ລິເວີພູລ ຍິ້ມ ! ມາເນ່ ພ້ອມຄືນສະໜາມພົບ ຊເວຊດ້າ

- advert banner 728 90 728x90 - ລິເວີພູລ ຍິ້ມ ! ມາເນ່ ພ້ອມຄືນສະໜາມພົບ ຊເວຊດ້າ

ລິ​ເວີ​ພູລ ​ເອ໊ກ​ໂຄ່ ສື່​ຂອງ​ອັງກິດ ລາຍ​ງານ​ວ່າ: ຊາ​ດິ​ໂອ ມາ​ເນ່ ປີກ​ຄວາມ​ໄວ​ສູງຂອງ ລິ​ເວີ​ພູລ ພ້ອມ​ກັບ​ມາ​ຊ່ວຍ​ທີ​ມ​ໃນ​ເກ​ມ ​ແຊມ​ປ້ຽນລີກ ນັດ​ພົບ​ກັບ ຊ​ເວ​ຊດ້າ.

ຊາ​ດິ​ໂອ ມ​າ​ເນ່ ປີກ​ຄົນ​ເກັ່ງ​ຂອງ ລິ​ເວີ​ພູລ ສະ​ໂມ​ສອນ​ຍັກ​ໃຫຍ່​ແຫ່ງ​ວົງ​ການ ພຣີ​ເມຍ​ລີກ ອັງກິດ ຈະ​ພ້ອມ​ຊ່ວຍ​ທີ​ມ​ໃນ​ເກ​ມ ຢູຟາ ​ແຊມ​ປ້ຽນລີກ ຮອບ​ແບ່ງ​ກຸ່ມ ກຸ່ມ C ນັດ​ທີ່​ຕົ້ນສັງກັດ​ຂອງ​ລາວ​ຕ້ອງ​ເປີດ​ບ້ານ ​ແອນ​ຟິລ ຮັບ​ການ​ມາ​ຢາມ​ຂອງ ​ເຊີ​ເວ​ນ່າ ຊ​ເວ​ຊດ້າ (​ເຣັດ ສຕາຣ ​ເບ​ລ​ເກຣດ) ​ໃນ​ວັນ​ທີ 24 ຕຸລາ​ນີ້.

ກ່ອນ​ໜ້າ​ນີ້, ມາ​ເນ່ ມີອາການ​ກະດູກ​ນິ້ວ​ໂປ້​ລ້າວ​ຕອນ​ໄປ​ຮັບ​ໃຊ້​ທີ​ມຊາດ​ເຊ​ເນ​ກັລ ​ໂດຍ​ອາການ​ເຈັບ​ດັ່ງກ່າວ​ເຮັດ​ໃຫ້​ລາວ​ພາດ​ເກ​ມລີກ​ນັດ​ທີ່ ລິ​ເວີ​ພູລ ບຸກ​ໄປ​ຊະນະ ຮັດ​ເດີ​ຟິລ ທາວ 1-0 ​ໃນ​ວັນ​ທີ 20 ຕຸລາ​ຜ່ານ​ມາ.

- 1 1 - ລິເວີພູລ ຍິ້ມ ! ມາເນ່ ພ້ອມຄືນສະໜາມພົບ ຊເວຊດ້າ
- lattana 1 - ລິເວີພູລ ຍິ້ມ ! ມາເນ່ ພ້ອມຄືນສະໜາມພົບ ຊເວຊດ້າ

ຫລ້າ​ສຸດ ມາ​ເນ່ ສາມາດ​ກັບ​ມາ​ລົງ​ຊ້ອມ​ແບບ​ເຕັມທີ່​ໄດ້​ແລ້ວ ​ເຊິ່ງ​ແປ​ວ່າ​ລາວ​ພ້ອມ​ລົງຫລິ້ນ​ໃນ​ເກ​ມວັນ​ທີ 24 ຕຸລາ​ນີ້. ​ເຖິງ​ຢ່າງ​ໃດ​ກໍ​ຕາມ, ​ເຈີ​ເກັ້ນ ຄລ໊ອປ ຜູ້​ຈັດການ​ທີ​ມ ລິ​ເວີ​ພູລ ຍັງ​ຕ້ອງ​ຖ້າ​ເບິ່ງ​ສະພາບ​ຄວາມ​ຟິດຂອງ ຈໍ​ແດນ ​ເຮ​ນ​ເດີ​ສັນ ກອງ​ກາງ​ຊາວ​ອັງກິດ​ຢູ່ ຫລັງ​ຈາກ​ລາວ​ມີ​ອາການ​ເອັນຫລັງ​ຫົວ​ເຂົ່າ​ເຄັ່ງ​ຈາກ​ເກ​ມກັບ ຮັດ​ເດີ​ຟິລ ຈົນ​ຖືກ​ປ່ຽນ​ຕົວ​ອອກ​ຈາກ​ສະໜາມ​ໃນ​ໄລຍະ​ພັກ​ເຄິ່ງ, ສ່ວນ ນາປີ ​ເກ​ອິຕ້າ ທີ່​ເຈັບ​ບໍລິ​ເວນ​ເອັນ​ຫລັງ​ຫົວ​ເຂົ່າ​ແຕ່​ຕອນ​ຫລິ້ນ​ໃຫ້​ທີ​ມຊາດ​ກີ​ນີ ຍັງ​ບໍ່​ສາມາດ​ກັບ​ມາ​ຊ່ວຍ​ທີ​ມ​ໄດ້​ເປັນ​ທີ່​ແນ່ນອນ.

error: Content is protected !!