໍຈະເພີ່ມຂຶ້ນໄປນຳ.
- WhatsApp Image 2020 05 27 at 5 - ເຮັດແນວໃດບໍ່ໃຫ້ຄຳວິພາກວິຈານມາທຳລາຍຄວາມໝັ້ນໃຈ
- WhatsApp Image 2020 05 27 at 5 - ເຮັດແນວໃດບໍ່ໃຫ້ຄຳວິພາກວິຈານມາທຳລາຍຄວາມໝັ້ນໃຈ
error: Alert: ເນື້ອຫາຂ່າວມີລິຂະສິດ !!