ທ່ານ ທຣຳ ຕັດເງິນຊ່ວຍເຫລືອ 3 ປະເທດ ອາເມລິກາລາຕິນຈາກບັນຫາຜູ້ອົບພະຍົບ

- news sHVkSFnUvh114514 533 - ທ່ານ ທຣຳ ຕັດເງິນຊ່ວຍເຫລືອ 3 ປະເທດ ອາເມລິກາລາຕິນຈາກບັນຫາຜູ້ອົບພະຍົບ
- Untitled design - ທ່ານ ທຣຳ ຕັດເງິນຊ່ວຍເຫລືອ 3 ປະເທດ ອາເມລິກາລາຕິນຈາກບັນຫາຜູ້ອົບພະຍົບ

ປະທານາທິບໍດີ ​ໂດ​ນັລ ທຣຳ ສັ່ງ​ຕັດ​ງົບປະມານ​ຊ່ວຍ​ເຫລືອ​ແອນ​ຊານ​ວາ​ດໍ, ຮົງ​ດູຣັດ ​ແລະ ກົວ​ເຕມາລາ ​ເຊິ່ງ​ເປັນ​ສັນຊາດ​ສ່ວນ​ໃຫຍ່​ຂອງຄາ​ລາ​ວານ​ຜູ້​ອົບ​ພະຍົບ ທີ່​ຜູ້ນຳ​ອາ​ເມ​ລິ​ກາ​ປະກາດ​ຈະ​ບໍ່​ມີ​ທາງ​ໃຫ້​ເຂົ້າປະ​ເທດ​ເດັດຂາດ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ປະທານາທິບໍດີ ​ໂດ​ນັລ ທຣຳ ກ່າວ​ໃນ​ວັນ​ທີ 22 ຕຸລາ​ວ່າ: ທ່ານ​ໄດ້​ປຶກສາ​ຫາລື​ຮ່ວມ​ກັບ​ເຈົ້າໜ້າ​ທີ່​ກອງ​ກຳລັງ​ລາດຕະ​ເວນ​ຊາຍ​ແດນ ​ແລະ ກອງທັບ​ແລ້ວ​ວ່າ: ສະຖານະ​ການ​ຄາ​ລາ​ວານ​ຜູ້​ອົບ​ພະຍົບ​ເທື່ອ​ໃໝ່​ຈາກ​ອາ​ເມ​ລິ​ກາ​ກາງ​ທີ່​ເຂົ້າ​ໃກ້​ຊາຍ​ແດນ​ທາງ​ໃຕ້​ຂອງ​ອາ​ເມ​ລິ​ກາ​ຫລາຍ​ຂຶ້ນນັ້ນ ຖື​ເປັນ “ວາລະ​ສຸກ​ເສີນ​ແຫ່ງ​ຊາດ”, ພ້ອມ​ທັງ​ສະ​ແດງ​ຄວາມ​ຜິດ​ຫວັງ​ທີ່​ເມັກ​ຊິກ​ບໍ່​ສາມາດ​ລະງັບ​ການຫລັ່ງ​ໄຫລ​ຂອງ​ຜູ້​ອົບ​ພະຍົບຄັ້ງນີ້​ໄດ້.

- Wave100S AD to Website 2020 0 - ທ່ານ ທຣຳ ຕັດເງິນຊ່ວຍເຫລືອ 3 ປະເທດ ອາເມລິກາລາຕິນຈາກບັນຫາຜູ້ອົບພະຍົບ

ຂະນະ​ດຽວ​ກັນ, ຜູ້ນຳ​ອາ​ເມ​ລິ​ກາ ປະກາດ​ເລີ່​ມການ​ຕັດ ຫລື ຫລຸດ​ງົບປະມານ​ການ​ຊ່ວຍ​ເຫລືອ ​ເຊິ່ງ​ເຄີຍ​ມອບ​ໃຫ້​ກົວ​​ເຕມາລາ, ຮົງ​ດູຣັດ ​ແລະ ​ແອນຊານ​ວາ​ດໍ ​ເນື່ອງ​ຈາກ​ລັດຖະບານ​ທັງ​ສາມ​ປະ​ເທດ​ບໍ່​ສາມາດ​ສະກັດ​ກັ້ນຄວາມ​ພະຍາຍາມ​ຂອງ​ປະຊາຊົນ ​ໃນ​ການ​ເດີນທາງ​ຂ້າມ​ປະ​ເທດ​ຢ່າງ​ຜິດ​ກົດໝາຍ​ເຂົ້າມາ​ອາ​ເມ​ລິ​ກາ ​ໂດຍ​ສະ​ເພາະ​ຮົງ​ດູຣັດ ​ເຊິ່ງມີ​ອັດຕາ​ການ​ເກີດ​ອາ​ຊະ​ຍາ​ກຳ​ສູງ​ທີ່​ສຸດ​ປະ​ເທດ​ໜຶ່ງ​ຂອງ​ໂລກ ຄື 43 ຄັ້ງຕໍ່​ປະຊາກອນ 100.000 ຄົນ ​ແລະ ​ໄດ້​ຮັບ​ງົບປະມານ​ຊ່ວຍ​ເຫລືອ​ຈາກ​ລັດຖະບານ​ວໍ​ຊິງ​ຕັນ 181,7 ລ້ານ​ໂດ​ລາ​ສະຫະລັດ. ທ່ານ ທຣຳ ຍັງ​ຢືນຢັນ​ຄວາມ​ພ້ອມ​ຂອງ​ທ່ານ​ໃນ​ການ​ໃຊ້ “ມາດ​ຕະການ​ທາງ​ທະຫານ” ​ເພື່ອ​ປົກ​ປ້ອງ​ຊາຍ​ແດນ​ຈາກ​ຄາ​ລາ​ວານ​ຜູ້​ອົບ​ພະຍົບ ​ເຊິ່ງ​ເປັນຄວາມ​ພະຍາຍາມ​ໂຍກ​ຍ້າຍ​ຖິ່ນ​ຖານ​ຄັ້ງ​ໃຫຍ່​ເປັນຄັ້ງທີ 2 ຕໍ່​ຈາກ​ເດືອນ​ມີນາ​ປີ​ນີ້.

​ເຖິງ​ຢ່າງ​ໃດ​ກໍ​ຕາມ, ງົບປະມານ​ຊ່ວຍ​ເຫລືອ​ຈາກ​ລັດຖະບານ​ວໍ​ຊິງ​ຕັນ​ຕໍ່​ພາກພື້ນອາ​ເມ​ລິ​ກາລາຕິນຫລຸດ​ລົງ​ຈາກ 750 ລ້ານ​ໂດ​ລາ​ສະຫະລັດ ​ໃນ​ປີ 2016 ​ເຫລືອ 655 ລ້ານ​ໂດ​ລາ​ສະຫະລັດ ​ໃນ​ປີຜ່ານມາ ​ແລະ ອາດ​ຫລຸດ​ລົງ​ອີກ​ເຫລືອ 615 ລ້ານ​ໂດ​ລາ​ສະຫະລັດ ​ໃນ​ປີ​ນີ້. ຕາມ​ການ​ຕີ​ລາຄາ​ໂດຍ​ສຳນັກງານ​ກິດຈະການ​ອາ​ເມ​ລິ​ກາ​ລາ​ຕິນຂອງ​ທຳນຽບຂາວ.

- WhatsApp Image 2020 05 27 at 5 - ທ່ານ ທຣຳ ຕັດເງິນຊ່ວຍເຫລືອ 3 ປະເທດ ອາເມລິກາລາຕິນຈາກບັນຫາຜູ້ອົບພະຍົບ
- WhatsApp Image 2020 05 27 at 5 - ທ່ານ ທຣຳ ຕັດເງິນຊ່ວຍເຫລືອ 3 ປະເທດ ອາເມລິກາລາຕິນຈາກບັນຫາຜູ້ອົບພະຍົບ
error: Alert: ເນື້ອຫາຂ່າວມີລິຂະສິດ !!